Levi 26:6 - Tshwa Bible

⁶ Nzi ta vanga kurula lomu tikweni ga nwina; mu ta etlela khwatsi na mu nga dzukiswi hi munhu. Nzi ta hetisa zivanza lomu tikweni ga nwina, ni supado yi nga ta enghena lomu tikweni ga nwina.

Levi 26:6 Mawu Ofanana

2 Tihosi 2:24

I lo hunzuluka a va cuwuka, a va rukatela vitweni ga Jehova. Ku lo huma maurso mambiri hi lomu khwatini ma pfhemula 42 wa vafana xikari kabye,

1 Kronekele 22:9

Languta u ta pswalelwa nʼwana loyi a ta ngava munhu wo rula; nzi ta mu nyika kuhumula xikari ka vontlhe valala vakwe va wontihe matlhelo, hakuva a vito gakwe i tava Solomoni; a masikwini yakwe nzi ta nyika va ka Israeli a kuhumula.

2 Kronekele 20:30

Zinghaho a mufumo wa Jehoxafate wu lova ni kurula, hakuva Nungungulu wakwe i lo mu nyika kuhumula matlhelo wontihe.

Joba 11:19

U ta ti nawula hi kurula, a nga kona a ta nga ku dzuxa, Ina, vanyingi va ta kombela thomo ka wena. Levi 26:6

Joba 5:23

Hakuva wena u ta maha wuxaka ni maribye ya khwati: Ni zivanza za khwati zi tava kuruleni zinwe na wena.

Tisimu 144:14

A tinkavi ta hina ti rwexilwe minzhwalo, A makhokhola a ma boxiwangi, a ku na ku yiswa kukhomiweni, A ku na kurila maphangweni ya hina.

Tisimu 147:14

I vanga kurula mimbhinganweni ya wena, Wa ku xurisa hi mavele ma nene.

Tisimu 29:11

Jehova i ta nyika ntamu ka vanhu vakwe; Jehova i ta katekisa tiko gakwe a gi nyika kurula.

Tisimu 3:5

Nza ti lata, nzi etlela wurongo, Nzi tlhela nzi vuka, hakuva Jehova wa nzi tiyisa.

Tisimu 4:8

Nzi ta ti lata nzi etlela hi kurula, Hakuva wena Jehova wa nzi vumela ku tshama kuponeni. Deut. 33:28

Tisimu 85:8

Nzi tazwa lezi Jehova Nungungulu a to zi wula, Hakuva i ta wulawula kurula ka tiko gakwe ni ka vabasileko vakwe; Kanilezi ngha va nga ha tlheli wupumbyini.

Eksodusi 23:29

Nzi nga ta va susa mahlweni ka wena hi lembe ginwe, a tiko gi nga maha xiwula, zonake a zivanza za khwati zi anza, zi mu daya.

Mavingu 3:24

Loku uya kuetleleni cima u nga ta chava, na, u ta etlela, ni wurongo ga wena gi ta nanziha.

Mavingu 6:22

Laha wena u fambako zona zi ta ku rangela, oku uya kuetleleni, zi ta ku hlayisa; i loku u vuka zi ta wulawula na wena. Deut. 6:7

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 35:9

Yi nga tava ni nghala, Ne ni zivanza zo leva zi nga tava kona, Zi nga ta kumeka lomo; Kanilezi yi ta famba lava va tlhatlhisilweko.

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 30:10

Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Jeremia 31:26

(Makunu nzi lo khindlimuka, nzi cuwuka, a wurongo ga mina gi wa hi gi nene.)

Ezekieli 14:15

Loku nzi rumela a zihari zo biha lomu tikweni zi dayetela vanhu, gi sala gi hi xiwula, laha kaku a munhu a nga ha tsemakanyi hi ka gona hi kota ya zihari; Levi 26:22; 2 Tih. 17:25

Ezekieli 14:17

Kutani loku nzi nga neha a supado hehla ka tiko lego, nziku: Supado gi ta tsemakanya a tiko, nzi hihirita vanhu ni zihari;

Ezekieli 14:21

Hakuva Hosi Jehova i ngalo: Nguvunguvu loku nzi rumela hi khati ginwe a mune wa zitsayiso za mina leʼzo biha hehla ka Jerusalema: ku nga supado, ni ndlala, ni zivanza, ni ntungu, a kuva zi hihirita a vanhu ni zihari? 2 Sam. 24:13; Kuv. 6:8

Ezekieli 34:25

Nzi ta maha a xivumelwano xa kurula zinwe navo, nzi hetisa a zivanza laha tikweni. Va ta aka hi kurula lomu xiwuleni, va etlela ni lomu makhwatini.

