Levi 26:17 - Tshwa Bible

¹⁷ Nzi ta mu cuwukisa hi mahlo ya makayi, mu ta dawa hi valala va nwina, mu fumelwa hi lava va mu vengako; zonake mu ta tsutsuma na ku nga hi na muhlongolisi. Joba 36:12; Mav. 23:1

Levi 26:17 Mawu Ofanana

Genesisi 4:12

Laha u ta nga rima, a misava yi nga ta ha nyika mihanzu hi ntamu wa yona; u tava mupepetseki ni mufambafambi laha misaveni.

1 Tihosi 8:33

Loku a vanhu va wena va ka Israeli, va hluliwa hi valala vabye hi kota ya kukuonhela kabye, loku vona va tlhelela ka wena, va ta dumisa a vito ga wena, va maha mukhongelo mahlweni ka wena lomu ndlwini leyi,

2 Tihosi 13:3

A zanga ya Jehova yi lo vindlukela va ka Israeli, a va nyikela ka Hazaeli a hosi ya le Siria ni le mandleni ya Ben-Hadade a nʼwana Hazaeli a masiku wontihe. Vala. 2:14; 1 Tih. 19:15

2 Tihosi 13:7

Jehoahaza i lo sala ni yimpi ya 50 wa vakhileli va mahaxi, ni 10 wa tikareta, ni butho ga 10,000 wa vavanuna basi, hakuva a hosi ya le Siria yi wa lovisile va ka Israeli, yi va maha ku khwatsi i tsutsungwani lowu wu kanzihelelako.

Tisimu 44:10

U hi tlhelisile nzhako a mahlweni ka valala va hina; Ni lava va hi vengako va hi phanga.

Tisimu 53:5

Va wa hi ni kuchava ka hombe lomo, Laha ku nga kala ku nga hi na nchumu wo chavisa; Hakuva Nungungulu i hangalasile a marambu ya lava va ku ranzelako; U va wisile tingana hakuva Nungungulu i va tsikile.

Tisimu 53:6

O, loku ku wo khwatsi a kuhanyisa ka Israeli ku wa ta huma hi le Zioni! Laha Nungungulu a tlhelisako vanhu vakwe hi le kukhonweni; Zonake Jakobe i ta tsaka, na Israeli i ta nengela. Gen. 49:18; Lu. 10:24

Mavingu 28:1

A va kubiha va tsutsuma na va nga hlongolwi hi munhu; anilezi lava va lulamileko va tiya kota xinghalana. Levi 26:36

Isaya 30:17

A va khume ga mazana va ta tsutsuma na va chaviswa hi munhu munwe, ni loku mu chaviswa hi laʼva ntlhanu, mu ta tsutsuma kala muku khwatsi mu mhanze le hehla ka xitsunga, muku khwatsi mu nghapa laha mugangeni.

Isaya 63:10

Kanilezi vona va lo hluwuka, va bayisa Moya wakwe wa ku Basa, Hikwalaho i lo maha nala wabye, alwa navo.

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Jeremia 44:11

Hikwalaho Jehova wa tiyimpi, a Nungungulu wa Israeli, i ngalo: Nzi ta mu nonohisela a nghohe ya mina nzi mu mahela kubiha, nzi hihirita gontlhe Juda. Levi 17:10; Am. 9:4

Mikosi 1:5

A vavengi vakwe va buma, ni valala vakwe va vuvuma; Hakuva Jehova i mu rumile makhombo hi kota ya kutala ka zigoho zakwe. A zivanana zakwe zi yile wukhumbini, na zi guliwa hi nala.

Mikosi 2:4

I kondlile a wura gakwe kukotisa a nala, a nawuluta canja gakwe ga xinene khwatsi hi nhenha, A lovisa zontlhe lezi zi nga tsakisa mahlo. Lomu tendeni ga nhanyana wa Zioni i chulule a zanga yakwe khwatsi i nzilo.

Ezekieli 15:7

Nzi ta va honokela; va ponile nzilo, kanilezi va ta lobyiswa hi nzilo. Va ta zi tiva lezaku hi mina Jehova, laha nzi ta nga va honokela.

Levi 17:10

Kani hi wihi munhu wa lixaka la ka Israeli, hambu loku a hi muluveli a akileko xikari kabye, a gako ni lihi lixaka la nkhata, nzi ta mu cuwukisa hi mahlo ya makayi, nzi mu susa ka va ka kabye. Deut. 12:16, 23; Miti. 15:20

Deuteronome 28:25

Jehova i ta maha lezaku wena u hluliwa hi valala va wena; wena u ta huma ku yalwa ni valala va wena hi ndlela yinwe, kanilezi u ta ya panzanyeka mahlweni kabye hi 7 wa tindlela, zonake u tava xihlekiso ka wontihe matiko ya misava. Jer. 15:4; 24:9

Joxua 7:4

Zonake ku lo famba 3,000 wa vavanuna, va lo ya tsutsuma mahlweni ka vavanuna va le Ai.

Valamuli 2:14

A zanga ya Jehova yi lo vindlukela Israeli, a va nyikela canjeni ga vaphangi, lava va nga va phanga, a va nyikela mandleni ya valala vabye lava va va ranzeleko, laha kaku va tsanzeka ku yima mahlweni ka valala vabye. Tis. 44:12; Isa. 50:1

Valamuli 3:14

A vanana va ka Israeli va lo fumelwa 18 wa malembe hi Egloni a hosi ya vaMoabi.

Valamuli 3:8

Makunu a zanga ya Jehova yi vindlukela va ka Israeli, a va nyikela canjeni ga Kuxani-Rixataime, a hosi ya le Mesopotamia. A vanana va ka Israeli va lo fumelwa 8 wa malembe hi Kuxani-Rixataime.

Valamuli 6:2

A vaMidiani va lo xanisa nguvu va ka Israeli. A vanana va ka Israeli va lo tsutsumela mikovotlweni yi nga le zitsungeni ni lomu timhakweni, ni lomu makhokholeni, hi ku chava vaMidiani.

1 Samueli 12:15

Kanilezi loku mu nga ingisi a gezu ga Jehova, ni loku mu ala zileletelo zakwe, zonake a canja gakwe gi ta mu vukela, khwatsi hi lezi gi nga wa vukela vararu va nwina.

1 Samueli 31:1

Makunu a vaFilistia va lolwa ni va ka Israeli; a vavanuna va ka Israeli va tsutsuma va chava vaFilistia, va gwazetelwa va mbambamela le xitsungeni xa Gilboa.

1 Samueli 4:10

A vaFilistia va lolwa ni va ka Israeli; a va ka Israeli va lo hluliwa, va panzanyeka, loyi ni loyi a tsutsumela tendeni gakwe. Ku wa hi kuhlaselwa ka ntamu, hakuva ku lo dawa 30,000 wa vavanuna va hlomileko va ka Israeli.