Levi 23:4 - Tshwa Bible

⁴ Leyi hi mibuzo ya Jehova, hi lezaku mitlhangano yi basileko leyi mu to leletela vanhu ha yona hi zikhati za yona:

Levi 23:4 Mawu Ofanana

Nehemia 8:15

Ni lezaku va fanele kuba nyiwo va tivisa lomu mitini yabye yontlhe, ni le Jerusalema, muku: Humani muya xitsungeni mu ya tshova tiravi ta mioliva, ni mioliva ya khwati, ni maravi ya tihlambuti, ni maravi ya micinzu mu ti akela mixaxa khwatsi hi lezi ku tsalilweko,

Eksodusi 12:14

Lego siku gi tava xialakanyiso ka nwina; mu ta gi hlayisa giva siku ga ximuse ka Jehova zizukulwaneni zontlhe za nwina: ku tava xiyimiso xa kala kupinzuka.

Eksodusi 23:14

U ta nzi mahela mutlhangano kanharu hi lembe.

Isaya 29:1

Khombo ka Arieli, Arieli, a muti lowu Davida a nga govela kona, Engetelani lembe hi lembe, ni mibuzo a yi nyiketane!

Ezekieli 44:24

Va ta maha valamuli va timhaka, va lamula maringano ni milayo ya mina. Va ta hlayisa a zileletelo za mina ni ziyimiso za mina mibuzweni ya mina yontlhe; va ta basisa a masabado ya mina. Deut. 17:8; 2 Kro. 19:10; Mal. 2:7

Levi 23:2

Byela a vanana va ka Israeli, uku ka vona: Leyi hi mibuzo ya Jehova leyi mu ta nga leletela lezaku yiva mitlhangano ya kubasa: a mibuzo ya mina hi leyi:

Levi 23:21

Ka gwalego siku mu ta ramba mutlhangano lowu wu basileko; mu nga tiri hambu ni ntiro munwe wo tika. Lexi xi tava xileletelo xa kala kupinzuka ka zizukulwana za nwina, ka wontihe matlhelo lawo mu ta nga aka ka wona.

Levi 23:37

Leyi hi yona mibuzo ya Jehova, leyi mu ta nga yi tiyisa a kuva mitlhangano ya kubasa; lezaku ku nyikelwa ka Jehova a miphahlelo ya kuhiswa, ni minyikelo ya zakuga, ni muphahlelo, ni minyikelo ya kunwa; a zilo zinwani ni zinwani zi ta humesiwa hi siku ga zona.

Nahume 1:15

Langutani le hehla ka zitsunga a mikonzo ya loyi a nehako a mahungu yo saseka, loyi a bako nyiwo ya kurula! wena Juda, maha mibuzo ya wena, u tatisa a zifungo za wena, hakuva a wakubiha a nga ta ha hunza hi ka wena i lobyiselwe magumo.