Luka 10:22 - Tshwa Bible

²² Na a hunzulukela ka vapizani, aku: Zontlhe zi nyikilwe ka mina hi Dadani. A nga kona a mu tivako Nʼwana lezaku himani, sine Dadani yece; niku himani Dadani, sine. Nʼwana yece, ni wihi loyi Nʼwana a xuvako ku mu wonekelisa ka yena. Mat. 28:18; Joh. 1:18; 3:35; 5:27

Luka 10:22 Mawu Ofanana

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Johani 10:15

kota lezi Dadani a nzi tivako, na mina nza mu tiva Dadani; nzi nyikela a kuhanya ka mina hi kota ya tiyivu. Mat. 11:27; Xip. 15:13

Johani 13:3

Jesu na a zi tiva ku ngalo, Dadani i wa vekile zilo zontlhe mandleni yakwe, niku i humele hi ka Nungungulu, iya ka Nungungulu, Mat. 11:27; Xip. 8:42; 16:28; Miti. 2:36; 1 Kor. 15:27; Maheb. 2:8

Johani 17:10

Zontlhe lezi zi nga za mina za wena, ni za wena za mina; nza dumiswa ka vona.

Johani 17:2

kota lezi u mu nyikileko ntamu hehla ka nyama yontlhe, lezaku vontlhe lava u mu nyikileko vona, a fela ku va nyika wutomi ga pinzukelwa. Dan. 7:14; Mat. 11:27; 28:18; Xip. 6:37; 1 Kor. 15:25

Johani 17:26

Nzi va tivisile a vito ga wena, nza ha ta gi tivekisa; kasi a liranzo leli u nzi ranzileko ha lona li fela ku tshama ka vona, na mina nzi hi ka vona. Xip. 15:9, 15

Johani 17:5

Makunu, Dadani, nzi dumise le ka wena hi wudumo legi nzi ngha nga nzi hi nago ka wena, a misava na yi nga seva kona.

Johani 3:35

A Dadani wa ranza Nʼwana, i vekile zilo zontlhe canjeni gakwe. Mat. 11:27; Lu. 10:22; Maheb. 2:8

1 Va le Korinte 15:24

Zonake ku chikela magumo, laha a ta nga tlhelisela a mufumo ka Nungungulu Dadani; anzhako ka kuva na a hetisile a kufuma kontlhe, ni wuhosi gontlhe ni mintamu. Dan. 7:14; Joh. 17:2; Efe. 5:27

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

Va le Efesusi 1:21

a hehla ka mifumo, ni mintamu, ni wukulu, ni wuhosi, ni mavito wontihe ma vitanwako, na ku nga hi ka xikhati lexi ntsena, kanilezi ni ka xikhati xi tako. Fil. 2:9

Maheberu 2:8

Hakuva laha Nungungulu a nga veka zilo zontlhe lahasi kakwe, a nga siyangi nchumu lexi xi nga hiko hasi kakwe; kanilezi makunu a hi se nga zi wona lezaku zilo zontlhe zi vekilwe lahasi kakwe. Mat. 28:18; 1 Kor. 15:25, 27

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

2 Johani 1:9

Kani hi wihi loyi a hambukako, a nga namareli gonzweni ya Kristu, a nga na Nungungulu; kani loyi a namarelako gonzweni i na ni Dadani ni Nʼwana kambe. 1 Joh. 2:23