Luka 1:2 - Tshwa Bible

² khwatsi hilezi ma nyikilweko ka hina hi lava va nga zi wona hi mahlo, na va hi malanza ya mhaka hi kusanguleni, Mar. 1:1; Joh. 15:27; Maheb. 2:3

Luka 1:2 Mawu Ofanana

Marku 1:1

A kusangula ka ivangeli ya Jesu Kristu, a Nʼwana wa Nungungulu. Mat. 14:33; Lu. 1:35; Joh. 1:34

Marku 16:20

Kanilezi vona va lo famba, va ya kanela ivangeli wutshanwini gontlhe; a Hosi yi wa tira zinwe navo, yi tiyisa a mhaka hi ziwoniso lezi zi nga yi heleketa. Amen. Maheb. 2:4

Marku 4:14

A muxwanyi i xwanyela a mhaka. Mat. 13:19

Luka 24:48

Nwina mu vakustumunyu va timhaka leti. Miti. 1:8, 22

Johani 15:27

Na nwina mu ta kustumunya, hakuva mu wa hi na mina hi kusanguleni. Miti. 1:8, 21; 10:39; 1 Joh. 1:1

Johani 16:4

Kanilezi nzi mu byelile timhaka leti, kasi loku xi chikele a xikhati xa tona, mu ta alakanya lezaku nzi wa mu byelile. A nzi mu byelangi tona hi kusanguleni, hilezi nzi wa hi na nwina.

Mitiro 1:3

I lo va kombisa hi wukustumunyu ginyingi, lezaku wa hanya anzhako ka kuxaniseka kakwe, na a woneka ka vona a xipimo xa 40 wa masiku, a wulawula hi za mufumo wa Nungungulu. 1 Kor. 15:5

Mitiro 1:8

Kanilezi mu ta nyikiwa a ntamu, loku wu tile hehla ka nwina a Moya wa ku Basa; zonake mu ta maha vakustumunyu va mina laha Jerusalema, ni le Judia gontlhe, ni le Samaria, ku kala le magemeta-musi ya misava.

Mitiro 14:25

Laha va nga kanele a mhaka le Perga, va lo relela vaya Atalia;

Mitiro 16:6

Va lo famba va tsemakanya Frigia ni le Galatia, hakuva va wa tsimbetelwe hi Moya wa ku Basa a ku kanela mhaka le Asia.

Mitiro 17:11

A vaJuda va kona va wa hi va nene ku hunza va le Tesalonika, laha ka kuva va amukela a mhaka hi timbilu ti longileko, va hlola Mitsalo a masiku wontihe, lezaku a timhaka leti ti nghaho ke. Isa. 34:16; Lu. 16:29; Joh. 5:39

Mitiro 26:16

Kanilezi suka, u yima hi milenge ya wena; hakuva nzi ti kombisile ka wena kasi nzi ku yimisa a kuva nanza ga mina, tlhelo kustumunyu wa lezi u zi wonileko, ni wa zilo lezi nzi ta nga ti kombisa ka wena ha zona. Xip. 22:15

Mitiro 4:20

hakuva a hi zi koti ku miyela ni lezi hi zi wonileko, ni lezi hi zi zwileko. Xip. 1:8; 2:32; 22:15; 1 Joh. 1:1

Mitiro 8:4

Zonake lava va nga hangalakile va lo fambafamba va kanela ivangeli. Mat. 10:23; Xip. 11:19

Va le Roma 15:16

lezaku nzi tava xitiri xa Jesu Kristu xikari ka vamatiko, nzi khozela kota mupristi wa ivangeli ya Nungungulu, lezaku a vamatiko vave a munyileko wu amukelekako, na wu basisilwe hi Moya wa ku Basa. Gal. 2:7, 9; 1 Tim. 2:7

1 Va le Korinte 4:1

Ngha na vanhu va wula ha hina lezaku hi malanza ya Kristu, ni tinekwa ta mifihlakalo ya Nungungulu. Lu. 12:42

Maheberu 2:3

zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14

1 Pedro 5:1

Hikwalaho nza khongotela a masingalakati lawa ma nga xikari ka nwina, na nzi hi singalakati-kulobye, ni kustumunyu wa kuxaniseka ka Kristu, hi xihlengeli xa kungangamela loku ku ta nga vululwa, nziku ngalo: Lu. 24:48; Rom. 8:17; File. 9

2 Pedro 1:16

Hakuva laha hi nga mu tivisa hi ntamu wa Hosi ya hina Jesu Kristu ni kuwuya kakwe, a hi lanzelangi a tikaringani ta wutlhari, kanilezi hi wonile a wukulu gakwe hi mahlo ya hina wutsumbu. Mar. 9:2; Joh. 1:14; 2 Kor. 4:2