Luka 1:17 - Tshwa Bible

¹⁷ Yena i ta ranga mahlweni kakwe hi moya ni ntamu wa Elija, a kuva a hunzulusa a timbilu ta vararu ka vana vabye, lava va hluwukileko a va tlhelisa wutlharini ga valulamileko; ni ku yi longisela Hosi a vanhu va longiselweko yona. Mal. 4:5; Mat. 11:14

Luka 1:17 Mawu Ofanana

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

1 Tihosi 18:18

Yena aku: Mina a nzi xanisangi va ka Israeli, kanilezi hi wena ni yindlu ya raru wa wena, lezi mu tsikileko a milayo ya Jehova, mu lanzela Baali.

1 Tihosi 21:20

Ahabi i te ngalo ka Elija: Xana u nzi kumile wena nala wa mina ke? Elija aku: Hi zona, nzi ku kumile, hakuva wena u ti xavisile hi ku maha lezi zi bihileko mahlweni ka Jehova!

2 Tihosi 1:16

Zonake Elija i te ngalo ka yona: Jehova i ngalo: U kala u ruma mitsumi yi ya wutisa ka Baali-Zebuba a nungungulu wa le Ekroni, kasi lomu tikweni ga ka Israeli a ku na Nungungulu wa kuva u wutisa hi vito gakwe ke? Hikwalaho cima u nga ta vuka ka legi sango u etleleko ka gona, u tafa.

1 Kronekele 29:18

Jehova Nungungulu wa vadadani va hina, Abrahama, na Isaka, na Israeli, maha lezaku a timbilu ta vanhu va wena tiva ni maalakanyo ni mixuvo ya kunghahi kala kupinzuka, ni kuranza ka maalakanyo yabye, u koka a timbilu tabye ka wena.

2 Kronekele 29:36

Hezekia zinwe ni vanhu vontlhe va lo tsaka, hakuva Nungungulu i wa chelile a moya wo saseka ka vanhu va tiko, hakuva a xilo lexo xi mahilwe hi xitshuketi.

Tisimu 10:17

Jehova, u zwile a mixuvo ya lava va koramileko; U tiyisa timbilu tabye; U demba a ndleve ya wena,

Tisimu 111:10

A kuchava Jehova hi masangulo ya wutlhari, Vontlhe va ku gongako va na ni kupimisisa kunene. A kudumisiwa kakwe ku simamisa kala kupinzuka. Joba 28:28; 1 Tim. 4:8

Tisimu 78:8

Va nga fanani ni vararu vabye, A xizukulwana xa xikaha ni kuhluwuka, A xizukulwana xi nga hiko na mbilu yo tiya, Lexi a moya wa xona wu nga kholekangiko ka Nungungulu Ekso. 32:9; 33:3; 34:9

Isaya 29:24

Lava a moya wabye wu hambukileko va ta gonza wutlhari, Ni lava va nga kalala va ta kuma wutivi.

Amosi 4:12

Hikwalaho nzi ta maha lezo ka wena, Israeli; khwatsi hi lezi nzi ta nga maha lezo ka wena, ti longisele ku tlhangana ni Nungungulu wa wena, Israeli.

Mateu 11:14

Kutani mu ta vumela ku kholwa, ahati, kanilezi loyi hi yena Elija, loyi va ngaku i tata. Mal. 4:5; Lu. 1:17

Mateu 14:4

Hakuva Johani i wa te ngalo kakwe: A ku fanelangi a ku mu teka.

Mateu 3:3

Hakuva hi yaloye a nga kanela ha yena muprofeti Isaya, aku ngalo: A gezu ga loye a bako hungu xiwuleni, giku: Longiselani a ndlela ya Hosi, Mahani magonzo ya yona ma lulama. Isa. 40:3; Mar. 1:3; Joh. 1:23

Mateu 3:4

Makunu Johani i wa hi ni tinguwo ta woya ga kameli, ni bhandi ga xikhumba xiwunwini xakwe; a kuga kakwe ku wa hi humbi ni wulombe ga khwati. Levi 11:22; Mar. 1:6; 2 Tih. 1:8

Luka 1:16

I ta wuyiseta a vana vanyingi va ka Israeli ka Hosi Nungungulu wabye. Mal. 4:5, 6

Luka 1:76

Na wena nwanana, u ta vitanwa aku muprofeti wa loyi a nga Hehla-Hehla, Hakuva u ta famba mahlweni ka Hosi a ku longisa a tindlela ta yona, Isa. 40:3; Mal. 3:1

Johani 1:13

lava va nga pswaliwangiko hi nkhata, hambu hi kuranza ka nyama, hambu hi kuranza ka munhu, kanilezi va pswalilwe hi Nungungulu. 1 Ped. 1:23

Johani 1:34

Nzi zi wonile, nza maha wukustumunyu lezaku loyi i Nʼwana wa Nungungulu.

Johani 3:28

Nwina mu vakustumunyu va mina, lezaku nzi te ngalo: A hi mina Kristu, kanilezi nzi rumilwe a ku mu rangela. Mat. 3:1; Mar. 1:2; Lu. 1:17

Mitiro 10:33

Lezo nzi lo rumela ka wena; u mahile khwatsi lezi u tileko. Makunu hontlhe hi laha mahlweni ka Nungungulu, a kuzwa zontlhe lezi u layelweko zona hi Hosi.

Va le Roma 9:23

loku a ranzile ku wonekelisa a wukulu ga kungangamela kakwe a zibyeni za wuxinji, lezi a nga zi longisela wudumo hi kale?

Va le Kolosi 1:12

na mu bonga Dadani, loyi a hi mahileko hi hi ni fanelo a kuva vahlengeli va tshomba ya vobasa le kuwonekeleni. Efe. 1:11; 5:20

2 Timote 2:21

Hikwalaho loku munhu a tsawukana ni mitiro ya kunghaho, i tava xibya xi dzunziwako, lexi xi basisilweko, xi faneleko ku tiriswa hi nwinyi wa xona, na xi longiselelwe a mitiro yontlhe yo saseka.

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Johani 2:28

Makunu, vana vanga, tshamani ka yena; lezaku hi fela kuva ni kutiya hi siku legi a ta nga wonekeliswa ha gona, hi nga hi na tingana mahlweni ka yena a kuwuyeni kakwe.

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16

1 Samueli 7:5

Samueli i te ngalo: Tsombanyisani vontlhe va ka Israeli le Mizpa, zonake nzi ta mu kombelela ka Jehova.