Levi 26:13 - Tshwa Bible

¹³ Hi mina Jehova, a Nungungulu wa nwina, loyi nzi mu humesileko tikweni ga le Gipite, kasi mu nga mahi tikhumbi tabye. Nzi tshovile a pingo wa makhotso ya nwina, nzi mu mahile mu famba na mu lulamile muku pswi.

Levi 26:13 Mawu Ofanana

Tisimu 116:16

Jehova, hizinene, nzi nanza ga wena, Nzi nanza ga wena, a nʼwana wa nanza ga wena ga xisati; Wena u tlhatlhile a magota ya mina.

Eksodusi 14:8

Zinghaho Jehova i lo nonohisa a mbilu ya Faro, a hosi ya Gipite, kasi a fela ku lanza a vanana va ka Israeli, na kasi a vanana va ka Israeli va huma hi canja ga ntamu. Mitse. 33:3

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Isaya 51:23

Kanilezi nzi ta yi veka mandleni ya vaxanisi va wena, Lava va teku ka wena: Korama, hi hunza; Zonake a hlana wa wena u wu maha a kuva misava, U ku khwatsi u ndlela ka vahunzi.

Isaya 9:3

U anzisile a tiko, u kulisile kutsaka kabye; Va tsakile mahlweni ka wena ku khwatsi hi lava va tshovelako, Va hlalela kukotisa vanhu va avelanako muphango.

Jeremia 2:20

Hakuva hi kale na u tshovile muyoko wa wena, U phewulela a tingoti ta wena, uku: Nzi nga ha ta tira. Hakuva u baramile zitsungeni zontlhe zo tlakuka. Ni lomu hasi ka tontlhe tisinya to nyuka, u maha wubhayi.

Jeremia 28:2

Jehova wa tiyimpi, a Nungungulu wa Israeli i ngalo: Nzi pfutlatile a muyoko wa hosi ya Babuloni.

Jeremia 28:4

Kambe nzi ta wuyisa ka legi wutshamu Jekonia a nʼwana Jehoiakimu, hosi ya ka Juda, ni tontlhe tikhumbi ta ka Juda, ti yisilweko le Babuloni, ku wula Jehova; hakuva nzi ta pfutlata a muyoko wa hosi ya Babuloni. 2 Tih. 24:12

Ezekieli 30:18

Le Tehafnehesi a hlikanhi wu ta phuma, laha nzi ta nga tshova a miyoka ya Gipite, ni matshanza ya ntamu wakwe ma ta mbhela; i ta fenengetwa hi refu, ni vanhwana vakwe va taya wukhumbini.

Ezekieli 34:27

A tisinya ta lomu nkoveni ti ta pswala mihanzu ya tona, ni misava yi ta humesa mihanzu ya yona, va ta tshama hi kurula tikweni gabye. Va ta zi tiva lezaku hi mina Jehova laha nzi ta nga tshova a muyoka wabye, nzi va tlhatlhisa mandleni ya lava va nga va maha tikhumbi.

Hosea 11:4

Nzi lo va koka hi tingoti ta wuxinji, ni magota ya liranzo; nzi lo rula muyoka wa tinhamu tabye, nzi va phamela.

Levi 25:38

Hi mina Jehova, Nungungulu wa nwina, loyi a mu humesileko tikweni ga le Gipite, kasi ku ta mu nyika a tiko ga Kanani, nziva Nungungulu wa nwina.

Levi 25:42

Hakuva va hi malanza ya mina, laya nzi ma humesileko tikweni ga le Gipite; a va na ku xaviswa kota lezi va xavisisako zona tikhumbi.

Levi 25:55

Hakuva vanana va ka Israeli malanza ya mina; a malanza ya mina lawa nzi nga ma humesa tikweni ga le Gipite. Hi mina Jehova, Nungungulu wa wena.

Nahume 1:13

Makunu nzi ta tshova a muyoka wakwe lowu wu nga ka wena, nzi phewula a mangenje ya wena.