Levi 5:11 - Tshwa Bible

¹¹ Loku a vumala a matuva mambiri, kutani mavinyani mambiri ya zipomba, loye a onhileko i ta neha a munyikelo wakwe hi za wukhume ka efa ya mapa yo basa, ma tava muphahlo wa kuonha. A nga dzuki a chela mafura hehla ka wona, hambu ni libani lo nuhela, hakuva muphahlo wa kuonha.

Levi 5:11 Mawu Ofanana

Eksodusi 16:18

Zonake va lo pima hi homeri; loyi a nga wa rolele zo tala a nga hunzangi vanwani, ni loyi a nga wa rolele zitsongwani a nga kiyelelwangi. Va lo rolela munwe ni munwani kota kuga kakwe. 2 Kor. 8:15

Eksodusi 16:36

A homeri yinwe yi hi xipanze xa wukhume xa efa.

Levi 1:14

Loku a munyikelo wakwe ka Jehova wu hi muphahlo wa kuhiswa wa tinyanyani, i ta nyikela a munyikelo wa zipomba kutani mavinyani ya matuva.

Levi 12:8

Kanilezi loku a nga zi koti ku kuma a yivana, i ta neha matuva mambiri, kutani mavinyani mambiri ya zipomba; ginwani ga muphahlelo wa kuhiswa, ni ginwani ga muphahlelo wa kuonha. A mupristi i ta mu mahela a muphahlo wa nzhiho, zonake i ta basiswa.

Levi 14:21

Kasi loku xi hi xisiwana, na a nga ringani ku kuma lezo, i ta teka a hambana yinwe leyi yi ta nga nyikelwa a ku maha muphahlelo wa milanzu; yi tava munyikelo wa kunziwitela, kasi ku mu mahela nzhiho. I ta teka ni za wukhume za efa ga mapa yo saseka, laya ma vuvilweko hi mafura zi maha munyikelo wa zakuga, a teka ni loga ya mafura,

Levi 27:8

Kanilezi loku munhu a tsanzeka ku humesa mali hi lipimo la kona i ta yiswa ka mupristi, kasi mupristi i ta ringanyisa a ntamu wa loyi a ti bohileko hi kuhlambanya, hi ku hlaya lezi a zi fuyileko.

Levi 5:12

I ta neha ka mupristi, ni mupristi i ta nusa ka wona a canja ginwe, a ma hisa alatini khwatsi hi miphahlelo leyi yi hiselwako Jehova; lowu muphahlo wa kuonha.

Levi 5:6

i ta neha ka Jehova a munyikelo wa kuonha kakwe, a kati wa xifuyo xa xitsongwani, hambu yi hi yivu, kutani i mbuti, kasi yi maha muphahlo wa ku susa nanzu. Zonake a mupristi i ta mu mahela a nzhiho wa xionho xakwe.

Levi 5:9

zonake i ta nwatsekela lomu mareveni ya alati hi nkhata wa muphahlo wa kuonha; ni nkhata lowu wu seleko i ta wu kamela laha zikhatelweni xa alati. Lowu muphahlo wa kuonha.

Levi 6:20

A munyikelo wa Aroni ni vana vakwe, lowu va ta nga nyikela a siku ga ku totiwa hi lowu: A xipanze xa wukhume xa efa ga mapa yo saseka, wu tava muphahlo wa zakuga a masiku ni masiku; va ta nyikela a khihlanya ni mixo, ni khihlanya laha gambyeni,

Mitsengo 5:15

zonake a munhu loye i ta yisa a sati wakwe ka mupristi, a neha ni munyikelo wa sati, wu nga xipanze xa wukhume xa efa ya mapa ya sevada, kanilezi a nga cheli mafura ka wona, hambu ni muri wo nuhela, hakuva munyikelo wa xiluse, munyikelo wa xialakanyiso xa ku alakanya zionho.

Mitsengo 7:13

A munyikelo wakwe ku wa hi ngelo wa siliva; a kubinza ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; yontlhe mingelo ya yimbiri yi wa tele hi mapa yo saseka laya ma vuvilweko hi ma, fura, kasi ku maha munyikelo wa zakuga.

Luka 2:24

va ya humesa a munyikelo kota lezi ku layilweko nayweni wa Hosi, ku ngalo: A patswa wa matuva, kutani mavinyani mambiri ya zipomba. Levi 12:2, 6, 8

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Maheberu 9:22

Ko khwatsi hi nayo a zilo zontlhe zi basiswa hi nkhata; a handle ka kuhalatwa ka nkhata a ku kona kutsetselelwa ka zionho. Levi 17:11