Levi 4:21 - Tshwa Bible

²¹ I ta yisa a nkuzi lahandle ka wugovelo, a yi hisa laha va hisileko a nkuzi yo ranga. Lowu muphahlelo Wa kuonha ka mutlhangano.

Levi 4:21 Mawu Ofanana

Ezra 8:35

Zonake lava va wuyileko hi le wukhumbini va lo nyikela a munyikelo wa kuhiswa ka Nungungulu wa ka Israeli; ku lo mahiwa muphahlo wa vontlhe va ka Israeli hi 12 wa tikuzi, ni 96 wa tihamba, ni 77 wa tiyivana, ni 12 wa timhongo ta muphahlo wa kuonha; zontlhe lezo va lo phahlela ka Jehova hi ku zi hisa.

Eksodusi 29:14

Kanilezi a nyama ya role ni bhebhe ga kona ni swanyi wa kona, u ta zi hisa lahandle ka wugovelo; zi hi muphahlo wa kuonha. Levi 4:12; Maheb. 13:11

Ezekieli 45:22

A siku lego a hosana yi ta humesa a honwana a kuva munyikelo wa kuonha ka yona zinwe ni tiko gontlhe.

Levi 16:15

Zonake i ta tlhava a mhongo leyi yi lumbako a vanhu, a maha muphahlelo wa kuonha, ni ku neha a nkhata wa yona lomu nzeni ka nguwo ya xisirelo; na yena i ta maha hi nkhata lowu kota lezi a mahileko hi nkhata wa nkuzi; a nwatsekela ha wona le hehla ka xitshamu xa wuxinji ni mahlweni ka xona.

Levi 16:21

Aroni i ta tlhateka mandla yakwe laha hlokweni ya mhongo leyi yi hanyako, zonake i ta wulela hehla ka yona zontlhe zionho za vanana va ka Israeli, ni milanzu yabye yontlhe, hambu ni xihi xihambuko i ta xi veka hlokweni ya mhongo, zonake yi ta heleketwa le xiwuleni hi munhu loyi a yimiselweko ntiro lowo.

Levi 16:27

A nkuzi ni mhongo, lezi za muphahlelo wa kuonha, lezi a nkhata wa zona wu nga yiswa lomu ka wutshamu ga kubasa a kuya mahiwa nzhiho, zi ta yiswa lahandle ka wugovelo; a mabhebhe ya kona ni nyama ya kona ni swanyi wa kona zi ta hiswa laha nzilweni.

Levi 4:13

Kanilezi loku a ntlhangano wontlhe wa ka Israeli va onhile hi kuhoheta, ni loku a mhaka leyo yi fihlele ka ntlhangano, na va hambunyetile a munwe wa milayo ya Jehova hi ku maha zinwani zilo lezi zi nga faneliko ku mahiwa, va ti vangela nanzu;

Levi 4:20

I ta maha hi nkuzi leyi kota lezi va mahileko hi nkuzi ya muphahlelo wa kuonha; ku ta mahiwa zalezo ha yona. A mupristi i ta va mahela a nzhiho, zonake va ta tsetselelwa.

Levi 6:11

Anzhako ka lezo i ta tlhatlha a tinguwo takwe, a ambala tinwani, zonake i ta ya halata a khuma lahandle ka wugovelo, wutshanwini gi basileko.

Levi 6:23

Hakuva a minyikelo yontlhe ya zakuga ya vapristi, yi ta hiswa yontlhe, yi nga dzuki yi giwa.

Levi 8:17

Kanilezi a nkuzi ni bhebhe ga yona, ni nyama ya kona, ni swanyi wa kona, i loya zi hisa lahandle ka wugovelo, khwatsi hi lezi Jehova a leleteleko Mosi.

Mitsengo 15:24

zonake ku taku loku ku onhilwe hi ku hoheta, na tlhangano wu nga zi tivi, a tlhangano wontihe wu ta nyikela a nkuzi ya munyikelo wa kuhiswa, a kuva masema yo nanziha ka Jehova, ni munyikelo wa zakuga, ni munyikelo wa zakunwa, kotisa a nayo wa kona; a tlhangano wu ta nyikela ni mhongo, a kuva muphahlelo wa kuonha.

Mateu 20:28

kota lezi a Nʼwana wa munhu a nga telangiko ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Isa. 53:10; Lu. 22:27; Joh. 13:4

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Maheberu 13:11

Hakuva a zihari lezi a nkhata wa zona wu yiswako Wutshanwini go Basabasa hi mupristi wa hombe hi kota ya zionho, a nyama ya zona yi hiswa lahandle ka wugovelo. Levi 6:30