Levi 23:17 - Tshwa Bible

¹⁷ Mu ta neha zibaba zimbiri za munyikelo wa ku nziwitela, na zi hi lezi zi humako mitini ya nwina, na zi hi za tipimo timbiri ta wukhume ta efa ga mapa yo saseka lezi zi bhikilweko ni comelo; hi yona mihanzu yo ranga ya Jehova.

Levi 23:17 Mawu Ofanana

Nehemia 10:37

Ni ku neha lezi zi hlawulekako za mapa ya hina, ni za minyikelo ya hina ya kunziwitela, ni za mihanzu ya tisinya ta tixaka tontlhe, a vinya, ni mafura, hi zi nyika ka vapristi va nga tikwarutwini ta yindlu ya Nungungulu wa hina; hi nyikela a za wukhume za misava ya hina ka vaLevi, hakuva vona vaLevi va teka za wukhume lomu mitini yontlhe leyi yi nga ni masimu lomu tikweni ga hina. Levi 23:17; Mitse. 15:19

Eksodusi 22:29

U nga hlweli a ku humesa a munyikelo wa mavele ya wena, ni wa vinya ga wena. U ta nzi nyika a matewula ya vana va wena.

Eksodusi 23:16

U ta hlayisa ni mutlhangano wa kuhula, wu nga wa mihanzu ya ntiro wa wena wa lezi u byeleko masinwini. Va ta hlayisa ni mutlhangano wa kuhlengeletela, kugumeseni ka lembe, loku u hlengeletele a mitiro ya masimu ya wena.

Eksodusi 23:19

A mihanzu yo sangula ya tiko ga wena, u ta yi neha ndlwini ya Jehova, Nungungulu wa wena.

Eksodusi 34:22

U ta maha a mubuzo wa maviki, wu nga wona wa mavele yo ranga, ni mubuzo wa kutsutsela kumbheleni ka lembe.

Eksodusi 34:26

A mihanzu yo ranga ya masimu ya wena, u ta yi neha lomu ndlwini ya Jehova, Nungungulu wa wena. U nga dzuki u bhika a ximhutana hi mafi ya nyine wa xona.

Levi 2:12

Mu ta zi neha ka Jehova zinwe ni munyikelo wa mihanzu yo ranga, kanilezi ngha zi nga hiswi laha alatini, khwatsi hi munyikelo wa masema yo nanziha. 2 Kro. 31:5

Levi 23:10

Byela a vanana va ka Israeli, uku ka vona; Loku mu chikela ka tiko legi nzi mu nyikileko, mu taku loku mu tshovela, mu teka a nyanza yo ranga mu heleketa ka mupristi.

Levi 23:18

Mu ta nyikela zibaba, zinwe ni ntlhanu wa ziyivana ni zimbiri za lembe ginwe a wukale, lezi zi nga hiko na bawa, ni role, ni tihamba timbiri ta munyikelo wa kuhiswa wa Jehova, zinwe ni minyikelo ya zakuga ni zakunwa; ziva muphahlo lowu wu hiselwako Jehova, lowu wu nga ni masema yo nuhela ka Jehova.

Levi 7:13

I ta neha kambe a zibaba zi nga ni comelo, zinwe ni xifuyo xa muphahlo wa kurula muphahlweni wakwe wa ku khesa.

Mitsengo 15:17

Jehova i lo wulawula kambe ka Mosi, aku:

Mitsengo 18:12

Nza ku nyika yontlhe mihanzu yo saseka leyi va ta nga neha ka Jehova, ni zontlhe zo saseka za mafura, ni zontlhe zo saseka za vinya, ni mavele.

Mitsengo 18:13

Yontlhe mihanzu yo ranga yi nga lomu tikweni gabye leyi va ta nga neha ka Jehova, yi tava ya wena. Vontlhe lava va hlazekileko lomu ndlwini ya wena Va taga.

Mitsengo 28:26

Ni kambe hi siku ga mihanzu yo ranga, laha mu nyikelako mavele maswa ka Jehova, laha mubuzweni wa nwina wa maviki, mu tava ni mutlhangano wa kubasa; mu nga dzuki mu tira ntiro wo binza ha gona.

Mateu 13:33

I lo kanela munwani mufananiso kabye, aku: A mufumo wa tilo wu fanana ni comelo, lexi a nga xi teka wasati, a xi chela lomo ka zipimo zinharu za mapa, ma kala ma vita wontihe. Lu. 13:20

Va le Roma 8:23

Na ku nga hi lezo ntsena, kanilezi na hinawu, lava hi nga ni mbhanzu wo ranga wa Moya, hina kambe ha keta moyeni na hi kari hi rinzela a ku mahiwa vana, lezo hiku ngalo, a kutirulwa ka miri wa hina. Lu. 20:36; 2 Kor. 5:5

1 Va le Korinte 15:20

Kanilezi futsi Kristu i vukile hi ka vafileko, hi yena matewula ya vona lava va etleleko. Miti. 26:23; 1 Ped. 1:3

Jakobe 1:18

Hi kuranza kakwe i hi belekile hi mhaka ya zinene, kasi hi tava a mihanzu yo rangula ya zivangwa zakwe. Kuv. 14:4; Jer. 2:3; Joh. 1:13

Kuvululelwa 14:4

Lava hi vona va nga kala ku ti nyenyezisa hi vavasati, hakuva va basile; hi lava va lanzako Yivana ni kwihi laha yi yako kona. Va xabyilwe vanhwini a kuva mbhanzo wo ranga ka Nungungulu ni ka Yivana. 2 Kor. 11:2; Jak. 1:18; Xip. 5:9