Luka 1:48 - Tshwa Bible

⁴⁸ Hakuva i cuwukile a wulahasi ga nanza gakwe. Kusukela lezi a zizukulwana zontlhe zi taku ngalo nzi katekile. 1 Sam. 1:11; Mal. 3:12

Luka 1:48 Mawu Ofanana

Genesisi 30:13

Lea i te ngalo: Nzi katekile, hakuva a vanhwana va taku ngalo nzi katekile. I lo chula vito gakwe ku hi Axeri.

2 Samueli 7:8

Hikwalaho u ta mu byela lezo Davida, a nanza ga mina, uku; Jehova wa tiyimpi i ngalo: Mina nzi ku tekile lomu wuriselweni, ni xikari ka tiyivu kasi wena u fela ku maha murangeli wa vanhu va mina, va nga vona va ka Israeli.

Tisimu 102:17

I tazwa a mukombelo wa loyi a vumalako, A nga kanyisi a mukombelo wabye.

Tisimu 136:23

Loyi a nga hi alakanya kutsongahatweni ka hina, Hakuva a wuxinji gakwe ga kala kupinzuka. Ekso. 2:24; 3:7

Tisimu 138:6

Hambu lezi Jehova a tlakukileko, wa khatalela lava va koramileko; Wa tiva a vamatshanza na va hi kule. Lu. 1:48, 52; 14:11

Tisimu 72:17

A vito gakwe gi ta tsonzoma kala kupinzuka, A vito gakwe gi tava kona na ga hi kona gambo; Ni vanhu va ta katekisana ha yena; Matiko wontihe ma ta mu vitana loyi a katekileko. Gen. 12:3

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Malaki 3:12

A matiko wontlhe ma ta mu wula ku mu katekile, hakuva mu tava tiko gi tsakisako, ku wula Jehova wa tiyimpi.

Luka 1:28

A ngelosi yi lo ta enghena, yiku kakwe; Xewe, wena loyi u kumileko thomo, a Hosi yi na wena. Dan. 9:23; 10:19; Vala. 6:12

Luka 1:42

a tlakusa gezu, aku: U katekile wena xikari ka vavasati, yi katekile ni mbeleko ya nyimba ya wena. Vala. 5:24

Luka 1:45

U katekile wena loyi u nga kholwa, lezaku zi ta tatiseka lezi zi wulawulileko ka wena hi Hosi.

Luka 1:49

Hakuva Loyi a nga ni ntamu i nzi mahele zilo za hombe; Gi basile a vito gakwe. Tis. 71:19; 111:9

Luka 11:27

Ku te laha na a ha wulawula timhaka leti, a wasati wo kari wa le xidlenwini i lo tlakusa gezu gakwe, aku ngalo ka yena: Yi katekile a nyimba leyi yi nga ku beleka, ni mavele lawa u nga ma anʼwa.

1 Samueli 1:11

a hlambanya, aku: Jehova wa tiyimpi, loku u wa cuwuka a hlomulo wa nanza ga wena, u nzi alakanya, u nga rivali a nanza ga wena, u nyika a nanza ga wena a nwanana wa mufana, minawu nzi wa ta mu nyikela ka Jehova wontihe masiku ya kuhanya kakwe, ni likari cima li nga ta henya a hloko yakwe. Mitse. 6:5; Vala. 13:5

1 Samueli 2:8

Wa humesa xisiwana lomu tshurini, Wa tsawula muvumali lomu maropeni, A va tshamisa zinwe ni tihosi, Ni ku va nyika a tshomba ya xitshamu xa wukosi. Hakuva a ziseketelo za misava za Jehova, I yimisile misava hehla ka zona.