Ezekieli 34:27

A tisinya ta lomu nkoveni ti ta pswala mihanzu ya tona, ni misava yi ta humesa mihanzu ya yona, va ta tshama hi kurula tikweni gabye. Va ta zi tiva lezaku hi mina Jehova laha nzi ta nga tshova a muyoka wabye, nzi va tlhatlhisa mandleni ya lava va nga va maha tikhumbi.

Ezekieli 5:17

Nzi ta mu rumela a ndlala ni zivanza zo biha, lezi zi ta nga daya vana va nwina; a ntungu ni nkhata zi ta hunza xikari ka nwina, nzi rumela supado hehla ka wena. Hi mina Jehova nzi wulako lezo. Levi 26:22; Deut. 32:24

Hosea 2:18

Hi siku lego nzi ta va mahela a xivumelwano ni zihari za khwati, ni tinyanyani ta tilo, ni zikokakoka za misava. Nzi ta tshova a mawura ni tisupado, nzi fuvisa yimpi laha tikweni, nzi va maha va tshama hi kurula.

Hosea 2:20

Nzi ta ku teka hi kutsumbeka, na wena u ta tiva Jehova.

Levi 25:18

Mu ta hlayisa milayo ya mina, mu ingisa zileletelo za mina, mu zi maha; zonake mu ta aka lomu tikweni hi kurula.

Levi 25:19

A misava yi ta humesa a mihanzu ya yona, mu taga mu xura, mu aka ka yona hi kurula.

Levi 26:22

Nzi ta rumela zivanza xikari ka nwina; zi ta daya a vanana va nwina, zi mbheta a zifuyo za nwina, zi mu maha va tsongwani; zonake a tindlela ta nwina ti ta maha wuphupha.

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Levi 26:7

Mu ta hlongolisa a valala va nwina, va ta dawa hi tisupado ta nwina.

Mika 4:4

Kanilezi munwe ni munwani i ta tshama lahasi ka vina wakwe, ni lahasi ka kuwu wakwe. A nga kona a ta nga va dzuxa, hakuva a nomu wa Jehova wa tiyimpi wu wulile lezo. Levi 26:6; 1 Tih. 4:25; Zak. 3:10

Zefania 3:13

A misalela ya ka Israeli yi nga ta ha goha, yi nga ta hemba mawunwa, ge hambu lirimi la ku khohlisa li nga ta kuva kona milonwini yabye. Hakuva va taga, va etlela hi kurula, a nga hi kona a va dzuxako. Joba 11:19; 1 Joh. 5:18

Hagai 2:9

A wukosi go gumesa ga yindlu leyi gi tava ga hombe ku hunza leʼgo ranga, ku wula Jehova wa tiyimpi; a ka wutshamu legi nzi ta nyika kurula, ku wula Jehova wa tiyimpi.

Zakaria 9:10

Nzi ta fuvisa a tikareta lomu Efraime, ni mahaxi le Jerusalema, ni mawura ya yimpi ma ta fuviswa. I ta wulawula kurula a ka mifumo; a kufuma kakwe ku ta sukela bimbini ginwe kala ka ginwani, ni kusukela Congweni kala magemetamusi ya misava.

Johani 14:27

A kurula nza ku siya ka nwina; nza mu nyika a kurula ka mina; a nzi mu nyiki kota lezi gi nyikisako zona tiko. A timbilu ta nwina ngha ti nga karateki, hambu ni ku chava. Fil. 4:7; Kol. 3:15

Mitiro 12:6

Laha Herodi a nga lava ku mu humesa, gwalego wusiku Pedro i wa etlele xikari ka masochwa mambiri, na a bohilwe hi mangenje mambiri; a varinzeli na va yimile laha nyangweni va rinzela paxo.

Va le Roma 5:1

Hikwalaho na hi hlayelwe kululama hi kukholwa, hi na ni kurula ni Nungungulu hi Hosi ya hina Jesu Kristu; Isa. 32:17; Joh. 16:33; Efe. 2:14