Levi 2:10 - Tshwa Bible

¹⁰ Lezi zi seleko ka munyikelo, za Aroni ni vana vakwe; zilo lezi zi basileko nguvu xikari ka miphahlo leyi yi hiselwako Jehova.

Levi 2:10 Mawu Ofanana

2 Kronekele 31:14

Kore nʼwana Imna a muLevi, a muhlayisi wa nyangwa ya tlhelo ga Muhuma-gambo, i wa hi muhlayisi wa minyikelo leyi yi nyikelwako ka Nungungulu hi liranzo la matsenya, ni ku avela a mihlengo leyi yi nyikelwako ka Jehova ni zilo lezi zi basisilweko nguvu.

Ezra 2:63

A mufumeli wabye i lo va byela lezaku va ngagi a zilo zi basisilweko kala a siku lego ku ta nga humelela a mupristi loyi a ta nga yima na khomile Urima ni Tumima. Ekso. 28:30; Mitse. 27:21

Ezekieli 44:29

Va taga a minyikelo ya tinzhoho, ni miphahlo ya kuonha ni ya milanzu; zontlhe a zilo zi yilisilweko ka Israeli zi tava zabye.

Ezekieli 46:20

Aku ka mina: Legi hi wutshamu a vapristi va ta nga bhikela kona a minyikelo ya milanzu ni ya kuonha, ni ya tinzhoho, kasi va nga humi nazo le hubyeni ya lahandle, zi ya basisa vanhu.

Levi 10:12

Mosi i lo wulawula ka Aroni, na Eliazare, ha Itamare, a vana vakwe lava va seleko, aku: Tekani lezi zi seleko za muphahlo wa zakuga, ka miphahlo ya ku hiselwa Jehova, muga na zi nga hi na comelo, mu gela kusuhani ni alati, hakuva zi basile nguvu.

Levi 14:13

Zonake i ta tlhava a hambana laha ka wutshamu legi va Chavelako ka gona a muphahlelo wa kuonha ni munyikelo wa kuhiswa, laha ka wutshamu ga kubasa; hakuva a muphahlo wa milanzu ngwa mupristi, kota muphahlo wa kuonha; a zilo lezi zi basile nguvu.

Levi 2:3

Lezi zi seleko ka munyikelo, za Aroni ni vana vakwe. Zilo lezi zi basileko nguvu xikari ka miphahlelo leyi yi hiselwako Jehova.

Levi 21:22

Hakunene yena i taga a zibaba za Nungungulu wakwe, a zilo zi basileko nguvu, ni lezi zo basa;

Levi 5:13

A mupristi i ta maha a nzhiho wa xionho xa munhu loye, a nzhiho wa nanzu lowu a wu mahileko wa xinwe xa lezi zi wulilweko, zonake i ta tsetselelwa. A mapa lawa ma salako ma tava ya mupristi, khwatsi hi lezi zi mahiwako ka miphahlelo ya zakuga.

Levi 6:16

Lezi zi to sala zi ta giwa hi Aroni ni vana vakwe. Va ta ziga ni zibaba zi nga comelwangiko wutshanwini go basa, lomu hubyeni ya tabemakeli ga mutlhangano.

Levi 6:23

Hakuva a minyikelo yontlhe ya zakuga ya vapristi, yi ta hiswa yontlhe, yi nga dzuki yi giwa.

Levi 6:9

Leletela Aroni ni vana vakwe, uku ka vona: Lowu hi nayo wa munyikelo wa kuhiswa: A munyikelo wa kuhiswa wu ta tshama khombarini ga alati wusiku gontlhe kala gica, na nzilo wu kari wu vura.

Levi 7:7

A muphahlo wa milanzu wa fanana ni muphahlo wa kuonha; a nayo wa kona munwe. A xifuyo xa muphahlo xi tava xa mupristi loye a nga maha nzhiho ha xona.

Mitsengo 18:9

A xikari ka zilo lezi zi basileko, ahandle ka lezi zi hisiwako, a za wena hi lezi: hi minyikelo yabye yontlhe, ni minyikelo yabye ya zakuga, ni miphahlo yontlhe ya kuonha, ni miphahlo yontlhe ya milanzu, leyi va ta nga maha minzhiho ka mina; zontlhe zilo lezi zi basileko nguvu zi tava za wena ni vana va wena.

1 Samueli 2:28

Nzi wuya nzi mu hlawula xikari ka tontlhe tixaka ta ka Israeli lezaku a maha mupristi wa mina ni kuva a phahlela le alatini ga mina, ni ku hisa tibani to nuhela, ni ku ambala a efode mahlweni ka mina. Xana a nzi nyikangi ka yindlu ya raru wa wena yontlhe miphahlelo leyi yi hiswako hi va ka Israeli ke?