Luka 1:13 - Tshwa Bible

¹³ Kanilezi a ngelosi yi te ngalo kakwe: U nga chavi, Zakaria; hakuva a xikombelo xa wena xi zwilwe; a sati wa wena Elizabeti i ta ku pswalela a nisanyana, u ta mu chula vito gakwe ku hi Johani.

Luka 1:13 Mawu Ofanana

Genesisi 17:10

Lexi hi xivumelwano xa mina xikari ka mina na wena, ni pswalo wa wena anzhako ka wena: Vontlhelele vavanuna va nga xikari ka nwina va ta enghena wukwera. Miti. 7:8; Rom. 4:11

Genesisi 17:19

Nungungulu i te ngalo: Sara, a sati wa wena, i ta ku belekela a nisanyana, u ta mu chula vito gakwe ku hi Isaka; nzi ta tiyisa a xivumelwano xa mina na yena, ni ka pswalo wakwe anzhako kakwe, xi tava xivumelwano xi nga gumesiko.

Genesisi 18:14

Kasi xi kona xilo xi tsanzako Jehova ke? Hi xikhati xi yimisilweko nzi ta Wuya kambe ka wena ha nwakani, Sara i tava ni nwanana. Lu. 1:37

Genesisi 25:21

Isaka i lo kombelela sati wakwe ka Jehova, hakuva i wa hi ngonwa. Jehova i lo muzwa; na Rebeka sati wakwe i lo xura nyimba.

Tisimu 113:9

I maha ngonwa a tshama ndlwini yakwe, A mu maha mamani wa vanana na xalele. Dumisani Jehova! Gen. 21:2; 1 Sam. 1:20; Lu. 1:57

Tisimu 118:21

Nza ku bonga hakuva u nzi zwile, U nzi hanyisa.

Isaya 8:3

Nzi lo enghena ka muprofeti wa xisati, i lo xura nyimba a pswala nʼwana. Na Nungungulu aku ka mina: Mu chule vito ga Maher-xalal-hax-baz.

Danieli 10:12

Zonake aku ka mina: Danieli, u nga chavi, hakuva kusukela a siku go ranga legi a mbilu ya wena yi nga pika ku pimisisa ni ku ti tsongahata mahlweni ka Nungungulu wa wena, a timhaka ta wena ti zwilwe; nzi tile hi kota ya timhaka ta wena.

Hosea 1:4

Jehova aku kakwe: Mu chule vito ga Jezreeli, hakuva lokuloku nzi ta photela a nkhata wa Jezreeli ka yindlu ya ka Jehu, nzi mbhetisa a mufumo wa yindlu ya ka Israeli. 1 Tih. 21:1; 2 Tih. 9:8

Hosea 1:6

I lo xura nyimba kambe a mu belekela a nhanyana. Jehova aku kakwe: Mu chule a vito ga Lo-ruhama, hakuva nzi nga ha tava ni wuxinji kambe ka yindlu ya ka Israeli, nzi nga ta va tsetselela.

Mateu 1:21

I ta beleka nisanyana, u ta mu chula vito gakwe aku hi Jesu (hi lezaku Muhanyisi); hakuva hi yena loyi a ta nga hanyisa a vanhu vakwe zionhweni zabye. Lu. 1:31; Miti. 4:12; 5:31

Mateu 14:27

Kanilezi Jesu a hatla a va byela, aku: Tiyani-hlana, hi mina; mu nga chavi.

Mateu 28:5

A ngelosi yi lo wula ka vavasati, yiku: Mu nga chavi; hakuva nza zi tiva lezaku mu lava Jesu, loye a nga belelwe.

Marku 16:6

Gona giku kabye: Mu nga dzuki! Mu lava Jesu wa le Nazareta, loyi a nga belelwe. I vukile, a nga kona laha. Langutani a wutshamu legi va nga mu vekile kona! Mat. 28:5-7

Luka 1:14

U tava ni kutsaka ni kunengela ha yena, ni vanyingi va ta tsakela a kubelekwa kakwe; vesi 58

Luka 1:30

A ngelosi yiku ngalo kakwe: U nga chavi. Maria; hakuva u kumile thomo ka Nungungulu.

Luka 2:21

Laha ma nga hunzile a ntlhanu wa masiku ni manharu kasi ku mu maha nkwera, va lo mu chula vito ga Jesu, legi a nga chulilwe hi ngelosi, a mamani wakwe na a nga se ku xura nyimba. Gen. 17:12; Levi 12:3; Mat. 1:21

Mitiro 10:31

aku: Korneliu, a mikombelo ya wena yi zwilwe, ni kuhana ka wena ka tibyiwa mahlweni ka Nungungulu. Dan. 10:12; Maheb. 6:10

Valamuli 6:23

Jehova aku kakwe: A kurula a kuve na wena! U nga chavi, cima u nga tafa!

1 Samueli 2:21

Jehova i lo enzela Hana, a xura tinyimba a pswala vafana vanharu ni vanhanyana vambiri. Kanilezi mufana Samueli i lo kulela mahlweni ka Jehova.