Levi 20:27 - Tshwa Bible

²⁷ Loku wanuna kutani wasati a ta nga wutisa ka tinguluve, kutani loye a nga xitumbe, va ta dawa, va gandliwa hi maribye; a nkhata wabye wu tava hehla kabye.

Levi 20:27 Mawu Ofanana

2 Kronekele 33:6

Ni kambe i lo enghenisa a vanana vakwe va xinuna nzilweni, le nzhelelweni wa vanana va ka Hinome. I lo ti nyiketela ka vanyamusolo, ni ka vangoma, ni ka zitumbe, a hlengela zinwe ni lava va mimoya yo biha ni yaloyi; i lo maha kubiha ko hunzeleta mahlweni ka Jehova, a mu zangarisa.

Eksodusi 22:18

U nga tsiki a xitumbe xa wasati xi hanya.

Levi 19:31

Mu ngayi ka zitumbe ni ka vangoma, mu nga dzuki mu wutisa nchumu ka vona, kasi va nga mu nyenyezisi. Hi mina Jehova, Nungungulu wa nwina. 1 Sam. 28:7; Isa. 8:19

Levi 20:2

Engeta u byela a vanana va ka Israeli, uku ka vona: Kani hi wihi xikari ka vanana va ka Israeli, hambu xikari ka valuveli lava va luvelako lomu ka va ka Israeli, loye a nyikelako a nwanana wakwe ka Moloki a ku mu maha munyikelo, hakunene i ta dawa: a vanhu va tiko va ta mu gandla hi maribye.

Levi 20:6

Loku munhu aya ka zitumbe ni ka vangoma, a bhaya zinwe navo, nzi ta mu cuwukisa hi mahlo ya makayi, nzi mu susa ka va ka kabye.

Levi 24:14

Humesa murukateli loye lahandle ka wugovelo, kasi vontlhe lava va nga muzwa va ta tlhateka mandla yabye hehla ka hloko yakwe, zonake wontihe ntlhangano wu ta mu gandla hi maribye.

Mitsengo 15:35

Jehova i te ngalo ka Mosi: Loyi munhu i ta dawa; a tlhangano wontihe wu ta mu gandla hi maribye lahandle ka wugovelo.

Mitiro 16:16

Ku te laha hi nga kari hi famba wutshanwini ga kukhongela, hi lo tlhangana ni nhwana wo kari wa khumbi, loyi a nga hi ni moya wa kuvumba, a nga bhinzulela nguvu a venyi vakwe hi kuvumba. 1 Sam. 28:7; Xip. 19:24

Deuteronome 21:21

Ni vontlhe vavanuna va muti va ta mu gandla hi maribye afa; hi ku maha lezo u ta susa kubiha xikari ka wena, zonake vontlhe va ka Israeli va ta zizwa va chava.

1 Samueli 28:3

Makunu lexo xikhati Samueli i wa file, ni vontlhe va ka Israeli va wa mu rilile, va mu lahla le Rama lomu mutini wakwe. Saule i wa hlongole vamandiki ni zitumbe lomu tikweni. Ekso. 22:18; Levi 19:31