Levi 5:1 - Tshwa Bible

¹ Loku a munhu a onha laha a hlambanyiswako, na a kustumunya hi lezi a zi wonileko hambu lezi a zi tivako, loku a nga wuli lezi a zi wonileko kutani lezi a zi tivako, yena i ta rwala a nanzu wa kona.

Levi 5:1 Mawu Ofanana

1 Tihosi 22:16

A hosi ya ka Israeli yi te ngalo kakwe: Nzi ta ku hlambanyisa zikhati zingani lezaku u nga wulawuli zinwani ahandle ka lisine hi vito ga Jehova ke?

1 Tihosi 8:31

Loku munhu a onhela muakelwane wakwe, zonake va mu hlambanyisa mahlweni ka alati ga wena ndlwini leyi,

2 Kronekele 18:15

A hosi yi te ngalo kakwe: Kala rini na nza ha ku byela ku wulawula zinene ka mina vitweni ga Jehova ke?

Tisimu 38:4

Hakuva a zigoho za mina zi hunza ni hloko ya mina; Kota zi nga nzhwalo wo tika za nzi binza nguvu.

Eksodusi 22:11

laho ku tava kona kuhlambanya Jehova xikari ka vanhu lava vambiri, ku ta tibyiwa lezaku hakunene a nga yivangi a xifuyo xa xaka gakwe; a nwinyi wa kona i ta vumela kuhlambanya loko, zonake a nga mu rihisi nchumu.

Mavingu 29:24

Loyi a hlengelako ni khamba, i venga muhefemulo wakwe; oku a hlambanyiswa, cima a nga wuli nchumu.

Mavingu 30:9

Nzi nga taku laha na nzi xure nzi ku kaneta, ziku: Himani Jehova? ambu kutani loku nzi hi xisiwana, nzi yiva, zi hlakana hi vito ga Nungungulu wa mina.

Isaya 53:11

I ta wona mihanzu ya kuxaniseka ka muhefemulo wakwe, a eneliswa; Hi kutiva kakwe a nanza ga mina gi lulamileko gi ta maha vanyingi va lulama, Hakuva i ta rwala zigoho zabye.

Jeremia 23:10

Hakuva a tiko gi tele hi zibhayi, Ga rila hi kota ya nzhukano; A wuriselo ga xiwula gi swile; A mafambela yabye ma bihile, Leʼzo biha hi ntamu wabye.

Ezekieli 18:20

A muhefemulo, lowu wu onhako wu tafa; a nʼwana a nga ta rwala a kugoha ka raru wakwe, ge hambu raru ku rwala a kugoha ka nʼwana. A kululama ka loyi a lulamileko ku tava hehla kakwe, ni kubiha ka loyi a bihileko ku tava hehla ka yena, Deut. 24:16; 2 Tih. 14:6

Ezekieli 18:4

Langutani, yontlhe mihefemulo nja mina; kota lezi a muhefemulo wa dadani wu nga wa mina, ni wa nʼwana kambe ngwa mina. A muhefemulo lowu wu onhako wu tafa. Gen. 18:25

Levi 17:16

Kanilezi loku a nga hlazi tinguwo takwe, ni ku nga hlambi a miri wakwe, i ta rwala a nanzu wakwe.

Levi 19:8

Loye a ta nga ziga i tava ni nanzu, hakuva i kanyisile lezi zi basiselweko Jehova. A munhu loye i ta susiwa xikari ka va ka kabye.

Levi 20:17

Loku munhu a teka makabye wakwe, a nʼwana raru wakwe, hambu a nʼwana wa nyine wakwe, a kala a wona wumbyiri gakwe, ni wasati a wona wumbyiri ga wanuna, zi bihile nguvu, vona vambiri va ta loviswa kuwoneni ka va ka kabye; i funungule wumbyiri ga makabye wakwe, yena nwinyi i ta rwala a kugoha kakwe.

Levi 4:2

Wulawula ka vanana va ka Israeli, uku: Loku a munhu a hambunyeta a munwe wa milayo ya Jehova hi kuhoheta, a maha lezi zi nga faneliko ku mahiwa, kanilezi a maha xinwe xa zona;

Levi 5:15

Loku a munhu a hambunyeta a onha hi kuhoheta, hi ku kala a nga humesi lezi zi basiselweko Jehova, i ta neha a munyikelo wa nzhiho, a hamba yi nga hiko na bawa, yi hlawulweko lomu tlhambini, zinwe ni mali ya xekeli, gi nga xekeli ga lipimo la wutshamu go basa; ku tava muphahlelo wa nzhiho.

Levi 5:17

Loku a munhu a onhile, a mahile lezi zi nga vumelwiko hi nayo wa Jehova, hambu loku a zi mahile na a nga zi tivi, i onhile, i ta rwala a nanzu wa kona.

Levi 7:18

Hakuva loku yi giwa a nyama leyo ya muphahlo wa kurula, leyi yi chikeleko siku ga wunharu, loyi a nga wu nyikela cima a nga ta amukelwa, cima wu nga ta hlayelwa nchumu ka yena; zi tava zilo za manyala. Loyi a ta nga yiga i ta rwala a nanzu wa kona.

Mitsengo 9:13

Kanilezi loku munhu a hlazekile, ni loku a nga enzangi, a tsika kuga Pasika, loye munhu i ta tsemiwa ka va ka kabye, hakuva a nga humesangi a munyikelo wa Jehova hi xikhati xa wona; loye munhu i ta rwala a nanzu wakwe yena nwinyi.

Mateu 26:63

Kanilezi Jesu i lo miyela. Ni mupristi wa hombe i te ngalo kakwe: Nza ku hlambanyisa hi Nungungulu, lezaku u hi byela loku u hi Kristu, a Nʼwana wa Nungungulu. Levi 5:1; Isa. 53:7

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

Valamuli 17:2

I te ngalo ka nyine wakwe: A 1,100 wa maxekeli ya siliva, lawa u yibyelweko, lawa u nga kala u wulawula nzhukano hi kota ya wona, ma na mina; hi mina nzi ma tekileko. A nyine wakwe aku ka yena: Nwananga, u katekisilwe hi Jehova!