Levi 5:9 - Tshwa Bible

⁹ zonake i ta nwatsekela lomu mareveni ya alati hi nkhata wa muphahlo wa kuonha; ni nkhata lowu wu seleko i ta wu kamela laha zikhatelweni xa alati. Lowu muphahlo wa kuonha.

Levi 5:9 Mawu Ofanana

Isaya 42:21

Zi mu xalalisile Jehova hi kota ya kululama kakwe A ku kulisa a nayo wu kheseka.

Levi 1:15

A mupristi i ta neha a xinyanyani laha alatini, a sukuruta a hloko ya xona, a yi hisa alatini; a nkhata wa kona wu ta kamelwa khurisini ga alati.

Levi 1:5

Yena i ta tlhava a nkuzi mahlweni ka Jehova, zonake a vapristi, a vana va Aroni, va ta teka a nkhata va nwatsekela ha wona matlhelweni wontihe hehla ka alati legi gi nga laha nyangweni ya tabemakeli ga mutlhangano.

Levi 4:18

Zonake i ta tota hi nkhata lomu ka timhonzo ta alati legi gi nga mahlweni ka Jehova, lomu ka tabemakeli ga mutlhangano, zonake a chulula wontihe a nkhata lowu wu seleko laha zikhatelweni xa alati ga muphahlo wa kuhiswa, legi gi nga nyangweni ya tabemakeli ga mutlhangano;

Levi 4:25

Ni mupristi i ta teka a nkhata wa muphahlo wa kuonha hi litiho, a tota ha wona a timhonzo ta alati ga munyikelo wa kuhiswa, a chulula a nkhata laha xikhatelweni xa alati ga munyikelo wa kuhiswa.

Levi 4:30

Ni mupristi i ta peta litiho lakwe lomu ka nkhata wa mbuti, a tota lomu ka timhonzo ta alati ga munyikelo wa kuhiswa, zonake a chulula a nkhata wontihe laha xikhatelweni xa alati.

Levi 4:34

Zonake mupristi i ta peta litiho lakwe lomu nkhateni wa muphahlo wa kuonha, a tota ha wona a timhonzo ta alati ga muphahlelo, zonake a chulula a nkhata wontihe lowu wu seleko laha ka xikhatelo xa alati.

Levi 4:7

Ni mupristi i ta tota a timhonzo ta alati ga libani mahlweni ka Jehova, legi gi nga lomu ka tabemakeli ga mutlhangano; zonake a nkhata wontihe wa honwana i ta wu chulula laha zikhatelweni xa alati ga munyikelo wa kuhiswa, legi gi nga nyangweni ya tabemakeli ga mutlhangano.

Levi 7:2

Laha ka wutshamu legi ya tlhavako miphahlo ya kuhiswa, hi kona laho ku ta nga tlhabyiwa kona a xifuyo xa muphahlo wa milanzu. Ku ta nwatsekelwa lomu matlhelweni ya alati hi nkhata wa kona.

Maheberu 12:24

ni ka Jesu a mutlhanganyisi wa xivumelwano xiswa, ni ka nkhata wa kunwatsekela, lowu wu wulako a timhaka ti nene to hunza a wa Abeli. Ekso. 24:8

Maheberu 2:10

Hakuva zi wa mu fanele Nungungulu, loyi zontlhe zi mahelweko yena, na zi mahilwe hi yena, lezaku loku a neha vana vanyingi kungangameleni, a fela ku mbhelelisa hi kuxaniseka a muvangi wa kuhanyiswa kabye. Lu. 24:46; Miti. 3:15; Rom. 11:36