Levi 20:2 - Tshwa Bible

² Engeta u byela a vanana va ka Israeli, uku ka vona: Kani hi wihi xikari ka vanana va ka Israeli, hambu xikari ka valuveli lava va luvelako lomu ka va ka Israeli, loye a nyikelako a nwanana wakwe ka Moloki a ku mu maha munyikelo, hakunene i ta dawa: a vanhu va tiko va ta mu gandla hi maribye.

Levi 20:2 Mawu Ofanana

1 Tihosi 11:7

Zonake Solomoni i lo aka a ganzelo ga Kemoxe, a manyala ya maMoabi, ni ginwe ga Moloki, a manyala ya vanana va ka Amoni, le wutshanwini gi tlakukileko le xitsungeni lexi xi cuwukeneko ni Jerusalema. Mitse. 21:29

2 Tihosi 17:17

Va lo hisa vafana vabye ni vanhanyana vabye lomu minzilweni, va ti nyiketela kuvumbeni ni wuloyini, ni ku maha lezi zi bihileko mahlweni ka Jehova, va mu zangarisa. Levi 18:21; Deut. 18:10

2 Tihosi 23:10

A hosi yi lo nyenyezisa Tofeti legi gi nga le koveni wa vanana va ka Hinome, kasi a ngave kona munhu a ta nga hisa a nʼwana wakwe wa mufana kutani wa nhanyana laha nzilweni wa Moloke. Levi 18:21; Jer. 7:31

2 Kronekele 28:3

Ni kambe i lo hisa a tibani le nkoveni wa nʼwana Hinome, a hisa a vanana vakwe laha nzilweni, a lanzela mahanyela ya matiko lawa Jehova a nga ma hlongola mahlweni ka va ka Israeli. Deut. 18:10; Jer. 7:30

2 Kronekele 33:6

Ni kambe i lo enghenisa a vanana vakwe va xinuna nzilweni, le nzhelelweni wa vanana va ka Hinome. I lo ti nyiketela ka vanyamusolo, ni ka vangoma, ni ka zitumbe, a hlengela zinwe ni lava va mimoya yo biha ni yaloyi; i lo maha kubiha ko hunzeleta mahlweni ka Jehova, a mu zangarisa.

Tisimu 106:38

Va halata nkhata wu nga hiko na nanzu, A nkhata wa varisanyana ni vanhwana vabye; Va phahlela ha vona ka zifananiso za le Kanani, Ni tiko gi nyenyeziswa hi nkhata. Mitse. 35:33

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Jeremia 7:31

A matshamu ma tlakukileko ya Tofeti va ma akile lomu nkoveni wa nʼwana wa Hinome, kasi ku hisela kona a vafana ni vanhanyana vabye hi nzilo; lezo cima na nga layangiko, ne ni ku zi alakanya. Levi 18:21; 2 Tih. 23:10

Ezekieli 20:26

nzi lo va nyenyezisa hi minyikelo yabye, laha va nga hisa hi nzilo wontihe a matewula, lezaku va dzuka va chava, kasi va fela ku zi tiva lezaku hi mina Jehova. 2 Kro. 33:6

Ezekieli 20:31

Laha na mu nyikela a zinyikiwo za nwina, mu hisa a vana va nwina hi nzilo, ma ha ti nyenyezisa hi zifananiso zontlhe za nwina kala nyamutlha. Nzi nga vumela ku wutisiwa hi nwina, va yindlu ya ka Israeli ke? Nza hlambanya hi kuhanya ka mina, a nzi vumeli ku wutisiwa hi nwina, ku wula Hosi Jehova.

Ezekieli 23:37

Hakuva va bhayile, a nkhata wu namarela mandleni yabye, va bhayile ni zifananiso zabye; ni vana vabye lava va nga nzi belekela, va va nyikele, a kuva kuga ka zona,

Ezekieli 23:39

hakuva a siku gwalego va nga wa dayele zifananiso a vana vabye, va lota ndlwini ya mina yo basa va ta yi nyenyezisa; hizalezo va nga mahisa zona ndlwini ya mina.

