Levi 26:45 - Tshwa Bible

⁴⁵ Hi kota ya vona nzi ta alakanya xivumelwano xa mina lexi nzi mahileko ni vararu vabye, lava nzi va humesileko tikweni ga le Gipite kuwoneni ka vamatiko, kasi nziva Nungungulu wabye. Hi mina Jehova.

Levi 26:45 Mawu Ofanana

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 15:18

Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

Genesisi 9:15

nzi ta alakanya a xivumelwano xa mina xi nga xikari ka mina na nwina ni ka zivangwa zontlhelele zi hanyako; a mati ma nga ta ha maha a ntalo wa ku lovisa a nyama yontlhe.

Tisimu 106:45

A alakanya a xivumelwano xakwe hi kota ya vona, A va zwela hi wuxinji gakwe ga hombe. Deut. 30:1

Eksodusi 2:24

Nungungulu i lozwa kurila kabye, a alakanya a xivumelwano xakwe na Abrahama, na Isaka, na Jakobe.

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Eksodusi 6:8

nzi ta mu yisa ka tiko legi nzi nga hlambanya nziku: Nzi ta gi nyika ka Abrahama, na Isaka, na Jakobe; nzi ta mu nyika gona, akuva tshomba ya nwina. Hi mina Jehova. Ezek. 20:5

Ezekieli 20:14

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona. Mitse. 14:13; Deut. 9:28

Ezekieli 20:22

Hambu zi hi tano, nzi lo tlhelisa a canja ga mina, hi kota ya vito ga mina nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona.

Ezekieli 20:9

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa va nga hi xikari ka wona, lawa nzi nga ti tivekisa mahlweni ka wona, hi ku va humesa tikweni ga le Gipite.

Levi 11:45

Hakuva hi mina Jehova loyi a mu humesileko tikweni ga le Gipite, kasi nzi fela maha Nungungulu wa nwina. Hikwalaho basani, hakuva mina nzi basile.

Levi 22:33

Hi mina Jehova loyi a mu basisako, loyi a mu humesileko tikweni ga le Gipite, kasi nzi maha Nungungulu wa nwina. Hi mina Jehova.

Levi 25:38

Hi mina Jehova, Nungungulu wa nwina, loyi a mu humesileko tikweni ga le Gipite, kasi ku ta mu nyika a tiko ga Kanani, nziva Nungungulu wa nwina.

Va le Roma 11:12

Makunu loku a kuwa kabye ku fumisile tiko, ni kulahlekelwa kabye ku hi kufuma ka vamatiko, zi nga ta hunzisa nguvu loku va hunzuluka vontlhe ke? Jer. 13:4; Zak. 2:11

Deuteronome 4:31

Hakuva Jehova Nungungulu wa wena i Nungungulu wa tipswalo; cima a nga ta ku tsika, hambu ku ku lovisa, ni kambe a nga ta rivala a xivumelwano xa vararu va wena lexi a hlambanyileko ka vona.

Deuteronome 9:27

Alakanya malanza ya wena, Abrahama, na Isaka, na Jakobe; u nga cuwuki a kunonoha ka timbilu ta lava vanhu, ni kubiha kabye, ni xionho xabye,