Levi 23:34 - Tshwa Bible

³⁴ Byela a vanana va ka Israeli, uku: Hi siku ga 15 ga hweti ya wuntlhanu ni timbiri, ku tava mutlhangano wa mixaxa, lowu wu mahelwako Jehova lomu ka ntlhanu wa masiku ni mambiri.

Levi 23:34 Mawu Ofanana

1 Tihosi 12:32

Hi hweti ya wu 8, hi siku ga 15, Jeroboamu i lo maha mubuzo wu fananako ni lowu wu mahiwako le tikweni ga ka Juda, a nyikela miphahlelo laha alatini. I lo maha zalezo kambe le Beteli, a nyikela miphahlelo ka marole lawo a ma mahileko. Zonake i lo veka vapristi le Beteli ka wutshamu gi tlakukileko legi a gi akileko. Levi 23:34

1 Tihosi 8:2

Ni vavanuna vontlhe va ka Israeli va lo tsombana le ka hosi Solomoni, le mubuzweni hi hweti ya Etanim, leyi yi nga hweti ya wu 7.

1 Tihosi 8:65

Ka xwalexo xikhati Solomoni ni va ka Israeli vontlhe va lo maha mubuzo; a hlengeletano wa hombe lowu wu humako kusukela tlhelo ga le Hamate kala le xicongwaneni xa le Gipite, va lo tsombana mahlweni ka Jehova Nungungulu wa hina 7 wa masiku, ni manwani 7 wa masiku, ma maha 14 wa masiku.

Ezra 3:4

Va lo maha ni mubuzo wa mixaxa, khwatsi hi lezi ku tsalilweko, ni ku nyikela a minyikelo ya kuhiswa ya siku ni siku hi mamahela ya kona ni nayo wa kona wa fanelo wa siku ni siku. Ekso. 23:16; Levi 23:34

Nehemia 8:14

Va lo kuma na ku tsalilwe lomu nayweni lezi Jehova a nga wa leletele Mosi, lezaku a vanana va ka Israeli va fanele ku tshama lomu mixaxeni loku va maha a mubuzo wa hweti ya wu 7. Ekso. 23:16; Levi 23:34

Eksodusi 23:16

U ta hlayisa ni mutlhangano wa kuhula, wu nga wa mihanzu ya ntiro wa wena wa lezi u byeleko masinwini. Va ta hlayisa ni mutlhangano wa kuhlengeletela, kugumeseni ka lembe, loku u hlengeletele a mitiro ya masimu ya wena.

Eksodusi 34:22

U ta maha a mubuzo wa maviki, wu nga wona wa mavele yo ranga, ni mubuzo wa kutsutsela kumbheleni ka lembe.

Ezekieli 45:25

Hi hweti ya wuntlhanu ni timbiri, hi siku ga 15 ga mubuzo, yi ta maha zalezo a ka masiku ya ntlhanu ni mambiri hi tlhelo ga minyikelo ya kuonha, ni ya kuhiswa, ni ya tinzhoho, ni ya mafura.

Levi 23:33

Jehova i lo wulawula kambe ka Mosi, aku:

Levi 23:42

Lomu ka ntlhanu wa masiku ni mambiri mu ta tshama lomu ka mixaxa ya mahlavu, vontlhe lava va belekilweko ka va ka Israeli va ta tshama lomu mixaxeni.

Levi 23:43

Kasi a vazukulwana va nwina va zi tiva lezaku nzi wa mahile lezaku a vanana va ka Israeli va tshama mixaxeni xikhati lexo nzi nga va humesa le Gipite. Hi mina Jehova, Nungungulu wa nwina.

Mitsengo 29:12

Hi siku ga 15 ga hweti ya 7 mu tava ni mutlhangano wu basileko; mu nga tiri ntiro wo binza ha gona, kanilezi lomu ka 7 wa masiku mu ta mahela Jehova mubuzo. Levi 23:34

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 7:2

Kanilezi a mubuzo wa vaJuda, lowu va nge Mubuzo wa mixaxa, wu wa tshinele. Levi 23:34

Deuteronome 16:16

Wanuna munwe ni munwani i ta ya ti wonekelisa mahlweni ka Jehova Nungungulu wa wena zikhati zinharu hi lembe, laha ka wutshamu lego Jehova a ta nga gi hlawula; lezo hi lezaku mubuzo wa zibaba zi nga hiko na comelo, ni mubuzo wa maviki, ni mubuzo wa mixaxa, kanilezi va nga ti wonekelisi mahlweni ka Jehova na va nga welelangi nchumu;

Deuteronome 31:10

Mosi i lo va leletela, aku: Hi nzhako ka ntlhanu wa malembe ni mambiri, hi xikhati xa lembe ga kutlhatlheka, hi ka mubuzo wa mixaxa,

Maheberu 11:13

Vontlhe lava va lofa kukholweni, na va nga se ku amukela lezi zi tsumbisilweko, kanilezi va wa zi wonile, va zi tsakela na zi hi kule, va ti wula lezaku vapfhumba ni vaenzi laha misaveni. Gen. 23:4; 47:9; Joh. 8:56

Maheberu 11:9

Hi kukholwa i lo maha muluveli tikweni ga xitsumbiso, a ku khwatsi i tiko ga vambe; a tshama lomu matendeni zinwe na Isaka na Jakobe, va nga ziga-tshomba zinwe naye ya xitsumbiso lexo. Gen. 12:8