Levi 21:1 - Tshwa Bible

¹ Jehova i te ngalo ka Mosi: Byela vapristi, a vana va Aroni, uku ka vona: A mupristi ngiia a nga ti nyenyezisi hi kota ya munhu a fileko ka vanhu va ka kabye,

Levi 21:1 Mawu Ofanana

Ezekieli 44:25

Va nga ta ti nyenyezisa hi ku khumba zirumbi; kanilezi a mupristi a nga khumba a xirumbi xa raru wakwe, ni nyine wakwe, ni nʼwana Wakwe, ni nhanyana wakwe, ni nakulobye, ni makabye loyi a kalako a nga se tekwa,

Hosea 5:1

Zwanani a mhaka leyi nwina vapristi, ingisani nwina va yindlu ya ka Israeli, mu kangatela ndleve nwina va yindlu ya hosi, hakuva a lamulelo lowu ngwa nwina; hakuva nwina mu ti mahile a ziyo le Mizpa ni likoka li anekilweko hehla ka Tabora. 1 Tih. 12:32

Levi 19:28

Mu nga ti tlhaveli tihlanga lomu mirini hi kota ya vafileko, hambu ni ku tlhavela madaranganya mimirini ya nwina. Hi mina Jehova.

Levi 21:11

Ngha a nga tshineli ni ka xihi xirumbi, a nga ti nyenyezisi hi kota ya dadani wakwe hambu mamani wakwe.

Malaki 2:1

Makunu a xileletelo lexi xa nwina vapristi.

Malaki 2:4

Zonake mu ta zi tiva lezaku hi mina nzi mu rumeleko a xileletelo lexi, kasi a xivumelwano xa mina na Levi xi fela ku tiya, ku wula Jehova wa tiyimpi. Mitse. 25:12

Mitsengo 19:11

Loye a khumbako xirumbi xa munhu i tava a nga hlazekangi ntlhanu wa masiku ni mambiri.

Mitsengo 19:14

Hi lowu nayo loku munhu a fela lomu tendeni: vontlhe lava va enghenako lomo tendeni, ni vontlhe lava va nga lomo va tava va nga hlazekangi ntlhanu wa masiku ni mambiri.

Mitsengo 19:16

Kasi hi wihi loyi a khumbako a xirumbi xa munhu a delweko hi tlhari le khwatini, kutani xirumbi xa munhu wo ti fela, kutani marambu ya vanhu, kutani xilahla, i tava a nga hlazekangi ntlhanu wa masiku ni mambiri.

Mitsengo 5:2

Laya a vanana ya ka Israeli lezaku va humesa lava va nga ni hlokonho, ni lava va nga ni ntungu wo huma wubovu, hambu ni lava va nyenyezileko hi kota ya zirumbi. Levi 13:46; 15:2; 21:1

Mitsengo 6:6

Ka wontihe masiku lawa a ti hlawuleleko Jehova akuva munazira, a nga dzuki a tshinelela xirumbi;