Levi 19:32 - Tshwa Bible

³² U ta suka u yima mahlweni ka lava va basileko wuvu, u nyika xichawo ka munhu wa hombe, u chava Nungungulu wa wena. Hi mina Jehova.

Levi 19:32 Mawu Ofanana

Genesisi 31:35

Zonake Rakeli i te ngalo ka raru wakwe: Ngha a hosi ya mina yi nga zangari loku nzi nga suki nzi yima mahlweni ka wena; hi lezaku nzi lomu ka mukhuwo wa vavasati. Yena i lo lavisisa kanilezi a nga ma kumangi a materafime lawo.

Genesisi 48:12

Zonake Josefa i lo va susa marumbini ya raru wakwe, i lo khizama lahasi a ti koramisa.

1 Tihosi 2:19

Zonake Batexeba i loya ka hosi Solomoni a ya wulawulela Adonija. A hosi yi lo suka yi mu khinga, yi ya korama mahlweni ka yena, zonake yi lo tshama xitshanwini xa yona xa wukosi, yi rumisa lezaku ku bekiwa xinwani xitshamu xa wukosi xa mamani wa hosi, zonake Batexeba a tshama hi le canjeni gakwe ga xinene.

2 Tihosi 17:36

Kanilezi mu ta khozela Jehova loyi a mu humesileko tikweni ga le Gipite hi ntamu wa hombe ni canja gi nawulutilweko; hi yena mu to khizama mahlweni kakwe, mu nyikela miphahlelo kakwe.

Joba 32:4

Makunu Elihu i lo hlwela ku hlamula, hakuva va wa mu hunza hi malembe.

Joba 32:6

Zonake Elihu nʼwana Barakeli, a muBuzi, i lo hlamula, aku: Mina nzi muswa, nwina mu khosahele; Hi lexo xi nga nzi chavisa, A kuva nzi mu humesela ka mi na kupima.

Mavingu 16:31

A hloko ya wuvu xidlodlo xa wudzunzo, i kumeka tindleleni ta kululama.

Mavingu 20:29

A wudzunzo ga majaha hi ntamu wabye; i wumbhuri ga zikhosana hi hloko ya wuvu.

Mavingu 23:22

Ingisa a raru wa wena loyi a ku belekileko, nga hanyisi a nyine wa wena loku a khosahele.

Isaya 3:5

A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

Mikosi 5:12

A tihosana ti hayekilwe hi mawoko ya tona, A tinghohe ta masingalakati a ti chabyiwangi. Deut. 28:50

Levi 19:14

U nga rukateli xiwiri; hambu ni ku veka a xikhunguvanyiso mahlweni ka xikhumu; kanilezi u ta chava Nungungulu wa wena. Hi mina Jehova.

Va le Roma 13:7

Nyikani ka vontlhe lezi zi va faneleko: a khupo ka loyi a faneleko ku khupelwa; a nzhuvo ka loyi a faneleko ku lubyiwa; mu chava loyi a faneleko ku chabyiwa, mu dzunza loyi a faneleko ku dzunziwa. Levi 19:3; Lu. 20:25

1 Timote 5:1

U nga honokeli munhu wa kale, kanilezi mu khongotele khwatsi i dadani; a majaha ma khongotele khwatsi mbanakuloni; Levi 19:32

1 Pedro 2:17

Dzunzani vanhu vontlhe, mu ranza vamakabye; chavani Nungungulu, mu dzunza hosi ya tiko.