Luka 1:15 - Tshwa Bible

¹⁵ hakuva i tava wa hombe mahlweni ka Hosi. A nga tanwa a vinya ni byala, kanilezi i ta tala hi Moya wa ku Basa kusukela na hi lomo rumbyini ga nyine wakwe. Mitse. 6:3; Jer. 1:5; Gal. 1:15

Luka 1:15 Mawu Ofanana

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 48:19

Kanilezi a raru wakwe i lo ala, aku: Nza zi tiva, nwananga, nza zi tiva; yenawu i tava a tiko, ni lezaku yenawu i tava wa hombe; hambu zi hi tano a nzisana yi tava wa hombe kakwe, ni pswalo wakwe wu tava matiko manyingi.

1 Kronekele 17:8

Mina nzi wa hi zinwe na wena kontlhe lomu u nga wa fambafamba kona, nzi susile vontlhe valala va wena mahlweni ka wena. Nzi ta maha a vito ga wena gi duma ku fana ni mavito ya vanhu va hombe va nga misaveni.

1 Kronekele 29:12

A mufumo ni wudumo zita hi ka wena; wena u fumelako zilo zontlhe; a ntamu ni wunhenha zi le canjeni ga wena; hi wena u zi kotako a ku nyika wukulu ni ntamu ka vontlhe.

Tisimu 22:9

Hi wena u nzi humesileko rumbyini ga mamani, U lo nzi hlayisa laha na nzi hi maveleni yakwe,

Jeremia 1:5

Nzi ku tivile na nzi nga se ku ku wumba lomu rumbyini ga mamani wa wena; nzi lo ku hlawula na u nga se ku huma nyimbeni, nzi ku wumbele a kuva muprofeti wa matiko. Isa. 49:1; Gal. 1:15

Jeremia 35:6

Kanilezi va lo hlamula vaku: A hinwi vinya, hakuva Jonadaba nʼwana Rekabe, a dadani wa hina, i hi layile, aku: Mu nga dzuki munwa a vinya, nwina ni vana va nwina kala kupinzuka. 2 Tih. 10:15

Levi 10:9

U nganwi a vinya ni byala, wena ni vana va wena, loku mu ta enghena lomu ka tabemakeli ga mutlhangano, mu ngafa. Lowu i nayo wa kala kupinzuka, wa zizukulwana zontlhe. Ezek. 44:21; 1 Tim. 3:3; Tit. 1:7

Zakaria 9:15

Jehova wa tiyimpi i ta va vikela, va ta khadamule valala vabye, va kanzihelela a maribye yo nziwitela; va tanwa a nkhata wabye, va maha guwa khwatsi hi loku va pswonga a vinya; va ta tala ha wona kukotisa mingelo ya muphahlo, va ku khwatsi magwitsi ya alati. Ekso. 24:6

Luka 1:14

U tava ni kutsaka ni kunengela ha yena, ni vanyingi va ta tsakela a kubelekwa kakwe; vesi 58

Luka 7:28

Mina nziku ka nwina: Xikari ka vona lava va belekilweko hi vavasati a nga kona wa hombe a ku hunza Johani; kanilezi loyi a nga tsongwanyani mufunweni wa Nungungulu ngwa hombe ku hunza yena.

Luka 7:33

Hakuva Johani Mubapatizi i tile na a ngagi zibaba, a nganwi vinya; nwina muku: I na ni dimoni. Mat. 3:4; Mar. 1:6

Johani 5:35

Johani i wa hi kandiya yi vurako yi woningako; nwina mu vumele ku tsaka xikhatanyana kuwonekeleni kakwe. 2 Ped. 1:19

Mitiro 2:4

Vontlhe va lo tatiswa hi Moya wa ku Basa, va sangula ku wulawula hi tinwani tirimi, kota lezi Moya wu nga va nyika ku wulawula zona. Xip. 1:5; Mar. 16:17; 1 Kor. 12:10; 13:1; 14:2

Va le Galatia 1:15

Kanilezi Nungungulu loyi a nga nzi hlawula na nzi hi rumbyini ga mamani, a nzi vitana hi tipswalo takwe, Isa. 49:1, 5; Jer. 1:5; Miti. 9:15; 13:2

Va le Efesusi 5:18

Mu nga popiwi hi vinya, legi gi vangako wudakwa, kanilezi tatani hi Moya,

Joxua 3:7

Jehova i te ngalo ka Joxua: Inyamutlha nzi ta sangula ku ku kulisa mahlweni ka vontlhe va ka Israeli, kasi va fela ku zi tiva lezaku nzi tava na wena khwatsi hi lezi nzi nga hi zinwe na Mosi.

Joxua 4:14

Hi lego siku Jehova i lo kulisa Joxua mahlweni ka vaIsraeli vontlhe, zonake va lo mu chava kota lezi va nga wa chava Mosi ka wontihe masiku ya wutomi gakwe.