Levi 17:13

Kani hi wihi munhu wa vanana va ka Israeli, hambu muluveli loyi a nga xikari kabye, loku a khomile xihari hambu xinyanyani xi giwako lomu kuhloteni, yena i ta halata a nkhata wa xona a wu seletela hi misava.

Levi 17:15

Kani hi wihi munhu loyi a nga xisumbulwa lomu tikweni, hambu muluveli, loku aga a xihari xofa, kutani xo dawa hi zivanza, yena i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni; zonake i tava a hlazekile.

Levi 17:8

U ta va byela ku ngalo: Kani hi wihi munhu wa lixaka la ka Israeli, hambu muluveli loyi a akileko xikari kabye, a nyikelako a munyikelo wa kuhiswa, kutani muphahlo,

Levi 18:21

U nga nyikeli a vana va wena va mahiwa muphahlo ka Moloki. U nga nyenyezisi a vito ga Nungungulu wa wena. Hi mina Jehova.

Levi 20:1

Jehova i lo wulawula ka Mosi, aku:

Levi 20:27

Loku wanuna kutani wasati a ta nga wutisa ka tinguluve, kutani loye a nga xitumbe, va ta dawa, va gandliwa hi maribye; a nkhata wabye wu tava hehla kabye.

Levi 24:14

Humesa murukateli loye lahandle ka wugovelo, kasi vontlhe lava va nga muzwa va ta tlhateka mandla yabye hehla ka hloko yakwe, zonake wontihe ntlhangano wu ta mu gandla hi maribye.

Levi 24:16

Loyi a rukatelako a vito ga Jehova i ta dawa; wontihe ntlhangano wu ta mu gandla hi maribye. Hambu loku a hi muluveli, kutani xisumbulwa, loku a rukatela a Vito ga Nungungulu, i tafa.

Levi 24:23

Hilezo Mosi i lo byela a vanana va ka Israeli; va humesa lahandle ka wugovelo a munhu loyi a nga rukatela, kasi vaya mu gandla hi maribye. A vanana va ka Israeli va lo maha kota lezi Jehova a leleteleko Mosi.

Mitiro 7:43

Kasi mu rwele a tabernakeli ga Moloki, Ni nyeleti ya mingungulu Refani, Yi nga mifananiso leyi mu nga yi maha a ku yi khozela. Hikwalaho nzi ta mu yisa le Babuloni.

Deuteronome 12:31

U nga mahi zo kota lezo ka Jehova Nungungulu wa wena; hakuva zontlhe lezi va mahelako vanungungulu vabye zinyenyeko mahlweni ka Jehova lezi a zi vengako; hakuva hambu ni varisanyana vabye ni vanhanyana vabye va va hisile nzilweni ku maha miphahlelo ya vanungungulu vabye.

Deuteronome 17:2

Loku a hi kona munhu ka munwe wa miti leyi Jehova Nungungulu wa wena a ku nyikileko yona, kutani ngwanuna, kutani ngwasati, a mahako kubiha mahlweni ka Jehova Nungungulu wa wena hi ku hambunyeta xivumelwano xa yena,

Deuteronome 18:10

Ngha ku nga kumiwi ni munhu munwe ka wena loyi a nyikelako nʼwana wakwe kutani nhanyana wakwe laha nzilweni, ni loyi a tirako wutumbe, kutani mungoma, ni mulori,

Deuteronome 21:21

Ni vontlhe vavanuna va muti va ta mu gandla hi maribye afa; hi ku maha lezo u ta susa kubiha xikari ka wena, zonake vontlhe va ka Israeli va ta zizwa va chava.

Deuteronome 22:21

va ta mu humesa laha nyangweni ya yindlu ya raru wakwe, zonake a vanhu va muti wabye va ta mu gandla hi maribye, kala afa, hakuva i mahile a zilo zo nyenyeza nguvu ka Israeli hi ku bhaya lomu ndlwini ka raru wakwe. Hikwalaho u ta susa kubiha xikari ka nwina.