Levi 6:5 - Tshwa Bible

⁵ hambu ni zihi lezi a nga khohlisa a hlambanya mawunwa ha zona; i ta zi tlhelisa zontlhe, a engetela hi za wuntlhanu za kona, a zi nyikela ka nwinyi wa zona hi siku lego a ta nga maha muphahlo wakwe wa nzhiho.

Levi 6:5 Mawu Ofanana

2 Samueli 12:6

Yena i ta rihela a xiyivana hi ku wuyetilweko ka mune, hi kota ya lezi a mahileko lezo zilo, hakuva yena a nga na tipswalo. Ekso. 22:1

Nehemia 10:35

Ni ku neha ndlwini ya Jehova lembe ni lembe a mavele yo ranga ya misava ya hina, ni mihanzu yo ranga ya mimbhanzo ya tixaka tontlhe;

Eksodusi 22:1

Loku a munhu a yiva a homu kutani yivu, a yi daya kutani a yi xavisa, i ta riha a homu hi ntlhanu wa tihomu, ni yivu hi mune wa tiyivu. 2 Sam. 12:6

Eksodusi 22:4

Loku a zilo lezi zi yibyilweko zi kumiwa mandleni yakwe na za ha hanya, hambu loku yi hi homu, kutani mbongola, kutani yivu, i ta riha hi ku wuyeta kambiri.

Eksodusi 22:7

Loku a munhu a veka a mali yakwe kutani zibya zakwe ka munwani kasi ku zi hlayisa, zonake zi yibyiwa lomu ndlwini yakwe, loku a khamba gi kumiwa gi ta riha hi ku wuyeta kumbiri.

Eksodusi 22:9

Loku yi hi mhaka, hambu ya lihi lixaka la nanzu wa homu, kutani wa mbongola, kutani wa yivu, kutani wa nguwo, kutani wa xilo xo karixi lahlekileko, va kanetana ha zona, kukanetana ka vanhu ku ta yiswa ka Nungungulu; loye Nungungulu a ta nga wula lezaku i na ni nanzu, yaloye i ta riha hi kuwuyetilweko kumbiri.

Eksodusi 30:7

Aroni i ta hisela laho a libani ni mixo; masiku wontihe loku a longisa a tikandiya i ta hisa libani.

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Isaya 58:9

Zonake Jehova i ta ku hlamula loku u kombela, Ni loku u vitana, yena i taku: Nzi laha! Loku u susa miyoka xikari ka wena, Ni loku u tsika ku lumbeta hi titiho ni ku wulawula kubiha,

Ezekieli 33:15

loku a wakubiha a tlhelisela a seve ni lexi a xi wutlileko, a famba hi milayo ya kuhanya, a nga mahi kubiha, hizinene i ta hanya, a nga tafa. Ekso. 22:26; Deut. 24:13

Levi 5:16

Yena i ta humesa a mali ya ku riha lezi a tekileko za wutshamu go basa, a engetela za wuntlhanu ka zona, a zi nyika mupristi, loyi a ta nga mu mahela a muphahlo wakwe wa nzhiho hi hamba leyi a humesileko a kuva ya muphahlo wa nzhiho, zonake i ta tsetselelwa.

Luka 19:8

Kanilezi Zakeu i lo yima, aku ngalo ka Hosi: Languta, Hosi, nzi pambulela zisiwana a khihlanya ga zilo za mina, ni loku nzi ngha nzi mu kalavele xilo munhu, nzi ta xi tlhelisela na xi engetelwe ka mune. Ekso. 22:1; 1 Sam. 12:3; Xip. 3:14

1 Samueli 12:3

Hi mina loyi; nzi kustumunyeleni mahlweni ka Jehova ni mahlweni ka a totilweko wakwe. I nkavi ya mani nzi tekileko? I mbongola ya mani nzi tekileko? Himani nzi mu phangileko? Himani nzi mu xanisileko? Kutani ku ngava mani nzi amukeleko hi kakwe a nchumu wo nzi rengelela ke? Nzi ta mu tlhelisela. Miti. 20:33