Levi 26:16 - Tshwa Bible

¹⁶ minawu nzi ta mu maha lezi: Nzi ta mu rumela a chawo, ni ndere, ni feveri, zi ta mbheta a mahlo ya nwina ni timbilu ta nwina; mu ta byala mahala timbewu ta nwina, hakuva ti ta giwa hi valala va nwina.

Levi 26:16 Mawu Ofanana

1 Tihosi 8:37

Loku ku huma ndlala lomu tikweni, kutani mitungu, ni kubola ka mavele, a humbi ni ziwungwani, ni loku a valala va vimbezela lomu tikweni legi gi nga ni miti yabye, ni loku mababyi ya tixaka ti hambeneko ma enghena;

Joba 18:11

A kutshisa ku ta mu chavisa ma tlhelweni wontihe; Ku ta mu hlongolisa ni kwihi a yako kona. Jer. 46:5

Joba 20:25

I ta hlomula a ligalala mirini wakwe, Ina, a supado yo hatima yi ta huma nyongweni yakwe; A ku chava kufa ku tava hehla kakwe.

Joba 31:8

Zonake nzi ta byala, zi giwa hi munwani; Ina, ngha a pfuno wa mina wu tsuwulelwa. Levi 26:16; Deut. 28:38

Tisimu 109:6

Nyikela a wa kunghahi ntanwini wa wobiha, Ngha ku yime muranisi reveni gakwe ga xinene. Zak. 3:1

Tisimu 73:19

Va lobyisisilwe kuyini hi xitshuketi! Vona vafa, va hetiswa hi kuchava.

Tisimu 78:33

I lo va tsika, a masiku yabye ma mbhela hi leʼzi nga nyawuliko, Va mbheta malembe yabye hi kuchava.

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Mavingu 3:33

A xiruko xa Jehova xi lomu ndlwini ya vakubiha, anilezi yena wa katekisa wuakelo ga valulamileko. Levi 26:3

Isaya 10:4

Mu ta zi kota ku korama xikari ka tiperesu ntsena, Hambu kuwa lahasi ka zirumbi za va delweko. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 62:8

Jehova i hlambanyile hi canja gakwe ga xinene, Hi woko gakwe ga ntamu, aku: Hizinene, nzi nga ta ha nyikela a mavele ya wena a kuva zakuga za valala va wena, A vamatiko va nga tanwa a vinya ga wena, legi wena u gi tireleko.

Isaya 7:2

Zonake a yindlu ya ka Davida yi byeliwa lezaku: Siria i govile le ka Efraime, zonake a mbilu ya Ahazi ni timbilu ta vanhu vakwe ti lo rurumela, khwatsi a tisinya ta khwati ti tsekatsekiswako hi mheho.

Jeremia 12:13

Va byalile mavele, va tshovele mizwa; Va ti karatile mahala. Mu tava ni tingana hi kota ya kutshovela ka nwina, Ni kota ya kuhisa ka khulo ga Jehova. Levi 26:16; Deut. 28:38; Hag. 1:6

Jeremia 15:3

Nzi ta va rumela mune wa makhombo, ku wula Jehova: A supado yi ta va hlasela, a timbyana ti ta va tlukula, a tinyanyani ta tilo ni zivanza za khwati zi ta va khadamula zi va lovisa. Levi 26:16; Deut. 28:26

Jeremia 15:8

A tinoni tabye ti enzelekile ku hunza a seke ga bimbi. Nzi nehile mulovisi loyi a dayako vamamani va majaha ni nhlikanhi. Hi xitshuketi nzi rumele hehla kakwe a kuxaniseka ni kuchava.

Jeremia 20:4

Hakuva Jehova i ngalo: Nzi ta ku maha xichaviso a ka wutsumbu ga wena ni ka maxaka ya wena wontihe; vona va ta dawa hi tisupado ta valala vabye, wena wutsumbu u ta zi wona: Nzi ta nyikela gontlhe Juda a canjeni ga hosi ya Babuloni, yi ta va yisa kukhonweni le Babuloni, yi va daya hi supado.

Jeremia 5:17

Vona va taga a mavele ya wena ni xibaba xa wena, va taga vafana va wena ni vanhanyana va wena, va taga tiyivu ta wena ni tihomu ta wena, va taga zivina za wena ni mikuwu ya wena; a miti ya wena ya makhokhola, leyi u yi tsumbako, va ta yi lovisa hi supado. Levi 26:16; Deut. 28:31

Ezekieli 24:23

Mu ta tshama mu bohile zihuku tiklokweni ta nwina, ni zilato mikonzweni ya nwina. Mu nga ta rila ge hambu kuba nkosi; kanilezi mu ta jomoloka zigohweni za nwina, mu keta munwe ka munwani.

Ezekieli 33:10

Wena nʼwana wa munhu, wula ka yindlu ya ka Israeli, uku: Nwina mu wula muku: A zihambunyeto za hina ni zionho za hina zi le hehla ka hina, hina ha wonza hi kota ya zona; hi nga hanyisa kuyini ke? Levi 26:39; Ezek. 24:23

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Mika 6:15

U ta byala, kanilezi u nga ta tshovele; u ta kamela maoliva, kanilezi u nga ta tola mafura ya kona; u ta kamela mauva, kanilezi u nga tanwa a vinya ga kona. Deut. 28:30, 38; Zef. 1:13; Hag. 1:6

Hagai 1:6

Mu byalile nguvu, kanilezi mu tshovele zitsongwani; maga, kanilezi a mu xuri; manwa, kanilezi a mu kolwi; ma fenengela, kanilezi a mu kufumeli; loyi a tirelako hakhelo i hakhela ku yi chela lomu xikhwameni xi bhoxekeleko.

Zakaria 14:12

Lowu hi ntungu lowu Jehova a ta ngaba ha wona a matiko wontlhe lawa ma ngalwa na Jerusalema: A nyama yabye yi ta bola na va yimile hi mikonzo yabye; a mahlo yabye ma ta bola lomu makheleni ya wona, ni tirimi tabye ti ta bola; lomu milonwini yabye.

Malaki 2:3

Nzi ta goha a woko ga nwina, nzi xwanya koho tinghoheni ta nwina, wu nga koho wa miphahlo ya nwina, mu hoxiwa handle nawo.

Deuteronome 28:51

na wona wu taga a marole ya zifuyo za wena, ni mihanzu ya misava ya wena kala wena u lobyiswa; cima va nga ta ku siyela nchumu hambu ni timbewu, ni vinya, ni mafura, ni marole ya tihomu ta wena, hambu ni ziyivana za tiyivu ta wena, va kala vona va ku mbhetisa.

Deuteronome 32:25

Lahandle va ta dawa hi tlhari, Ni lomu tindlwini va ta dawa hi kutshisa; A jaha gi ta lova khwatsi hi nhanyana, Ni loyi a anwako khwatsi hi xikhosana.

Maheberu 10:31

Za chavisa a ku wela mandleni ya Nungungulu a hanyako. Lu. 12:5

Valamuli 6:11

Zonake a ngelosi ya Jehova yi lota yi ta tshama lahasi ka nkuhlu lowu wu nga le Ofra, ka Joaxi a muAbiezeri. A nʼwana wakwe Gideoni i wa kari a phopha mavele lomu xigowolweni, kasi ku fihlela vaMidiani.

1 Samueli 2:33

A munwe wa vanhu va wena, loyi nzi to kala nzi nga mu susi alatini ga mina, i ta hisa a mahlo ya wena ni ku gisa mbhukutsa muhefemulo wa wena. Kanilezi a vanhu vontlhe va yindlu ya wena va tafa na va nga se ku khosahala.