Levi 4:35 - Tshwa Bible

³⁵ I ta susa mafura wontihe hi ndlela leyi va susako ha yona a mafura ya yivu ya muphahlo wa kurula, zonake a mupristi a ma hisa alatini, hehla ka miphahlelo leyi yi hiselwako Jehova. A mupristi i ta mu mahela a nzhiho wa kuonha kakwe, zonake i ta tsetselelwa.

Levi 4:35 Mawu Ofanana

Levi 12:8

Kanilezi loku a nga zi koti ku kuma a yivana, i ta neha matuva mambiri, kutani mavinyani mambiri ya zipomba; ginwani ga muphahlelo wa kuhiswa, ni ginwani ga muphahlelo wa kuonha. A mupristi i ta mu mahela a muphahlo wa nzhiho, zonake i ta basiswa.

Levi 14:18

Ni mafura laya ma ta nga sala lomu canjeni gakwe i ta ma tota laha hlokweni ya loyi a basiswako, zonake a mupristi i ta mu mahela a muphahlo wa nzhiho mahlweni ka Jehova.

Levi 14:53

Zonake i ta tsika a xinyanyani lexi xi hanyako xi puruma xi famba khwatini. Loku a basisa yindlu hi nzhiho wo maha lezo, zonake yi tava yi hlazekile.

Levi 15:15

A mupristi i ta ma nyikela, a ginwe gi ta maha ga muphahlelo wa kuonha, a ginwani gi ta maha muphahlelo wa kuhiswa; lezo a mupristi i ta mu mahela a nzhiho mahlweni ka Jehova hi kota ya wubabyi gakwe.

Levi 19:22

Ni mupristi i ta mu mahela a nzhiho mahlweni ka Jehova hi hamba ya muphahlelo wa milanzu, hi kota ya kuonha loku a ku mahileko, zonake i ta tsetselelwa a kuonha loku a ku mahileko.

Levi 4:20

I ta maha hi nkuzi leyi kota lezi va mahileko hi nkuzi ya muphahlelo wa kuonha; ku ta mahiwa zalezo ha yona. A mupristi i ta va mahela a nzhiho, zonake va ta tsetselelwa.

Levi 4:26

I ta hisa laha alatini mafura wontihe, kota mafura ya muphahlo wa kurula. A mupristi i ta mahela a hosana leyo a nzhiho wa kuonha ka yona, hikwalaho yi ta tsetselelwa.

Levi 5:10

A xinyanyani lexi xa wumbiri, i ta maha muphahlo wa kuhiswa hi nayo wa kona. Hi ndlela leyo a mupristi i ta maha a nzhiho wa xionho lexi a munhu loye a xi mahileko, zonake i ta tsetselelwa.

Levi 5:13

A mupristi i ta maha a nzhiho wa xionho xa munhu loye, a nzhiho wa nanzu lowu a wu mahileko wa xinwe xa lezi zi wulilweko, zonake i ta tsetselelwa. A mapa lawa ma salako ma tava ya mupristi, khwatsi hi lezi zi mahiwako ka miphahlelo ya zakuga.

Levi 5:6

i ta neha ka Jehova a munyikelo wa kuonha kakwe, a kati wa xifuyo xa xitsongwani, hambu yi hi yivu, kutani i mbuti, kasi yi maha muphahlo wa ku susa nanzu. Zonake a mupristi i ta mu mahela a nzhiho wa xionho xakwe.

Levi 6:7

A mupristi i ta mu mahela a nzhiho wa wuyiselelo mahlweni ka Jehova, zonake i ta tsetselelwa ka zontlhe lezi yena a onhileko.

Levi 9:7

Mosi aku ngalo ka Aroni: Tshinela laha alatini u nyikela a muphahlo wa wena wa kuonha, ni muphahlo wa kuhiswa, u ti mahela muphahlo wa nzhiho wa wena, ni wa vanhu; u ta nyikela a muphahlo wa vanhu, u maha a nzhiho wa wuyiselelo wa wena wutsumbu ni wa vanhu khwatsi hi lezi Jehova a leleteleko.

Mitsengo 15:25

A mupristi i ta maha muphahlelo wa nzhiho wa tlhangano wontihe wa vanana va ka Israeli, zonake va ta tsetselelwa, hakuva kuonha loku ku mahilweko hi kuhoheta; na vona va nehile munyikelo wabye, wu nga muphahlelo wu hiselwako Jehova, ni muphahlelo wabye wa kuonha mahlweni ka Jehova, hi kota ya zionho zabye lezi va zi mahileko hi kuhoheta.

Mitsengo 15:28

A mupristi i ta mahela a munhu loye a onhileko hi kuhoheta mahlweni ka Jehova a muphahlo wa nzhiho; loku a mahelwe a muphahlelo wa nzhiho, yena i ta tsetselelwa.

Va le Roma 10:4

Hakuva Kristu hi magumeso ya nayo, lezaku ni wihi a kholwako a kuma kululama. Mat. 5:17; Gal. 3:24

Va le Roma 4:25

loyi a nga nyikelwa hi kota ya zihambuko za hina, a vuxiwa, kasi hi fela ku hlayelwa kululama. Isa. 53:5; 1 Kor. 15:17; Maheb. 9:28

Va le Roma 8:1

Hikwalaho a ku na kukoniwa ka lava va nga ka Kristu Jesu. Gal. 5:16

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Va le Efesusi 5:2

mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. Gen. 8:21; Levi 1:9; Joh. 13:34; 1 Joh. 3:11

Va le Kolosi 1:14

loyi hi nga ni kutirulwa ha yena, ku nga kutsetselelwa ka zionho za hina.

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Maheberu 4:14

Makunu kota lezi hi nga ni mupristi wa hombe a hunzeleleko wukulu, loyi a tsemakanyileko matilo, a nga Jesu a Nʼwana wa Nungungulu, ngha hi khomisisa a kuvumela ka hina. Xip. 3:1; 7:26

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

1 Pedro 2:22

Yena a nga onhangi, ni kukanganyisa a ku kumiwangi nonwini wakwe; Isa. 53:9; Lu. 23:41

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26

1 Johani 1:7

Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5

1 Johani 2:2

Hi yena a nga nzhiho wa ku susa zionho za hina, na ku nga hi za hina ntsena, kanilezi ni za tiko gontlhe kambe: Joh. 1:29; 4:42; Rom. 3:25