Levi 8:35 - Tshwa Bible

³⁵ Mu ta tshama ntlhanu wa masiku ni mambiri laha nyangweni ya tabemakeli ga mutlhangano, mumu ni wusiku, mu hlayisa lezi Jehova a leleteleko zona, kasi mu ngafi; hakuva nzi byelisilwe lezo.

Levi 8:35 Mawu Ofanana

1 Tihosi 2:3

Hlayisa milayo ya Jehova Nungungulu wa wena, u famba hi tindlela takwe, u hlayisa zileletelo zakwe, ni milayo yakwe, ni nongameto wakwe, ni wukustumunyu gakwe khwatsi hi lezi zi tsalilweko nayweni wa Mosi, kasi u fela ku tlhariha zilweni zontlhe lezi u ta nga zi maha ni kwihi laha u yako kona;

Eksodusi 29:35

U ta maha ka Aroni ni ka vana vakwe zontlhe lezi nzi ku leleteleko zona. A kuwumbelwa kabye ku ta heta ntlhanu wa masiku ni mambiri.

Ezekieli 43:25

Siku ni siku u ta tlhava a mbuti yiva munyikelo wa kuonha kala ntlhanu wa masiku ni mambiri, kambe va ta tlhava a honwana ni mhamba ya tlhambi, zi nga hiko na vala.

Ezekieli 48:11

Xi ta lumba a vapristi lava va basisilweko va nga vana va Zadoke, lava va nga hlayisa a ntiro wa wutshamu ga mina ga kubasa; lava va nga kala ku nzi fularela laha a vanana va ka Israeli va nga hambuka, kota lezi a vaLevi va nga hambuka.

Levi 10:1

A vana va Aroni, Nadabe, na Abihu, loyi ni loyi i lo teka a xibya xakwe xa ku hisela libani, va lo oka a nzilo ka zona, va vekela a libani hehla ka zona, zonake va lo nyikela mahlweni ka Jehova a nzilo wu nga hiko wona, va maha lezi a nga va leletelangiko.

Levi 14:8

Loyi a to basiswa i ta hlaza tinguwo takwe, a cinga misisi yakwe yontlhe, a hlamba hi mati, zonake i tava a hlazekile; anzhako ka lezo yena i ta enghena lomu wugovelweni, kanilezi i ta tshama lahandle ka tenda gakwe ntlhanu wa masiku ni mambiri.

Levi 8:30

Mosi i lo teka a mafura yo tola, ni nkhata lowu wu nga alatini, a nwatsekela ha wona Aroni ni vana vakwe, zinwe ni tinguwo tabye, a basisa Aroni ni tinguwo takwe, ni vana vakwe ni tinguwo ta vana vakwe.

Levi 8:34

Lezi zi mahilweko nyamutlha, Jehova i lo leletela lezaku mu mahelwa a nzhiho wa wuyiselelo.

Levi 8:36

Aroni ni vana vakwe va lo maha zontlhe lezo Jehova a nga leletela ha Mosi.

Mitsengo 19:12

I ta ti basisa hi siku ga wunharu hi mati lawa ni siku ga wuntlhanu ni mambiri, zonake i tava a hlazekile. Kanilezi loku a nga ti basisi hi siku ga wunharu ni ga wuntlhanu ni mambiri, a nga ta hlazeka.

Mitsengo 3:7

Va ta hlayisa lezi zi vekiwako ka yena, ni lezi zi vekiwako ka ntlhangano mahlweni ka tenda ga mutlhangano, na va ta tira a ntiro wa tabemakeli.

Mitsengo 9:19

Ni loku a refu gi hlwela masiku yo tala le hehla ka tabemakeli, a vanana va ka Israeli va wa si lanzela kuleletela ka Jehova, va nga suki.

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

Deuteronome 11:1

U ta ranza Jehova Nungungulu wa wena, u hlayisa lezi a zi wulileko ka wena, u hlayisa xontlhe xikhati a ziyimiso zakwe, ni zileletelo zakwe, ni milayo yakwe.

1 Timote 1:18

Nza ku laya, Timote nwananga, kota lezi ku nga profetiwa kale ha wena, lezaku ulwa ha kona a kulwa ko saseka, Xip. 4:14

1 Timote 5:21

Nza ku laya mahlweni ka Nungungulu na Kristu Jesu, ni ka tingelosi leti ti hlawulilweko, lezaku u ingisa zileletelo lezi, kasi u nga lamuli mhaka hi kupima ka wena, hambu ku maha nchumu hi xihlawulela.

1 Timote 6:13

Mina nza ku laya mahlweni ka Nungungulu, loyi a nyikako kuhanya ka zontlhe, ni mahlweni ka Kristu Jesu, loyi a nga kustumunya mahlweni ka Pontiu Pilatu hi kuvumela kunene, Joh. 5:21; Kuv. 1:5

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

1 Timote 6:20

O Timote, gonga lezi zi vekilweko ka wena, u ala a kubyabyatsa ka hava ni kukanetana loku ku vitanwako aku wutlhari na gi nga hi gona;

2 Timote 4:1

Nza ku hlambanyisa mahlweni ka Nungungulu, ni ka Kristu Jesu, loyi a ta nga lamula a vahanyako ni vafileko, na hi kuwoneka kakwe ni mufumo wakwe, nziku:

Maheberu 7:28

Hakuva a nayo wu yimisa a vanhu lava va nga ni gome a kuva vapristi va hombe; kanilezi a mhaka ya kuhlambanya leyi yi ngata hi nzhako ka nayo, yi yimisa a Nʼwana a mbhelelisilweko kala kupinzuka.