Levi 7:35 - Tshwa Bible

³⁵ Hi xona xiavelo xa Aroni ni vana vakwe ka yontlhe miphahlo leyi yi hiselwako Jehova, va nga nyikwa xona a sikwini va nga wumbelwa ntirweni wa wupristi ka Jehova.

Levi 7:35 Mawu Ofanana

Eksodusi 28:1

U ta tshineta nakuloni Aroni ni vana vakwe kusuhani ka wena, u va hlawula xikari ka vanana va ka Israeli, kasi va tira a ntiro wa wupristi mahlweni ka mina: ku tava yena Aroni, ni vana vakwe, Nadabi, na Abihu, na Eleazari, na Itamari.

Eksodusi 29:1

Loku u va wumbela akuva vapristi mahlweni ka mina, u ta maha kota lezi: Teka a rolana ni tihambana timbiri leti ti nga hiko na bawa,

Eksodusi 29:21

U ta teka a nkhata lowu wu nga lomu alatini ni mafura yo tola, u nwatsekela Aroni ni tinguwo takwe, ni vana vakwe ni tinguwo tabye, lezo i tava a basileko, yena ni tinguwo takwe, ni vana vakwe zinwe ni tinguwo tabye.

Eksodusi 29:7

U ta teka mafura yo tola u ma chela laha hlokweni, u mu tota.

Isaya 10:27

A ka xikhati lexo a nzwhalo wa yena wu ta susiwa makatleni ya wena, ni muyoka wakwe wu ta susiwa nhanwini ya wena, hakuva muyoka wu ta tshoveka hi kota ya kutotiwa.

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Levi 8:30

Mosi i lo teka a mafura yo tola, ni nkhata lowu wu nga alatini, a nwatsekela ha wona Aroni ni vana vakwe, zinwe ni tinguwo tabye, a basisa Aroni ni tinguwo takwe, ni vana vakwe ni tinguwo ta vana vakwe.

Johani 3:34

Hakuva loyi Nungungulu a mu rumileko, i wulawula timhaka ta Nungungulu; hakuva Nungungulu a nga nyiki Moya hi lipimo. Lu. 7:16; 24:19; Xip. 1:16

2 Va le Korinte 1:21

Makunu loyi a hi tiyisako zinwe na nwina ka Kristu, ni ku hi tota, hi yena Nungungulu; 1 Joh. 2:20, 27

1 Johani 2:20

Nwina mu totilwe hi Loyi wa Kubasa, ma zi tiva zilo zontlhe. Joh. 10:4, 5; Miti. 3:14; Maheb. 1:9

1 Johani 2:27

Kanilezi a kutotiwa loku mu ku amukeleko hi ka yena ku tshamile ka nwina, a za ha laveki lezaku mu gonziswa hi munhu; kanilezi kota lezi a kutota kakwe ku mu gonzisako zontlhe zi nga zinene, na ku nga hi na wunwa, tshamani ka yena kota lezi ku mu gonzisileko. Jer. 31:33; Joh. 14:26; Maheb. 8:10

1 Samueli 2:28

Nzi wuya nzi mu hlawula xikari ka tontlhe tixaka ta ka Israeli lezaku a maha mupristi wa mina ni kuva a phahlela le alatini ga mina, ni ku hisa tibani to nuhela, ni ku ambala a efode mahlweni ka mina. Xana a nzi nyikangi ka yindlu ya raru wa wena yontlhe miphahlelo leyi yi hiswako hi va ka Israeli ke?