Levi 23:11 - Tshwa Bible

¹¹ Yena i ta nziwitela a nyanza leyo mahlweni ka Jehova, kasi ma amukeleka; ni mupristi i ta yi nziwitela hi siku gi gamelako ga sabado.

Levi 23:11 Mawu Ofanana

Eksodusi 28:38

Xi tava laha ximombyeni xa Aroni; Aroni i ta rwala a zivi lezi zi ta nga namarela ka zinyikiwo zo basa zi ta nga nehiwa hi vanana va ka Israeli, laha na va neha miphahlo yabye yi basileko. Xi tava ximombyeni xakwe xontlhe xikhati, kasi va amukeleka mahlweni ka Jehova.

Eksodusi 29:24

U ta veka zontlhe lezi mandleni ya Aroni, ni mandleni ya vana vakwe, u zi nziwitela mahlweni ka Jehova;

Levi 10:14

Kasike loku ku hi xifuva lexi xi nziwitelweko, ni nenge lowu wu pambulweko, u taya ziga wutshanwini gi hlazekileko, wena ni vana va wena va xinuna ni va xisati, hakuva mu nyikilwe akuva xiavelo xa wena ni vana va wena, zi humako miphahlweni ya kurula ya vanana va ka Israeli.

Levi 23:10

Byela a vanana va ka Israeli, uku ka vona; Loku mu chikela ka tiko legi nzi mu nyikileko, mu taku loku mu tshovela, mu teka a nyanza yo ranga mu heleketa ka mupristi.

Levi 23:12

A siku lego mu nziwitelako a nyanza mu ta nyikela a hambana yi nga hiko na bawa, ya lembe ginwe a wukale, a kuva munyikelo wo hiselwa Jehova.

Levi 9:21

Kanilezi a zifuva ni nenge wa xinene, Aroni i lo zi nziwitela mahlweni ka Jehova, wu maha munyikelo wa kunziwitela, kota lezi Mosi a leleteleko.

Rute 1:22

Zinghaho Naomi i lo wuya ni katamwane wakwe Rute a muMoabi, na va sukela le Moabi. Va lo chikela Betlehema hi xikhati xa kusangula ka kuhulwa ka sevada.