Levi 22:18 - Tshwa Bible

¹⁸ Byela Aroni ni vana vakwe, ni vontlhe a vanana va ka Israeli, uku ka vona: Kani hi wihi wa yindlu ya ka Israeli, kutani wa valuveli va ka Israeli, loyi a nyikelako ka Jehova a munyikelo wa kuhiswa, wa ku tatisa xifungo lexi a fungileko ka Jehova, hambu ni wihi munyikelo wa kuranza kakwe,

Levi 22:18 Mawu Ofanana

2 Kronekele 31:14

Kore nʼwana Imna a muLevi, a muhlayisi wa nyangwa ya tlhelo ga Muhuma-gambo, i wa hi muhlayisi wa minyikelo leyi yi nyikelwako ka Nungungulu hi liranzo la matsenya, ni ku avela a mihlengo leyi yi nyikelwako ka Jehova ni zilo lezi zi basisilweko nguvu.

Tisimu 116:14

Nzi ta rihela zifungo za mina ka Jehova, Kuwoneni ka vanhu vakwe vontlhe.

Tisimu 116:18

Nzi ta riha zifungo za mina ka Jehova, Kuwoneni ka vanhu vakwe vontlhe,

Tisimu 22:25

Nzi ta ku dumisa gotsovanyweni wa hombe, Nzi ta tatisa zifungo za mina mahlweni ka lava va mu chavako.

Tisimu 56:12

Nungungulu, nzi fanele ku tatisa a zifungo lezi nzi ku maheleko zona; Nzi ta ku humesela a minyikelo ya kubonga.

Tisimu 61:5

Hakuva wena Nungungulu u zwile a zifungo za mina, U nzi nyikile a tshomba ya lava va chavako a vito ga wena.

Tisimu 61:8

Zonake nzi ta dumisa a vito ga wena kala kupinzuka, Kasi nza tatisa a zifungo za mina siku ni siku.

Tisimu 65:1

Nungungulu, u dumiswa hi kurula le Zioni; A zifungo za vanhu zi rihiwa ka wena kona.

Tisimu 66:13

Nzi ta enghena ndlwini ya wena ni minyikelo ya kuhiswa, Nzi ta ku riha a zifungo lezi nzi ku hlambanyileko,

Eksodusi 12:5

Ni yivana a yive ya hamba leyi yi nga lamalangiko, na yi hi ni lembe ginwe; mu ta yi hlawula xikari ka tiyivu kutani xikari ka timbuti.

Mutshawuteli 5:4

Loku u maha xifungo ka Nungungulu, u nga hlweli ku xi tatisa, hakuva yena cima a nga tsakiswi hi zipumbu; tatisa xifungo xa wena. Mitse. 30:3; Deut. 23:21; Tis. 76:11

Levi 1:10

Loku a munyikelo wakwe wu hi wa xifuyo xa xitsongwani, ti nga tiyivu kutani timbuti na ti hi ta munyikelo wa kuhiswa, i ta nyikela ya matsune a nga hiko na bawa.

Levi 1:2

Byela a vanana va ka Israeli, uku kabye: Loku a munwe wa nwina a nyikela ka Jehova a munyikelo, mu ta nyikela a zifuyo lezi za hombe ni lezi za zi tsongwani, wu tava munyikelo wa nwina.

Levi 17:10

Kani hi wihi munhu wa lixaka la ka Israeli, hambu loku a hi muluveli a akileko xikari kabye, a gako ni lihi lixaka la nkhata, nzi ta mu cuwukisa hi mahlo ya makayi, nzi mu susa ka va ka kabye. Deut. 12:16, 23; Miti. 15:20

Levi 17:13

Kani hi wihi munhu wa vanana va ka Israeli, hambu muluveli loyi a nga xikari kabye, loku a khomile xihari hambu xinyanyani xi giwako lomu kuhloteni, yena i ta halata a nkhata wa xona a wu seletela hi misava.

