Levi 19:31 - Tshwa Bible

³¹ Mu ngayi ka zitumbe ni ka vangoma, mu nga dzuki mu wutisa nchumu ka vona, kasi va nga mu nyenyezisi. Hi mina Jehova, Nungungulu wa nwina. 1 Sam. 28:7; Isa. 8:19

Levi 19:31 Mawu Ofanana

2 Tihosi 17:17

Va lo hisa vafana vabye ni vanhanyana vabye lomu minzilweni, va ti nyiketela kuvumbeni ni wuloyini, ni ku maha lezi zi bihileko mahlweni ka Jehova, va mu zangarisa. Levi 18:21; Deut. 18:10

2 Tihosi 21:6

I lo hisa a nʼwana wakwe nzilweni, a namarela wutumbeni ni wuloyini, a yimisa vangoma ni vavumbi, a maha kubiha ko hunzeleta mahlweni ka Jehova, a mu zangarisa. Levi 18:21; 19:26; Jer. 32:35

2 Tihosi 23:24

Ni kambe Josia i lo hlongola vangoma, ni zitumbe, ni materafime, ni zifananiso za vanungungulu, ni wontihe manyala lawa ma wonilweko lomu tikweni ga ka Juda ni ga Jerusalema, kasi ku tiyisa a timhaka ta nayo leti ti tsalilweko lomu bhukwini legi mupristi Hilkia a gi thumbileko lomu ndlwini ya Jehova. Levi 19:31; Deut. 18:10; Isa. 8:19

1 Kronekele 10:13

Zinghaho Saule i lofa hi kota ya zionho zakwe lezi a nga onhela ha zona Jehova, hi kota ya gezu ga Jehova legi a nga kala ku gi hlayisa a vitana a mufi ku ta mu byela timhaka. 1 Sam. 15:10

2 Kronekele 33:6

Ni kambe i lo enghenisa a vanana vakwe va xinuna nzilweni, le nzhelelweni wa vanana va ka Hinome. I lo ti nyiketela ka vanyamusolo, ni ka vangoma, ni ka zitumbe, a hlengela zinwe ni lava va mimoya yo biha ni yaloyi; i lo maha kubiha ko hunzeleta mahlweni ka Jehova, a mu zangarisa.

Eksodusi 22:18

U nga tsiki a xitumbe xa wasati xi hanya.

Isaya 29:4

U ta koramiswa, a gezu ga wena gi ta humela hasi; A timhaka ta wena ti ta huma hi gome ntshurini, A gezu ga wena gi ta fanana ni legi ga xiruti, gi huma misaveni; Gi huma ntshurini khwatsi hi loyi a nʼununʼutako.

Isaya 47:13

U ti karatile hi kuya tinʼangeni tinyingi, Lava va pimako hi matilo, ni laʼva cuwukako tinyeleti, Ni lava va vumbako xikhatini xa hweti yiswa, A va ku ponise ka lezi zi ta nga humelela ka wena.

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

Levi 19:26

Mu ngagi a zilo lezi zi nga ni nkhata. Mu nga mahi wutumbe, hambu ni ku hlahluva. Miti. 15:20

Levi 19:3

Loyi ni loyi a chave a mamani wakwe ni dadani wakwe; ni lezaku a hlayisa masabado ya mina. Hi mina Jehova, Nungungulu wa nwina.

Levi 20:27

Loku wanuna kutani wasati a ta nga wutisa ka tinguluve, kutani loye a nga xitumbe, va ta dawa, va gandliwa hi maribye; a nkhata wabye wu tava hehla kabye.

Mitiro 8:11

Va wa mu ingisa hakuva i wa va hlamalisile a xikhati xa hombe hi wungoma gakwe.

Va le Galatia 5:20

Ni ku khozela vanungungulu va hava, a wutumbe, a wulala, a timholova, a xiluse, a zanga, a kubangana, a kuhambana, a kukanetana,

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

1 Samueli 28:3

Makunu lexo xikhati Samueli i wa file, ni vontlhe va ka Israeli va wa mu rilile, va mu lahla le Rama lomu mutini wakwe. Saule i wa hlongole vamandiki ni zitumbe lomu tikweni. Ekso. 22:18; Levi 19:31