Levi 7:18 - Tshwa Bible

¹⁸ Hakuva loku yi giwa a nyama leyo ya muphahlo wa kurula, leyi yi chikeleko siku ga wunharu, loyi a nga wu nyikela cima a nga ta amukelwa, cima wu nga ta hlayelwa nchumu ka yena; zi tava zilo za manyala. Loyi a ta nga yiga i ta rwala a nanzu wa kona.

Levi 7:18 Mawu Ofanana

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Isaya 65:4

Va tshama lomu zilahleni, Va heta wusiku lomu timhakweni; Vaga a nyama ya khumba, Ni mingelo yabye yi tele hi za kuga zo nyenyeza;

Isaya 66:3

Loyi a tlhavako homu i fanana ni loyi a dayako munhu; Loyi a phahlelako hi yivana i fanana ni loyi a sokorotako a mbyana; Loyi a mahako munyikelo wa mapa i fanana ni loyi a nyikelako hi nkhata wa khumba; Loyi a hisako a libani i fanana ni loyi a khozelako xifananiso. Kota lezi va ranzako a tindlela tabye wutsumbu; Ni mihefemulo yabye yi tsakela manyalataniso,

Jeremia 14:10

Jehova i wula hi tiko legi, aku: Va ranza ku pepetseka kota lezi, A va ti khomangi kufambeni ka bye; Hikwalaho Jehova a nga xalaliswi ha vona; Makunu i ta alakanya a kusoholoka kabye, a tsayisa zionho zabye.

Jeremia 14:12

Loku va yila, nzi nga tazwa a kurila kabye; loku va nyikela a muphahlo wa kuhiswa ni wa zakuga, nzi nga ta wu tsakela; kanilezi nzi ta va lovisa hi supado, ni ndlala, ni ntungu. Mav. 1:28; Isa. 1:15

Ezekieli 18:20

A muhefemulo, lowu wu onhako wu tafa; a nʼwana a nga ta rwala a kugoha ka raru wakwe, ge hambu raru ku rwala a kugoha ka nʼwana. A kululama ka loyi a lulamileko ku tava hehla kakwe, ni kubiha ka loyi a bihileko ku tava hehla ka yena, Deut. 24:16; 2 Tih. 14:6

Hosea 8:13

Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Levi 10:17

Hikuyini mu nga kala kuga a muphahlo wa kuonha laha wutshanwini ga ku basa ke? Hakuva zilo za kubasa nguvu; mu nyikilwe zona kasi mu fela ku rwala kuonha ka ntlhangano, mu va mahela a nzhiho wa wuyiselelo mahlweni ka Jehova.

Levi 10:19

Zonake Aroni aku ka Mosi: Languta, inyamutlha va nyikele a muphahlo wa kuonha kabye, ni muphahlo wabye wa kuhiswa mahlweni ka Jehova; makunu lezi nzi humelweko hi za kunghahi, inyamutlha loku nzi wa gile a muphahlo wa kuonha, xana zi tava zi xalalisa mahlweni ka Jehova ke?

Levi 11:41

Zontlhe ziharana lezi zi kokakokako laha misaveni za yila, ngha zi nga giwi.

Levi 17:16

Kanilezi loku a nga hlazi tinguwo takwe, ni ku nga hlambi a miri wakwe, i ta rwala a nanzu wakwe.

Levi 19:5

Ni loku mu nyikela ka Jehova a muphahlelo wa kurula, mu ta nyikela hi ndlela leyi yi faneleko kasi ma amukelwa.

Levi 20:17

Loku munhu a teka makabye wakwe, a nʼwana raru wakwe, hambu a nʼwana wa nyine wakwe, a kala a wona wumbyiri gakwe, ni wasati a wona wumbyiri ga wanuna, zi bihile nguvu, vona vambiri va ta loviswa kuwoneni ka va ka kabye; i funungule wumbyiri ga makabye wakwe, yena nwinyi i ta rwala a kugoha kakwe.

Levi 20:19

U nga fununguli wumbyiri ga makabye wa mamani wa wena, ni wumbyiri ga hahani wa wena, hakuva hi ku maha lezo ku funungula a xaka ga yena ga zinene; vona va ta rwala milanzu yabye.

Levi 22:16

kasi va ti rwexa nanzu laha na vaga a zilo zabye za kubasa; hakuva hi mina Jehova loyi a va basisako.

Levi 22:23

Loku u hi ni homu, kutani i yivu yi nga ni xiro xo leha, kutani xo koma, u nga yi nyikela hi kuranza ka wena, kanilezi yi nga ta amukeleka kota muphahlo wa xifungo.

Levi 22:25

Hambu ni xifuyo lexi xi humako mandleni ya valuveli, mu nga nyikeli a zakunghahi ku maha zakuga za Nungungulu wa nwina; hakuva zi bihile, zi na ni xixovo; cima zi nga ta amukeleka loku mu zi nyikela.

Levi 5:17

Loku a munhu a onhile, a mahile lezi zi nga vumelwiko hi nayo wa Jehova, hambu loku a zi mahile na a nga zi tivi, i onhile, i ta rwala a nanzu wa kona.

Levi 7:19

A nyama leyi yi khumbileko a xilo xi nga hlazekangiko, kani hi xihi, cima yi nga ta giwa; yi ta hiswa nzilweni. Kanilezi a nyama yona, ni wihi loyi a hlazekileko i ta yiga;

Amosi 5:22

Ina, hambu loku mu nzi mahela a minyikelo ya nwina ya kuhiswa ni ya tinzhoho nzi nga ta yi amukela; ge hambu a minyikelo ya nwina ya kurula ya zihari zi nonileko.

Malaki 1:10

O loku ku wo khwa i kona xikari ka nwina loyi a nga valako a tinyangwa, kasi mu nga dziveli a nzilo mahala laha alatini ga mina! A nzi xalaliswi hi nwina, ku wula Jehova wa tiyimpi, kambe nzi nga ta amukela a muphahlo wu tiswako hi canja ga nwina.

Malaki 1:13

Mu engeta muku: Langutani a makaratela ya yona! mu tlhela mu yi njorola, ku wula Jehova wa tiyimpi. Mu neha lezi zi phangilweko, ni lezi zi khwitako, ni lezi zi babyako mu ta maha muphahlo hi zona! Nzi ta zi amukela mandleni ya nwina ke? ku wula Jehova.

Mitsengo 18:27

Ni munyikelo wa nwina wu ta hlayelwa ka nwina kota munyikelo wa mavele, ni wunyingi ga zigowolo za vinya.

Luka 16:15

Yena aku ngalo kabye: Hi nwina mu ti mahako lava va lulamileko a mahlweni ka vanhu; kanilezi Nungungulu wa tiva a timbilu ta nwina; hakuva lezi zi tlakukileko xikari ka vanhu, zinyenyeko mahlweni ka Nungungulu. 1 Sam. 16:7; Tis. 7:9; Xip. 10:29

Va le Roma 4:11

I lo amukela a xikombiso xa ku enghena wukwera, xi maha xifungo xa kululama ka kukholwa loku a nga hi nako na a nga seva xitshiva. Lezaku kasi a fela ku maha raru wa vontlhe va kholwako, hambu loku va hi makhuna, kasi a kululama ku fela ku hlayelwa ka vona. Gen. 17:10; Lu. 19:9; Joh. 8:39

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11