Levi 22:17

Jehova i lo engeta a wulawula ka Mosi, aku;

Levi 23:38

Hehla ka zontlhe lezo mu ta hlayisa masabado ya Jehova, ni ku nyikela ka Jehova a minyikelo yinwani ya nwina, ni miphahlelo yontlhe ya ku tatisa zifungo za nwina, ni minyikelo yontlhe ya kuranza ka nwina.

Levi 7:16

Kanilezi loku muphahlo wu humeswa hi kota ya xifungo, kutani ku mahiwa hi kuranza kakwe ntsena, wu ta giwa gona siku lego va phahlelako ha gona, ni lezi zi ta nga sala zi ta ta giwa a siku gi lanzelako.

Amosi 4:5

Mahani miphahlelo ya kubonga hi lezi zi comelweko, muba nyiwo hi minyikelo leyi yi mahiwako hi kuxuva ka munhu; hakuva mu ranza lezo, nwina vanana va ka Israeli, ku wula Hosi Jehova. Levi 2:11; 7:12

Jona 1:16

A vavanuna lavo va lo mu chava nguvu Jehova, va mu mahela miphahlo ni zifungo.

Jona 2:9

Kanilezi nzi ta ku phahlela hi gezu ga kubonga, Nzi ta humesa lezi nzi zi fungileko. A kuhanyisa kuta hi ka Jehova. Tis. 50:14

Nahume 1:15

Langutani le hehla ka zitsunga a mikonzo ya loyi a nehako a mahungu yo saseka, loyi a bako nyiwo ya kurula! wena Juda, maha mibuzo ya wena, u tatisa a zifungo za wena, hakuva a wakubiha a nga ta ha hunza hi ka wena i lobyiselwe magumo.

Malaki 1:14

Kanilezi a rukiwe a mukhohlisi, loyi a phahlelako hi lexi xi nga ni bawa laha a ti bohako hi xifungo, kasilezo i na ni matsune ntlhambini wakwe! Hakuva mina nzi Hosi ya hombe, ku wula Jehova wa tiyimpi, a vito ga mina ga chaveka xikari ka vamatiko.

Mitsengo 15:3

ku taku loku mu humesa munyikelo ka Jehova, wu mahiwako nzilweni, a muphahlelo wa kuhiswa, kutani muphahlelo wa ku tatisa xifungo, kutani munyikelo wa kuranza ka nwina, kutani hi lomu mibuzweni ya nwina; na mu xuva ku nyikela ka Jehova a masema yo nanziha, hi zifuyo lezi za hombe, kutani hi lezi za zitsongwani; Levi 22:21

Mitiro 18:18

Paule na a tshamile kona a masiku yo tala, i lo onekana ni vamakabye, a famba hi taru aya Siria, zinwe na Prisila na Akwila; na a cingile hloko le Kenkrea, hakuva i wa ti bohile hi kuhlambanya. Mitse. 6:18; Xip. 21:24; Rom. 16:1

Deuteronome 12:17

Laha ngangweni wa wena u ngagi za wukhume za mavele ya wena, ni za vinya ga wena, ni za mafura ya wena, hambu matewula ya tihomu ta wena, ni ya timbuti ta wena, kutani hi xilo lexi u nga xi nyikela hi kuhlambanya, kutani minyikelo ya kuranza ka wena, kutani hi minyikelo ya ku nziwitela leyi yi humileko hi lomu canjeni ga wena, Gen. 9:4; Levi 3:17

Deuteronome 12:6

Mu ta yisa laho a miphahlo ya nwina ya kuhiswa, ni miphahlelo ya nwina, ni za wukhume za nwina, ni miphahlelo ya nwina ya ku nziwitela, ni miphahlo ya zifungo za nwina, ni miphahlo ya kuranza ka nwina, ni matewula ya zifuyo za nwina za hombe ni lezi za zitsongwani.

Deuteronome 16:10

zonake u ta mahela Jehova Nungungulu wa wena a mubuzo wa maviki; u nyikela hi kuranza ka mbilu ya wena, khwatsi hilezi Jehova Nungungulu wa wena a ku katekisileko ha zona.