Levi 27:3 - Tshwa Bible

³ loku a hi wanuna wa 20 wa malembe, ni kuya mahlweni ka 60 wa malembe, a kuringanyisa ka wena ku tava 50 wa maxekeli ya siliva, hi lipimo la xekeli ga wutshamu go basa.

Levi 27:3 Mawu Ofanana

2 Tihosi 12:4

Joaxi i te ngalo ka vapristi: A mali yontlhe ya kubasa leyi yi nehiwako lomu ndlwini ya Jehova, yi nga mali ya munwe ni munwani loku vanhu va hlayiwa, ni mali yontlhe ya kutirulwa ka vanhu, leyi a mupristi munwe ni munwani a ta nga yi pima, ni mali yontlhe leyi a munhu ni munhu a ta nga yi neha hi kuranza ka mbilu yakwe lomu ndlwini ya Jehova; Ekso. 30:12; Levi 27:2; Deut. 16:10

Eksodusi 30:13

Vontlhe lava va ta nga hlayiwa va ta humesa a khihlanya ga xekeli hi lipimo la xekeli gi basileko (gi nga ni makume mambiri ya magera), a khihlanya ga xekeli munyikelo wa Jehova.

Eksodusi 38:24

A nzalama yontlhe leyi va nga maha ha yona ntiro wontihe wa yindlu ya kubasa, yi nga hi nzalama ya hlengo, yi wa hi tsengo wa 29 wa titalenta ni 730 wa maxekeli, hi lipimo la xekeli ga wutshamu go basa.

Levi 27:14

Loku munhu a basisela Jehova a yindlu yakwe, a mupristi i ta yi ringanyisa, kutani yi sasekile kutani yi bihile, zonake ku ta mahiwa kota mupristi a ringanyisako a tsengo wa yona.

Levi 27:25

A kuringanyisa kontlhe ka wena ku ta mahiwa hi xekeli ga wutshamu ga kubasa; a xekeli gi na ni 20 wa magera.

Levi 27:4

Loku a hi wasati, a kuringanyisa ku tava 30 wa maxekeli.

Levi 5:15

Loku a munhu a hambunyeta a onha hi kuhoheta, hi ku kala a nga humesi lezi zi basiselweko Jehova, i ta neha a munyikelo wa nzhiho, a hamba yi nga hiko na bawa, yi hlawulweko lomu tlhambini, zinwe ni mali ya xekeli, gi nga xekeli ga lipimo la wutshamu go basa; ku tava muphahlelo wa nzhiho.

Levi 6:6

Yena i ta neha ka mupristi a muphahlo wakwe wa nzhiho ka Jehova, yi tava hamba yi nga hiko na bawa ya lomu tlhambini, zinwe ni tsengo u wu ringaniseleko nanzu wakwe.

Mitsengo 18:16

U ta ma tirula na ma hi ni hweti yinwe a wukale ni lawa ma hunzako, hi ku ringanyisa ka ntlhanu wa maxekeli, hi xekeli ga wutshamu ga kubasa, legi gi nga ni 20 wa magera.

Mitsengo 3:47

u ta ringanyisa hi xekeli ga wutshamu go basa; a xekeli legi gi nga ni 20 wa magera.