Levi 26:39 - Tshwa Bible

³⁹ Lava va ta nga sala xikari ka nwina, va ta hleleleka hi kota ya kuonha kabye le matikweni ya valala va nwina; va ta hleleleka hi kota ya kuonha ka vadadani vabye loku va seleko nako.

Levi 26:39 Mawu Ofanana

2 Kronekele 34:24

Jehova i ngalo: Nzi ta neha a hlomulo hehla ka wutshamu legi ni hehla ka vanhu va kona, yontlhe a nzhukano leyi yi tsalilweko lomu bhukwini legi va gi gonzileko mahlweni ka hosi ya ka Juda. Levi 26:14; Deut. 28:15

Ezra 9:7

Kusukela xikhatini xa vadadani va hina ha su simamisa hi maha kubiha ka hombe kala lezi; hi kota ya zionho za hina, ni za tihosi ta hina, ni vapristi va hina, hi nyikelwe lomu mandleni ya tihosi ta matiko, hi xaniswa hi supado, ni wukhumbi, ni kuphangiwa, ni tingana, kota lezi hi nga zona nyamutlha.

Nehemia 1:9

kanilezi loku mu tlhelela ka mina, mu hlayisa a zileletelo za mina mu zi maha, hambu loku mu hoxilwe muya magemeta-musi ya tilo, nzi ta va tsombanyisa nzi va wuyiseta wutshanwini legi nzi hlawuleko a kuva wuakelo ga vito ga mina.

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Eksodusi 34:7

loyi a nga ni wuxinji ka khume ga mazana, loyi a tsetselelako munhu wa kubiha, ni wa kuhambuka ni kuonha; kanilezi lava va nga ti soliko hi milanzu leyi va nga nayo a nga va rivaleli; kanilezi i tsayisa a vanana ni vazukulu kala ku chikela ka xizukulwana xa wunharu ni xa wumune, hi kota ya kuonha ka vapswali vabye. Joba 9:2; Jer. 32:18; Nah. 1:3

Isaya 14:21

Hihiritani a vanana vakwe hi kota ya kuhambunyeta ka vararu vabye, Kasi va nga vuki va fumela misava, Hambu ku tata tiko hi miti yabye.

Isaya 24:16

Ku sukela magemeta-musi ya misava hi zwile zizimba, zi nge: A wudzunzo a ka loyi a lulamileko! Kanilezi mina nziku: Ku wonza ka mina, ku wonza ka mina! Khombo ka mina! A vakanganyisi va kanganyisa; ina, a vakanganyisi va kanganyisile nguvu.

Jeremia 29:12

Mu ta nzi vitana, mu famba mu nzi khongela, mina nzi ta mu ingisa.

Jeremia 3:25

A hi weni hasi tinganeni ta hi na, Hi fenengela tona; Hakuva hi onhele Jehova a Nungungulu wa hina, Hina zinwe ni vadadani va hina kusukela wusweni kala nyamutlha; A hi ingisangi a gezu ga Jehova a Nungungulu wa hina.

Jeremia 31:29

A ka lawo masiku va nga ta ha wula kambe, vaku: A vadadani va gile a mauva laʼmambisi, a meno ya vanana ma ni wureremeti.

Mikosi 1:3

Juda i yile matikweni hi kota ya kuxaniseka ni wunanza ga hombe; I tshama xikari ka vamatiko, a nga kumi kurula; A vaxanisi vakwe vontlhe va mu khamanyetile kubayisekeni kakwe.

Mikosi 4:9

Lava va nga dawa hi supado i chukwana ku hunza lava va fako hi ndlala. Hakuva va jomoloka hi ku vumala zakuga za lomu masinwini.

Ezekieli 18:19

Nwina mu ngalo: Hikuyini a nʼwana a nga rwaliko a kugoha ka raru wakwe? Loku a nʼwana a mahile lezi zi nga za nayo ni nongameto, a hlayisa a milayo ya mina a yi maha, yena i ta hanya futsi.

Ezekieli 20:43

Lomo mu ta alakanya a mahanyela ya nwina, zi zontlhe zimaho za nwina lezi mu nga ti nyenyezisa ha zona; mu ta ti nyenya hi kota ya kontlhe kubiha loku mu ku mahileko.

Ezekieli 24:23

Mu ta tshama mu bohile zihuku tiklokweni ta nwina, ni zilato mikonzweni ya nwina. Mu nga ta rila ge hambu kuba nkosi; kanilezi mu ta jomoloka zigohweni za nwina, mu keta munwe ka munwani.

Ezekieli 33:10

Wena nʼwana wa munhu, wula ka yindlu ya ka Israeli, uku: Nwina mu wula muku: A zihambunyeto za hina ni zionho za hina zi le hehla ka hina, hina ha wonza hi kota ya zona; hi nga hanyisa kuyini ke? Levi 26:39; Ezek. 24:23

Ezekieli 36:31

Zonake mu ta alakanya a tindlela ta nwina to biha, ni zimaho za nwina zo nyenyeza. Mu ta ti swihala hi kota ya kubiha ka nwina ni manyalataniso ya nwina.

Ezekieli 4:17

Va ta vumala kuga ni mati, vontlhe na va kari va dzuka, va kweveka kugoheni kabye.

Ezekieli 6:9

Lava va ta nga huluka Xikari ka nwina, va ta nzi alakanya matikweni lawa va ta nga yiswa kona wukhumbini, laha na nzi tshovile a timbilu tabye leti ti nga tsumbekangiko, leti ti sukileko ka mina; ni mahlo yabye lawa ma mbilukelako a zifananiso zabye. Va ta ti nyenya wutsumbu gabye hi kota ya kubiha loku va ku mahileko ka wontihe manyalataniso yabye. Mitse. 15:39

Hosea 5:15

Nzi ta tlhela nzi ya tshama wutshanweni ga mina, kala va wulela zionho zabye, va hlota a nghohe ya mina. Hlomulweni wabye va ta nzi hlotisisa.

Zakaria 10:9

Nzi ta va xwanya xikari ka matiko, va ta nzi alakanya matikweni ya le kule. Va ta hanya ni vanana vabye, va ta tlhela va wuya.

Mitsengo 14:18

Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.

Deuteronome 28:65

A xikari ka lawo matiko wena u nga ta kuma kurula, ni kambe cima ku nga tava kona kuhumula ka nkonzo wa wena; kanilezi leyo Jehova i ta ku nyika a mbilu yo rurumela, ni mahlo ma pfhupelako, ni mbilu yi gavata-nako.

Deuteronome 30:1

Makunu laha a zilo lezi nzi zi wulileko mahlweni ka wena, za mathomo ni makhombo, zi chikela hehla ka wena, u zi alakanya mbilwini ya wena, na u hi kwaleyo ka matiko lawo Jehova Nungungulu wa wena a ta nga ku hangalasa ka wona, Levi 26:40

Deuteronome 5:9

U nga zi khizameli, hambu ni ku zi khozela; hakuva mina Jehova Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako. Ekso. 34:7; Mitse. 14:18; Jer. 32:18

Deuteronome 8:20

Mu ta lova khwatsi hi matiko lawa Jehova a ma lovisileko mahlweni ka nwina, hakuva nwina a mu ingisangi a gezu ga Jehova Nungungulu wa nwina.