Levi 5:16 - Tshwa Bible

¹⁶ Yena i ta humesa a mali ya ku riha lezi a tekileko za wutshamu go basa, a engetela za wuntlhanu ka zona, a zi nyika mupristi, loyi a ta nga mu mahela a muphahlo wakwe wa nzhiho hi hamba leyi a humesileko a kuva ya muphahlo wa nzhiho, zonake i ta tsetselelwa.

Levi 5:16 Mawu Ofanana

Tisimu 69:4

Lava va nzi vengako handle ka nanzu Va tele ku hunza misisi ya hloko ya mina; Va na ni ntamu lava va hlotako ku nzi lovisa, Na va hi valala va mina handle ka xigelo. Nzi fanele ku tlhelisa lezi nzi nga yivangiko. Joh. 15:25

Eksodusi 22:1

Loku a munhu a yiva a homu kutani yivu, a yi daya kutani a yi xavisa, i ta riha a homu hi ntlhanu wa tihomu, ni yivu hi mune wa tiyivu. 2 Sam. 12:6

Levi 22:14

Loku munhu aga lezi zi basileko hi kuhoxisa, i ta tlhelisa ka mupristi na a zi engetele hi xipanze xa wuntlhanu.

Levi 27:13

Loku a nwinyi a lava ku xi tlhatlhisa, i ta engetela a tsengo wa kona hi xipanze xa wuntlhanu hi kuringanyisa ka wena.

Levi 27:15

Kanilezi a munhu loyi a yi basiseleko Jehova, loku a lava ku yi tlhatlhisa, i ta engetela hi xipanze xa wuntlhanu ka mali ya yona, zonake yi tava yakwe.

Levi 27:27

Loku xi hi xifuyo xi nga hlazekangiko xi ta tlhatlhiswa hi mali leyi u yi ringanisileko, va engetela hi xipanze xa wuntlhanu xa yona; kanilezi loku xi nga tlhatlhiswi, xi ta xavisiwa kota lezi u ta nga ringanyisisa zona.

Levi 27:31

Loku munhu a lava ku tlhatlhisa za wukhume zakwe, i ta zi engetela hi xipanze xa wuntlhanu xa zona a tsengo wa zona.

Levi 4:20

I ta maha hi nkuzi leyi kota lezi va mahileko hi nkuzi ya muphahlelo wa kuonha; ku ta mahiwa zalezo ha yona. A mupristi i ta va mahela a nzhiho, zonake va ta tsetselelwa.

Levi 4:26

I ta hisa laha alatini mafura wontihe, kota mafura ya muphahlo wa kurula. A mupristi i ta mahela a hosana leyo a nzhiho wa kuonha ka yona, hikwalaho yi ta tsetselelwa.

Levi 5:10

A xinyanyani lexi xa wumbiri, i ta maha muphahlo wa kuhiswa hi nayo wa kona. Hi ndlela leyo a mupristi i ta maha a nzhiho wa xionho lexi a munhu loye a xi mahileko, zonake i ta tsetselelwa.

Levi 5:13

A mupristi i ta maha a nzhiho wa xionho xa munhu loye, a nzhiho wa nanzu lowu a wu mahileko wa xinwe xa lezi zi wulilweko, zonake i ta tsetselelwa. A mapa lawa ma salako ma tava ya mupristi, khwatsi hi lezi zi mahiwako ka miphahlelo ya zakuga.

Levi 5:6

i ta neha ka Jehova a munyikelo wa kuonha kakwe, a kati wa xifuyo xa xitsongwani, hambu yi hi yivu, kutani i mbuti, kasi yi maha muphahlo wa ku susa nanzu. Zonake a mupristi i ta mu mahela a nzhiho wa xionho xakwe.

Levi 7:2

Laha ka wutshamu legi ya tlhavako miphahlo ya kuhiswa, hi kona laho ku ta nga tlhabyiwa kona a xifuyo xa muphahlo wa milanzu. Ku ta nwatsekelwa lomu matlhelweni ya alati hi nkhata wa kona.

Mitsengo 5:7

Yena i ta wulela xionho xakwe, a tlhelisela a zilo zontlhe lezi a zi kumileko hi kubiha, a zi engetela hi xipanze xa wuntlhanu, a nyika loyi a mu goheleko.

Mitsengo 5:8

Kanilezi loyi a gohelweko, loku a vumala a xaka go amukela a nzhiho wa nanzu, wu ta nyikelwa ka Jehova na wu lumba mupristi, a handle ka hamba ya nzhiho, leyi va ta nga maha a muphahlelo wa nzhiho ha yona.

Luka 19:8

Kanilezi Zakeu i lo yima, aku ngalo ka Hosi: Languta, Hosi, nzi pambulela zisiwana a khihlanya ga zilo za mina, ni loku nzi ngha nzi mu kalavele xilo munhu, nzi ta xi tlhelisela na xi engetelwe ka mune. Ekso. 22:1; 1 Sam. 12:3; Xip. 3:14

Mitiro 26:20

kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. Xip. 9:20; 11:26; Mat. 3:8

1 Samueli 6:3

Vona vaku: Loku mu tlhelisa a arke ga Nungungulu wa ka Israeli, mu nga gi tlhelisi na gi hi phanga; gi tlheliseni na mu humesa a munyikelo wa kuonha, zonake mu ta kalamuka, ni kambe mu ta tiva xigelo xa lezi a canja ga Nungungulu gi nga kala ku suka ka nwina.