Luka 10:15 - Tshwa Bible

¹⁵ Na wena Kapernaume, u tlakuselweko tilweni, u ta releliswa lahasi Hayidesi. Mat. 11:23

Luka 10:15 Mawu Ofanana

Genesisi 11:4

Vaku: A hi akeni a muti ni likhokhola, leli a xixungwa xa lona xi ta nga chikela tilweni; hi ti chula a vito kasi hi nga hangalaki misaveni yontlhe.

Isaya 5:14

Hikwalaho Xeole xi kulisile kunavela ka xona, Xi ahlamisile a nomu wa xona ku hunza mpimo, A vahombe va Jerusalema va ta relela kona, zinwe ni zidlemo zi mahako guwa, Ni vontlhe lava va tsakako kona.

Jeremia 51:53

Hambu loku Babuloni a nga tlakukela tilweni, hambu loku a tiyisa a khokhola gakwe gi tlakukileko, nzi ta mu rumela vahlaseli, ku wula Jehova.

Ezekieli 26:20

Zonake nzi ta ku hoxa uya lahasi zinwe ni lava va relelako nkeleni, A ka vanhu va kaleloko; Nzi ta ku akisa lehasi ka misava, A marumbini ya kale, Zinwe ni lava va relelako nkeleni, Kasi u nga ha akiwi, Na nzi kari nzi maha zile za hombe a tikweni ga vahanyako.

Ezekieli 31:18

U fanana ni yihi hi wumbhuri ni wukulu xikari ka tisinya ta Edeni? hambu zi hi tano, u ta yisiwa hasi ka misava zinwe ni tisinya ta Edeni. U ta etlela xikari ka makhuna, zinwe ni lava va delweko hi supado. Loye hi Faro ni xidlemo xakwe xontlhe, ku wula Hosi Jehova.

Ezekieli 32:18

Nʼwana wa munhu, rilela a xidlemo xa maGipite, u xi hoxa, yena ni vanhwana va matiko laʼya ntamu lahasi ka misava zinwe ni lava va relelako nkeleni.

Ezekieli 32:20

Va ta wela xikari ka lava va delweko hi supado. A supado yi longile; ruruvisani mu susa Gipite ni zidlemo zontlhe za gona.

Ezekieli 32:27

Kanilezi a makhuna lawa ma delweko ma nga ta etlela zinwe ni tinhenha, leti ti releleko Xeole ni matlhari yabye ya yimpi, a tisupado tabye na ti maha a zikhigelo za tihloko tabye. A zigoho zabye zi le hehla ka marambu yabye, hakuva ku wa hi vona vadzukisi va tinhenha a tikweni ga vahanyako.

Obadia 1:4

Hambu loku u nga aka xisaka xa wena le hehla ku fanana ni gama, hambu loku u xi veka xikari ka tinyeleti, kwaleyo nzi ta ku susa nzi ku wisa lahasi, ku wula Jehova.

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Mateu 11:23

Wena Kapernaume, u ta tlakuselwa tilweni ke? Ahihi, u ta releliswa lahasi le Hayidesi; hakuva loku zi wa mahilwe le Sodoma lezi zi mahilweko ka wena, ngha na wa ha hi kona ku kala nyamutlha.

Mateu 4:13

Na suka Nazareta, i lo ta tshama Kapernaume, ku nga hi le bimbini, le matikweni ya Zebuloni na Naftali;

Luka 13:28

Laho ku tava ni mikosi ni kugetsela ka meno, loku mu wona Abrahama, na Isaka, na Jakobe, ni vaprofeti vontlhe le mufunweni wa Nungungulu, kasi nwina mu hoxiwa lahandle. Mat. 8:11, 12; 13:42; 24:51

Luka 16:23

Na hi le Hayidesi le kuxanisekeni, i lo tlakusa mahlo yakwe, a wona Abrahama na hi le kule, na Lazaru a hi xifuveni xakwe.

Deuteronome 1:28

Hi ta kanziha hiya kwihi ke? Lezo vamakabye va hina va hi mbhetile ntamu lomu timbilwini ta hina; hi lezi ve ngalo: A vanhu va kona va hi hunza hi kutala, na va hi va ziyimo zo zimuka; ni miti ya hombe ya makhokhola yo tlakukela ni le tilweni, hi wonile ni vanana va ka Anake leyo.

2 Pedro 2:4

Hakuva Nungungulu a nga tsetselelangi a tingelosi leti ti nga onha, kanilezi i lo ti hoxa Gehena, a ti valela marinzini ya munyama, a kuva ti gongiwa kala kulamulweni. Joba 4:18; Lu. 8:31; Joh. 8:44