Levi 7:19 - Tshwa Bible

¹⁹ A nyama leyi yi khumbileko a xilo xi nga hlazekangiko, kani hi xihi, cima yi nga ta giwa; yi ta hiswa nzilweni. Kanilezi a nyama yona, ni wihi loyi a hlazekileko i ta yiga;

Levi 7:19 Mawu Ofanana

Levi 6:27

Kani hi wihi loye a ta nga khumba a nyama ya kona i tava loyi a basileko, ni loku a nkhata wa kona wu phandlukele laha ka nguwo, u ta yi hlaza laha wutshanwini ga kubasa.

Levi 7:18

Hakuva loku yi giwa a nyama leyo ya muphahlo wa kurula, leyi yi chikeleko siku ga wunharu, loyi a nga wu nyikela cima a nga ta amukelwa, cima wu nga ta hlayelwa nchumu ka yena; zi tava zilo za manyala. Loyi a ta nga yiga i ta rwala a nanzu wa kona.

Levi 7:20

kanilezi kani hi wihi loye a nga hlazekangiko, loku aga a nyama ya muphahlo wa kurula, lowu wu nga wa Jehova, a munhu loye i ta susiwa ka va ka kabye.

Luka 11:41

Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33

Mitiro 10:28

aku ngalo kabye: Nwina ma zi tiva lezaku a muJuda a nga faneli a ku tlhangana ni wamatiko, hambu ku enghena ndlwini yakwe; kanilezi Nungungulu i nzi wonisile lezaku nzi nga vitani munhu nziku wa nyalidede kutani a nga hlazekangi. Joh. 4:9; Efe. 3:6

Va le Roma 14:14

Nza zi tiva, nzi kholwa ha Hosi Jesu lezaku a ku na xilo xi nga hlazekangiko ha xoce; sine ka yena loyi a alakanyako lezaku xilo xo kari xi nyenyezile, a ka yena a xi hlazekangi. 1 Kor. 8:7; Tit. 1:15

Va le Roma 14:20

U nga hahluli a ntiro wa Nungungulu hi kota ya kuga. Hakunene zontlhe zilo zi hlazekile; ahembalokoke zi bihile loku munhu aga a khunguvanyisa vanwani. Miti. 10:15

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Titusi 1:15

Zontlhe zi basile ka lava va basileko; kanilezi a ku na xilo xi basileko ka lava va zivi ni va nga kholwiko; a kupima kabye ni livalo labye zi nyenyezile. Lu. 11:39