Levi 24:4 - Tshwa Bible

⁴ I ta vekela tikandiya laha ka meza ya tona ya nzalama, kasi ta vura xontlhe xikhati mahlweni ka Jehova.

Levi 24:4 Mawu Ofanana

1 Tihosi 7:49

ni ntlhanu wa timeza ta tikandiya ta nzalama hi tlhelo ga xinene, ni tinwani ta ntlhanu hi le xibhabheni, hi mahlweni ga kubasabasa ga lomu xikari; ni zitsangi ni tikandiya, ni mahati zi wa hi za nzalama;

1 Kronekele 28:15

ni kutika ka timeza ta tikandiya ta nzalama, ni tikandiya ta kona ta nzalama; ni kutika ka meza yinwe ni yinwani, ni tikandiya ta kona; ni kutika ka timeza ta tikandiya ta siliva, ni kutika ka meza yinwe ni yinwani, ni tikandiya ta kona, kota ntiro wa meza ya kandiya yinwe ni yinwani.

2 Kronekele 29:7

Va valile ni tivati ta nyangwa ya hombe, va tima tikandiya; cima a va hisangi tibani, hambu ni ku nyikela muphahlo wa kuhiswa laha wutshanwini go basa ga Nungungulu wa ka Israeli.

Eksodusi 31:8

Ni meza ni zibya za yona, ni meza ya nzalama ya tikandiya ni zibya za yona, ni alati ga libani,

Eksodusi 39:37

ni meza ya nzalama ya tikandiya, ni tikandiya ta kona, ni zontlhe zibya za kona, ni mafura ya tikandiya;

Jeremia 52:19

A nduna ya vanyakasani yi lo teka ni mingelo ya tibani, a timbita, ni timeza ta tikandiya, a mikombe, ni magombe: zontlhe lezi zi nga wa mahilwe hi nzalama ni siliva.

Levi 24:3

Aroni i ta yi hlayisa lahandle ka nguwo yo sirela Wumboni, lomu ka tabemakeli ga mutlhangano; ti ta vura mahlweni ka Jehova wontihe masiku, kusukela laha gambyeni kala laha mixweni. Lexi xileletelo xa kala kupinzuka zizukulwaneni za nwina.

Mitsengo 3:31

Lava va wa hlayisa a arke, ni meza, ni meza ya tikandiya, ni maalati, ni zibya za ntiro wa wutshamu ga kubasa, ni xisirelo, ni zontlhe zilo za koha.

Mitsengo 4:9

Va ta teka a nguwo ya wukuxe, va fenengeta ha yona a meza ya tikandiya, ni tikandiya ta kona, ni zitimo za tona, ni zibya za khuma, ni zibya zontlhe za mafura lezi va tirako ha zona a ntirweni wa kona.

Mitsengo 8:2

Byela Aroni uku ngalo: Loku u yimisa a tikandiya, a ntlhanu wa tona ni timbiri ti ta woningela mahlweni ka meza ya tikandiya. Ekso. 25:37

Maheberu 9:2

Hakuva ku wa mahilwe a tabernakeli; lomu ka xipetso xo ranga ku wa hi ni meza ya tikandiya, ni meza yi nga hi ni zibaba za xikombiso; a xipetso lexi xi wa tibyiwa ku ngalo, Wutshamu go Basa. Ekso. 25:23, 30, 31; 26:1

Kuvululelwa 1:20

A fihlakalo wa tinyeleti ta ntlhanu ni timbiri leti u nga ti wona canjeni ga mina ga xinene, ni timeza ta nzalama ta ntlhanu ni timbiri to veka tikandiya hi lowu: A tinyeleti ta ntlhanu ni timbiri hi tingelosi ta ntlhanu wa mabandla ni mambiri, ni timeza leti ta ntlhanu ni timbiri to veka tikandiya hi mabandla lawa ya ntlhanu ni mambiri. Zak. 4:2; Mat. 5:15

Kuvululelwa 11:4

Lava hi tona tisinya timbiri ta maoliva ni timeza timbiri to veka tikandiya leti ti yimileko mahlweni ka Hosi ya misava. Tis. 52:8; Jer. 11:16

Kuvululelwa 2:5

Hikwalaho alakanya laha u wileko ha kona, u hunzuluka, u maha mitiro yo sangula; loku u nga mahi lezo nzi tata ka wena, nzi ta susa a meza ya wena ya kandiya a wutshanwini ga yona, loku u nga hunzuluki. Mat. 21:41