Luka 1:79 - Tshwa Bible

⁷⁹ A ku va woninga lava va tshamileko munyameni ni le nzhutini wa kufa, Ni ku rangela a mikonzo ya hina ndleleni ya kurula. Isa. 9:2; Mat. 4:16

Luka 1:79 Mawu Ofanana

Joba 10:22

A tikweni ga munyama khwatsi hi xikari ka wusiku, Ni ga nzhuti wa kufa ni pfilupfilu, Laho a kuwonekela ku fananako ni munyama.

Joba 3:5

A gi labyiwe hi munyama ni nzhuti wa kufa, Ngha a refu gi gi khubhunyeta, A gi dzukiswe hi zontlhe leʼzi nga phumisako hlikanhi.

Tisimu 107:10

Lava va tshamileko munyameni ni nzhutini wa kufa, Na va bohilwe hi zixaniso ni ziketse,

Tisimu 107:14

I lo va humesa munyameni ni le nzhutini wa kufa, A pulakanyisa makhotso yabye.

Tisimu 23:4

Ina, hambu nzi tsemakanya a nzhelelo wa nzhuti wa kufa, Nzi nga ta chava za kubiha, hakuva wena u zinwe na mina; A nhonga ya wena ni chetengelo wa wena za nzi miyeta. Isa. 50:10

Tisimu 25:12

Ni wihi munhu loyi a chavako Jehova, I ta mu kangeta a ndlela leyi a faneleko ku hlawula yona.

Tisimu 44:19

Lezi u hi tshovileko wutshanwini ga mahlolwa, U hi sireta hi nzhuti wa kufa.

Mavingu 3:17

A tindlela ta gona tindlela ti tsakisako, i tisoko ta gona ti tele hi kurula.

Mavingu 8:20

Nzi famba ndleleni ya kululama, omu xikari ka tisoko ta kulamula ku lulamileko:

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 42:7

Lezaku u vulula a mahlo ya zikhumu, U tlhatlhisa tiperesu lomu paxweni. Ni ku humesa wukhumbini lava va tshamileko munyameni,

Isaya 48:17

Jehova a Mutiruli wa wena, Loyi a Basileko wa ka Israeli, I ngalo: Hi mina Jehova, Nungungulu wa wena, Loyi a ku gonzisako lezi zi ku vunako, Loyi a ku rangelako ndleleni leyi u faneleko ku famba ha yona.

Isaya 48:22

A vakubiha a va na kurula, ku wula Jehova.

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Isaya 49:9

Lezaku u byela lava va bohilweko, uku: Humani! Ni ka lava va nga munyameni, uku: Ti wonekeliseni! Va taga tindleleni, Va kuma wugelo lomu zitsungeni zontlhe.

Isaya 59:8

A va tivi nchumu hi ndlela ya kurula, A ku na kululama tindleleni tabye; Va famba hi tindlela to gombonyeka, Ni wihi a ti lanzako a nga tivi kurula.

Isaya 9:2

A vanhu lava va nga fambile munyameni va wonile a kuwonekela ka hombe; Lava va akileko tikweni ga nzhuti wa kufa A kuwonekela ku woningile hehla ka vona. Lu. 1:79; Joh. 1:9

Jeremia 2:6

A va wulangi, vaku: I kwihi Jehova, Loyi a hi humesileko le tikweni ga Gipite, Loyi a hi rangeleko xiwuleni, lomu tikweni ga zigwangwa ni marinzi, Hi tsemakanya a tiko gi omileko ni ga nzhuti wa kufa, A tiko gi nga hi hava vahunzi ni vaaki?

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Mateu 4:16

A vanhu va nga tshamile munyameni va lo wona a kuwonekela ka hombe, Ni lava va nga tshamile tikweni ga nzhuti wa kufa, A kuwonekela ku woningile hehla ka vona. Isa. 42:7; Lu. 2:32

Luka 2:32

A kuwonekela ka ku woninga a vamatiko, Ni wudzunzo ga vanhu va wena va Israeli. Isa. 9:2; 60:1, 2, 3; Miti. 13:47

Johani 1:9

A kuwonekela ka zinene, loku ku woningako vanhu vontlhe, ku wa kari kuta misaveni. Isa. 49:6

Johani 12:46

Nzi tile nzi hi kuwonekela tikweni, lezaku ni wihi a kholwako ka mina a nga tshami munyameni. Xip. 3:19

Johani 8:12

Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

Johani 9:5

Laha nzi nga kona tikweni, nzi kuwonekela ka tiko. Xip. 1:5, 9; 3:19; 8:12

Mitiro 10:36

Ma yi tiva a mhaka leyi a nga yi rumela ka vana va Israeli, laha a nga kanela a mahungu yo saseka ya kurula hi Jesu Kristu, loyi a nga Hosi ya vontlhe; Isa. 57:19; Kol. 1:20; Dan. 7:14; Kuv. 17:14

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Va le Roma 3:17

A ndlela ya kurula a va yi tivi.

Va le Efesusi 5:8

Hakuva a kale mu wa hi munyama, kanilezi makunu mu kuwonekela Hosini; fambani khwatsi hi vanana va kuwonekela,