Levi 7:21 - Tshwa Bible

²¹ Loku munhu a khumbile a xilo xi nga hlazekangiko, kutani munhu a nga hlazekangiko, hambu ku hi xifuyo xi nga hlazekangiko, kutani xilo xinwani xo nyenyeza, a yaga a nyama ya muphahlo wa kurula, lowu wu nga wa Jehova, a munhu loye i ta susiwa ka va ka kabye.

Levi 7:21 Mawu Ofanana

Genesisi 17:14

A wanuna loye a nga khuna, a nga hiko kwera hi dewu ga nyama ya magumo kakwe, loye munhu i ta suswa xikari ka va ka kabye, hakuva i tshovile a xivumelwano xa mina.

Eksodusi 12:15

Ntlhanu wa masiku hi mambiri mu taga zibaba zi nga hiko na comelo; hi siku go ranga mu ta humesa a comelo lomu tindlwini ta nwina; Hakuva loye a ta ngaga a zibaba zi comelweko, kusukela siku go sangula kala siku ga wuntlhanu ni mambiri, loye munhu i ta tsemiwa xikari ka vaIsraeli.

Eksodusi 12:19

Lomu ka masiku ya ntlhanu ni mambiri ku nga dzuki ku kumiwa a comelo lomu tindlwini ta nwina, hakuva loyi a gako lezi zi comelweko, i ta tsemiwa lomu hlengeletanweni ya va ka Israeli, hambu loku a hi muluveli, kutani na nga xisumbulwa xa nwina.

Ezekieli 33:25

Hikwalaho wulawula ka vona, uku: Hosi Jehova i ngalo: Muga nyama yi nga ni nkhata, mu tlakusela a zifananiso a mahlo ya nwina, mu halata nkhata; mu ta fumela a tiko ke? Gen. 9:4; Levi 19:26; Ezek. 18:6

Ezekieli 4:14

Zonake nzi te ngalo: Ha! Hosi Jehova! Cima a nzi ti nyenyezisangi; kusukela wusweni ga mina kala lezi a nzi ngagi a xilo xakuva xi ti feleko ha xoce, ge hambu lexi xi delweko hi zivanza; a nyama yo biha cima a yi se nga enghena nonwini wa mina. Levi 7:18, 24; Miti. 10:14

Levi 11:20

Zontlhe lezi zi fambako hi mune wa milenge na zi hi ni tipapa, za yila ka nwina.

Levi 12:1

Jehova i lo wulawula ka Mosi, aku:

Levi 17:10

Kani hi wihi munhu wa lixaka la ka Israeli, hambu loku a hi muluveli a akileko xikari kabye, a gako ni lihi lixaka la nkhata, nzi ta mu cuwukisa hi mahlo ya makayi, nzi mu susa ka va ka kabye. Deut. 12:16, 23; Miti. 15:20

Levi 17:14

Hakuva a muhefemulo wa nyama yontlhe wu le nkhateni wa kona. Hikwalaho nzi byelile a vanana va ka Israeli, nziku: Mu ngagi a nkhata ni wa yihi nyama, hakuva a muhefemulo wa nyama yontlhe hi nkhata wa kona; kani hi wihi a wu gako, i ta susiwa. Gen. 9:4

Levi 18:29

Hakuva vontlhe lava va ta nga maha a xinwe xa manyala lawa, va ta susiwa xikari ka va ka kabye.

Levi 19:8

Loye a ta nga ziga i tava ni nanzu, hakuva i kanyisile lezi zi basiselweko Jehova. A munhu loye i ta susiwa xikari ka va ka kabye.

Levi 20:3

Minawu nzi ta cuwukisa hi mahlo ya makayi loye munhu, nzi mu susa xikari ka vanhu va ka kabye, hakuva i nyikele a nʼwana wakwe a ku maha munyikelo ka Moloki, a nyenyezisa wutshamu ga mina ga kubasa, ni ku xanza a vito ga mina ga kubasa.

Levi 22:3

Va byele ku ngalo: Kani hi wihi munhu wa lixaka la nwina, ka zontlhe zizukulwana za nwina, a ta nga tshinela ka zilo lezi zi basileko, lezi a vanana va ka Israeli va zi basiseleko Jehova, na a nga hlazekangi, loye munhu i ta loviswa mahlweni ka mina. Hi mina Jehova.

Levi 22:4

Ni wihi munhu wa lixaka la Aroni, loyi a nga ni hlokonho, kutani loyi a nga ni ntungu wo huma wubovu, a ngagi a zilo lezi zi basileko na a nga se ku hlazeka. Kanilezi ni wihi loyi a henyako xilo xi nyenyezisilweko hi kufa, ni loyi ku humileko ka yena a mbewu ya libeleko,

Levi 23:29

Kani hi wihi munhu a nga hiko na hlomulo hi siku lego i ta fuvisiwa ka va ka kabye.

Levi 7:20

kanilezi kani hi wihi loye a nga hlazekangiko, loku aga a nyama ya muphahlo wa kurula, lowu wu nga wa Jehova, a munhu loye i ta susiwa ka va ka kabye.

Levi 7:22

Jehova i lo wulawula ka Mosi, aku:

Levi 7:25

Hakuva kani hi wihi loye a gako a mafura ya xifuyo lexi va mahako ha xona miphahlo leyi va hiselako Jehova, a munhu loye i ta susiwa ka va ka kabye.

Levi 7:27

Kani hi wihi loye a gako a nkhata, hambu wu hi wa lixaka muni, i ta suswa ka va ka kabye.

Mitsengo 19:22

Ni zontlhe lezi zi khumbilweko hi munhu a nyenyezileko zi tava zi nga hlazekangi; ni loyi a mu khumbako i tava a nga hlazekangi kala laha gambyeni.

Deuteronome 14:10

kanilezi zontlhe lezi zi nga hava zipapilo ni magwaru mu ngagi; zona a zi hlazekangi ka nwina.

Deuteronome 14:3

U ngagi a xilo xo nyenyeza.

1 Samueli 20:26

Saule a nga wulangi nchumu lego siku hakuva i waku: Ku lo humelela a xilo ka yena xa ku mu maha a nga hlazeki; hakunene a nga hlazekangi. Levi 7:19; Deut. 23:10