Levi 23:2 - Tshwa Bible

² Byela a vanana va ka Israeli, uku ka vona: Leyi hi mibuzo ya Jehova leyi mu ta nga leletela lezaku yiva mitlhangano ya kubasa: a mibuzo ya mina hi leyi:

Levi 23:2 Mawu Ofanana

2 Tihosi 10:20

Jehu i te ngalo: Rambani a tlhangano wa hombe wo basa wa Baali. Va lo wu ramba.

1 Kronekele 23:31

Va wa fanele ku nyikela yontlhe minyikelo ya kuhiswa hi masabado ni zikhatini za tihweti tiswa, ni ya mitlhangano, hi tsengo wa kona, khwatsi hi lezi zi leletelweko, lezaku kasi va hi kona mahlweni ka Jehova hi ku simamisilweko.

2 Kronekele 2:3

Solomoni i lo rumela mhaka ka Huramu, a hosi ya le Tire, aku kakwe: Hi nga nzi mahela lezi u nga mahela dadani wa mina Davida—u nzi rumela a tisinya ta sedare, kasi nza fela ku ti akela ha tona a yindlu yo tshama ka yona.

2 Kronekele 30:5

Zinghaho va lo yimisa xikungo lexo xa ku tivisa lomu tikweni gontlhe ga ka Israeli, kusukela le Berexeba kala le Dani, lezaku vata le Jerusalema a ku ta maha Pasika ga Jehova Nungungulu wa ka Israeli, hakuva ku wa hunzile malembe yo tala na va nga yi mahangi, khwatsi hi lezi ku layilweko.

Ezra 3:5

Ni kambe ku lo nyikelwa a munyikelo wa kuhiswa wa masiku, ni wa kuwoneka ka hweti, ni wa mitlhangano yontlhe yi basileko ya Jehova, ni wa munhu ni munhu loyi a ranzako ku phahlela ka Jehova hi matsenya.

Tisimu 81:3

Kuwonekeni ka hweti banani mpunzu, Wu biwa ni xikhatini xa babani, Hi siku ga mubuzo wa hina. Ekso. 12:1; Levi 23:5; Deut. 16:1

Eksodusi 32:5

Makunu laha Aroni a nga wona lezo, i lo aka a alati mahlweni ka role; zonake Aroni i loba hungu, aku ngalo: Manziko ku tava mubuzo wa Jehova.

Isaya 33:20

Languta Zioni, a muti wa mibuzo ya hina! A mahlo ya wena ma ta wona Jerusalema, wuakelo ga kurula; A tenda legi gi to kala gi nga susiwi, Legi a timhingu ta gona ti to kala ti nga kunulwi, Ni tingoti ta gona ti nga ta phewuka, ne ni yinwe.

Mikosi 1:4

A magonzo ma yako Zioni ma rila, hakuva a nga kona a tako hlengeletanweni wa ximuse; A ku na vanhu tinyangweni takwe, a vapristi vakwe va hefemuteka. A vanhwana vakwe va xaniseka, yena wutsumbu i na ni xiviti.

Ezekieli 44:24

Va ta maha valamuli va timhaka, va lamula maringano ni milayo ya mina. Va ta hlayisa a zileletelo za mina ni ziyimiso za mina mibuzweni ya mina yontlhe; va ta basisa a masabado ya mina. Deut. 17:8; 2 Kro. 19:10; Mal. 2:7

Hosea 2:11

Nzi ta mbhetisa a litsako lakwe lontlhe, ni mibuzo yakwe, ni mihlakano ya kuwoneka ka hweti, ni masabado yakwe, ni tihlengeletano takwe tontlhe ta ximuse.

Joeli 1:14

Yimisani a siku ga kuyila, mu ramba a gotsovanyano wa ximuse. Tsombanyisani a zikhosana ni vontlhe a vaaki va tiko lomu ndlwini ya Jehova a Nungungulu wa nwina, mu rila ka Jehova.

Joeli 2:15

Banani a mpunzu le Zioni, mu yimisa a siku ga kuyila, mu ramba a hlengeletano ya ximuse. Mitse. 10:2; Jona 3:5

Levi 23:1

Jehova i lo wulawula ka Mosi, aku:

Levi 23:21

Ka gwalego siku mu ta ramba mutlhangano lowu wu basileko; mu nga tiri hambu ni ntiro munwe wo tika. Lexi xi tava xileletelo xa kala kupinzuka ka zizukulwana za nwina, ka wontihe matlhelo lawo mu ta nga aka ka wona.

Levi 23:37

Leyi hi yona mibuzo ya Jehova, leyi mu ta nga yi tiyisa a kuva mitlhangano ya kubasa; lezaku ku nyikelwa ka Jehova a miphahlelo ya kuhiswa, ni minyikelo ya zakuga, ni muphahlelo, ni minyikelo ya kunwa; a zilo zinwani ni zinwani zi ta humesiwa hi siku ga zona.

Levi 23:4

Leyi hi mibuzo ya Jehova, hi lezaku mitlhangano yi basileko leyi mu to leletela vanhu ha yona hi zikhati za yona:

Levi 23:44

Zonake Mosi i lo tlhamusela ka vanana va ka Israeli leyi mibuzo ya Jehova.

Nahume 1:15

Langutani le hehla ka zitsunga a mikonzo ya loyi a nehako a mahungu yo saseka, loyi a bako nyiwo ya kurula! wena Juda, maha mibuzo ya wena, u tatisa a zifungo za wena, hakuva a wakubiha a nga ta ha hunza hi ka wena i lobyiselwe magumo.

Mitsengo 10:10

Hambu masikwini ya nwina ya kutsaka, ni lomu mibuzweni ya nwina, ni kusanguleni ka hweti, mu taba mipunzu, na mu kari mu nyikela miphahlelo ya kuhiswa ni ya kubonga yi maha lezaku mu alakanyiwa mahlweni ka Nungungulu wa nwina. Hi mina Jehova, Nungungulu wa nwina. Va ka Israeli va andlamuka le Sinai.

Mitsengo 29:39

Lezi hi lezi mu ta nga nyikela ka Jehova lomu ka mibuzo ya nwina, zinwe ni miphahlelo ya zifungo za nwina, ni minyikelo ya kuranza ka nwina, ya kuhiswa, ni ya zakuga, ni ya zakunwa, ni ya kubonga.

Johani 5:1

Anzhako ka lezo ku wa hi ni mubuzo munwani wa vaJuda; Jesu i lo kanziha aya Jerusalema. Levi 23:2; Deut. 16:1

Va le Kolosi 2:1

Hakuva nza ranza lezaku mu yi tiva a yimpi ya hombe leyi nzi mu lwelako yona, nwina ni va le Laodikea, ni vontlhe lava va nga wonangiko a nghohe ya mina,

Va le Kolosi 2:16

Hikwalaho ngha ku nga hi kona munhu a mu lamulako hi kota ya zakuga kutani kunwa, kutani hi siku ga ximuse, kutani hi kuwoneka ka hweti, kutani hi masabado; Rom. 14:3; Gal. 4:10