Levi 4:7 - Tshwa Bible

⁷ Ni mupristi i ta tota a timhonzo ta alati ga libani mahlweni ka Jehova, legi gi nga lomu ka tabemakeli ga mutlhangano; zonake a nkhata wontihe wa honwana i ta wu chulula laha zikhatelweni xa alati ga munyikelo wa kuhiswa, legi gi nga nyangweni ya tabemakeli ga mutlhangano.

Levi 4:7 Mawu Ofanana

Tisimu 118:27

Jehova hi Nungungulu, loyi a nga hiha kuwonekela, Bohani a xihari xa muphahlo hi tingoti, Mu xi yisa timhonzweni ta alati.

Eksodusi 29:12

U ta teka a nkhata wa role u tota laha timhonzweni ta alati hi litiho; a nkhata lowu wu seleko u wu chulula lahasi ka alati.

Levi 1:5

Yena i ta tlhava a nkuzi mahlweni ka Jehova, zonake a vapristi, a vana va Aroni, va ta teka a nkhata va nwatsekela ha wona matlhelweni wontihe hehla ka alati legi gi nga laha nyangweni ya tabemakeli ga mutlhangano.

Levi 16:18

Makunu loku a humile, i taya lomu ka alati legi gi nga mahlweni ka Jehova, aya gi mahela a nzhiho; a teka a nkhata wa nkuzi, ni nkhata wa mhongo, a wu tota matlhelo wontihe ya timhonzo ta alati.

Levi 4:18

Zonake i ta tota hi nkhata lomu ka timhonzo ta alati legi gi nga mahlweni ka Jehova, lomu ka tabemakeli ga mutlhangano, zonake a chulula wontihe a nkhata lowu wu seleko laha zikhatelweni xa alati ga muphahlo wa kuhiswa, legi gi nga nyangweni ya tabemakeli ga mutlhangano;

Levi 4:25

Ni mupristi i ta teka a nkhata wa muphahlo wa kuonha hi litiho, a tota ha wona a timhonzo ta alati ga munyikelo wa kuhiswa, a chulula a nkhata laha xikhatelweni xa alati ga munyikelo wa kuhiswa.

Levi 4:30

Ni mupristi i ta peta litiho lakwe lomu ka nkhata wa mbuti, a tota lomu ka timhonzo ta alati ga munyikelo wa kuhiswa, zonake a chulula a nkhata wontihe laha xikhatelweni xa alati.

Levi 4:34

Zonake mupristi i ta peta litiho lakwe lomu nkhateni wa muphahlo wa kuonha, a tota ha wona a timhonzo ta alati ga muphahlelo, zonake a chulula a nkhata wontihe lowu wu seleko laha ka xikhatelo xa alati.

Levi 5:9

zonake i ta nwatsekela lomu mareveni ya alati hi nkhata wa muphahlo wa kuonha; ni nkhata lowu wu seleko i ta wu kamela laha zikhatelweni xa alati. Lowu muphahlo wa kuonha.

Levi 6:30

Kanilezi ngha ku nga giwi a muphahlo wa kuonha, lowu va nehileko a nkhata wa wona lomu ka tenda ga mutlhangano a ku ta maha a nzhiho lomu ka Wutshamu go Basabasa; wona wu ta hiswa nzilweni. Maheb. 13:11

Levi 8:15

Mosi i lo yi tlhava, a teka a nkhata wa kona, laha na petile litiho lakwe lomu nkhateni i lo tota timhonzo ta alati matlhelo wontihe, a basisa a alati; zonake i lo chulula a nkhata lahasi ka alati, a gi basisa kasi gi fela ku mahelwa a nzhiho.

Levi 9:9

A vana va Aroni va lo mu nehela a nkhata, a peta a litiho lakwe nkhateni, a wu tota lomu ka timhonzo ta alati, zonake a chulula a nkhata lahasi ka alati.

Va le Efesusi 2:13

Kanilezi makunu ha Kristu Jesu, nwina lava mu nga hi kule, mu tshinetilwe hi nkhata wa Kristu. Gal. 3:28

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

Maheberu 9:21

Kambe i lo nwatsekelisa zalezo hi nkhata a tabernakeli ni zibya zontlhe za ku khozela ha zona. Ekso. 29:12; Levi 8:15

Kuvululelwa 6:9

Laha yi nga namula a xifungo xa wuntlhanu, nzi lo wona lahasi ka alati a mihefemulo ya lava va delweko hi kota ya mhaka ya Nungungulu, ni wukustumunyu legi va nga hi nago. Tis. 40:3; Dan. 4:1; Rom. 3:24