Levi 19:19 - Tshwa Bible

¹⁹ Nwina mu ta hlayisa zileletelo za mina. U nga vumeli xifuyo xa wena xi kanzihiwa hi linwani lixaka. U nga byali timbewu ta tixaka timbiri sinwini ga wena. U nga ambali a nguwo leyi yi lukilweko hi tixaka ti hambeneko.

Levi 19:19 Mawu Ofanana

Genesisi 36:24

A vana va Zibeoni hi lava: Aya na Ana. Hi yena Ana loyi a nga kuma tihlowo ta mati yo kufumela le xiwuleni na a kari a risa timbongola ta raru wakwe Zibeoni.

2 Samueli 13:29

A malanza ya Absalome ma lo maha ka Amnoni khwatsi hi lezi a va leleteleko; zonake a vana va hosi va lo suka, loyi ni loyi a ti khilelela a mula gakwe, va tsutsuma.

2 Samueli 18:9

Absalome i lo tlhangana ni malanza ya Davida na khilele mbongola, kanilezi a mbongola yi lo enghena hi laha maravini yo khwela ya nkuhlu ya hombe, a hloko ya Absalome yi si khwekela laha ka nkuhlu a cikita laha xikari ka tilo ni misava, a mbongola leyi yi nga hi lahasi kakwe yi si simama yi famba.

1 Tihosi 1:33

A hosi yi te ngalo kabye: Fambani mu ya teka malanza ya hosi ya nwina, mu khilelisa a nʼwana wa mina Solomoni hehla ka mula ya mina, mu mu heleketa le Gihoni.

Ezra 2:66

Ni kambe va wa hi ni 736 wa mahaxi, ni 245 wa mamula,

Levi 18:4

Mu ta ingisa zileletelo za mina, mu lanzela milayo ya mina, mu famba ha yona. Hi mina Jehova, Nungungulu wa nwina.

Levi 19:37

Mu ta hlayisa milayo yontlhe ya mina ni zileletelo zontlhe za mina, mu zi maha. Hi mina Jehova.

Levi 20:8

Mu ta hlayisa milayo ya mina, mu yi maha. Hi mina Jehova loyi a mu basisako.

Levi 22:31

Hikwalaho hlayisani milayo ya mina mu yi ingisa. Hi mina Jehova.

Levi 25:18

Mu ta hlayisa milayo ya mina, mu ingisa zileletelo za mina, mu zi maha; zonake mu ta aka lomu tikweni hi kurula.

Luka 5:36

I lo engeta a wula mufananiso ka vona, aku: A ku na munhu a hanzulako a xitiva ngubyeni yiswa, a xi rungela ngubyeni ya kale; hakuva a xitiva xiswa xi ta hanzula leyi ya kale, ni kambe xi nga ta vumelana ni nguwo ya kale. Mat. 9:16, 17; Mar. 2:21, 22

Va le Roma 11:6

Kanilezi loku ziya hi tipswalo, a za hayi hi mitiro; hakuva loku zi hi tano a tipswalo a ta hi tipswalo. Deut. 9:4, 5

Deuteronome 4:1

Makunu, Israeli, ingisa milayo ni zileletelo lezi nzi mu gonzisako, lezaku mu zi maha, kasi mu fela ku hanya, mu ya enghena mu fumela a tiko legi Jehova Nungungulu wa vararu va nwina a mu nyikako gona.

Deuteronome 4:5

Langutani, nzi mu gonzisile milayo ni zileletelo, kota lezi Jehova Nungungulu wa mina a nzi leleteleko, kasi nwina ma fela ku lanzela yona ka tiko legi mu yako mu ya fumela gona.