Levi 19:3 - Tshwa Bible

³ Loyi ni loyi a chave a mamani wakwe ni dadani wakwe; ni lezaku a hlayisa masabado ya mina. Hi mina Jehova, Nungungulu wa nwina.

Levi 19:3 Mawu Ofanana

Genesisi 48:12

Zonake Josefa i lo va susa marumbini ya raru wakwe, i lo khizama lahasi a ti koramisa.

Nehemia 9:14

u va maha va tiva a sabado ga wena go basa, u va nyika zileletelo, ni ziyimiso, ni milayo hi canja ga nanza ga wena Mosi.

Eksodusi 16:29

Tivani lezaku Jehova i mu nyikile sabado, hi zalezo a mu nyikako a zibaba za masiku mambiri ka siku ga wuntlhanu ni ginwe. Munwe ni munwani a tshame kaya, ngha a nga hi kona munhu a humako laha mutini hi siku ga wuntlhanu ni mambiri. Gen. 2:3; Ekso. 20:8

Eksodusi 20:12

Chava raru wa wena ni nyine wa wena, kasi a masiku ya wena ma ta engetelwa tikweni legi u nyikilweko hi Jehova, Nungungulu wa wena. Mat. 15:4; Mar. 7:10; Efe. 6:2

Eksodusi 20:8

Alakanya a siku ga sabado ku gi basisa. Jer. 17:21; Ezek. 20:12

Eksodusi 21:15

Loye a bako raru wakwe kutani nyine wakwe, i ta dawa.

Eksodusi 21:17

Loye a rukatelako a raru wakwe kutani nyine wakwe, i ta dawa. Levi 20:9; Mav. 20:20; Mat. 15:4

Mavingu 1:8

Nwananga, zwana gonziselelo ya dadani wa wena, nga tsiki a nayo wa nyine wa wena:

Mavingu 23:22

Ingisa a raru wa wena loyi a ku belekileko, nga hanyisi a nyine wa wena loku a khosahele.

Mavingu 30:11

Li kona lixaka li rukako dadani wa lona, i nga dzunziko nyine wa lona.

Mavingu 30:17

A tihlo ga munhu loyi a tseketselako dadani wakwe, i nga vumeliko ku ingisa a nyine wa gona, xikunguwa xa nkova xi ta gi xokola, i mavinyani ya gama ma ta giga. Deut. 27:16

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Ezekieli 20:12

Tlhatakumbiri nzi lo va nyika a masabado ya mina, mava xikombiso xikari ka mina na vona, kasi va fela ku zi tiva lezaku hi mina Jehova nzi va basisako.

Levi 11:44

Hakuva hi mina Jehova, Nungungulu wa nwina; hikwalaho mu ta ti basisa, muva lava va basileko, hakuva mina nzi basile. Mu nga ti nyenyezisi mimiri ya nwina hi ziharana lezi zi kokakokako laha misaveni. 1 Ped. 1:16

Levi 19:25

Hi lembe ga wuntlhanu, nwina mu taga mihanzu ya kona, kasi tisinya ti fela ku mu pswalela mihanzu yinyingi. Hi mina Jehova, Nungungulu wa nwina.

Levi 19:30

Mu ta hlayisa masabado ya mina; mu hi ni xichavo hi wutshamu ga mina ga kubasa. Hi mina Jehova.

Levi 19:31

Mu ngayi ka zitumbe ni ka vangoma, mu nga dzuki mu wutisa nchumu ka vona, kasi va nga mu nyenyezisi. Hi mina Jehova, Nungungulu wa nwina. 1 Sam. 28:7; Isa. 8:19

Levi 19:34

A muluveli loyi a akileko xikari ka nwina, i tava xisumbulwa, a maha munwe wa nwina; u ta mu ranza kota lezi u ti ranzako wena; hakuva nwinawu mu wa hi valuveli tikweni ga le Gipite. Hi mina Jehova, Nungungulu wa nwina.

Levi 23:3

Ku ta tiriwa ntlhanu wa masiku ni ginwe; kanilezi hi siku ga wuntlhanu ni mambiri i sabado go humula, ga mutlhangano wu basileko; mu nga tiri ntiro ha gona. I sabado ga kubasa ga Jehova lomu mitini ya nwina yontlhe. Deut. 5:12; Lu. 13:14

Levi 26:2

Mu ta hlayisa a masabado ya mina, mu chava wutshamu ga mina ga kubasa. Hi mina Jehova.

Malaki 1:6

A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Deuteronome 27:16

Khombo a give ka loye a nyenyako a raru wakwe, kutani mamani wakwe! A vanhu vontlhe va ta hlamula, vaku: Amen! Mav. 20:20; Mat. 15:4

Deuteronome 5:16

Chava raru wa wena ni nyine wa wena, kota lezi Jehova Nungungulu wa wena a ku leleteleko, kasi a masiku ya wena ma ta engetelwa, mu katekiswa laha misaveni leyi Jehova Nungungulu wa wena a ku nyikileko.

Maheberu 12:9

Tlhatakumbiri, hi wa hi ni vadadani va nyama lava va nga hi tsayisa, hi wa hi ni xichawo ha vona; xana ngha hi nga ingisi a Dadani wa mimoya, a kuva hi hanya ke? Mitse. 27:16