Levi 19:14 - Tshwa Bible

¹⁴ U nga rukateli xiwiri; hambu ni ku veka a xikhunguvanyiso mahlweni ka xikhumu; kanilezi u ta chava Nungungulu wa wena. Hi mina Jehova.

Levi 19:14 Mawu Ofanana

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

Nehemia 5:15

Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

Tisimu 111:10

A kuchava Jehova hi masangulo ya wutlhari, Vontlhe va ku gongako va na ni kupimisisa kunene. A kudumisiwa kakwe ku simamisa kala kupinzuka. Joba 28:28; 1 Tim. 4:8

Levi 19:15

Mu nga hambanyisi nongameto laha kulamuleni ka nwina; u nga cuwuki a nghohe ya xisiwana, hambu ku yimela a wahombe; kanilezi lamula muakelani wa wena hi nongameto.

Levi 19:32

U ta suka u yima mahlweni ka lava va basileko wuvu, u nyika xichawo ka munhu wa hombe, u chava Nungungulu wa wena. Hi mina Jehova.

Levi 25:17

Ngha a nga hi kona loyi a kalavelako a muakelani wakwe; kanilezi chava Nungungulu wa wena; hakuva hi mina Jehova, Nungungulu wa nwina.

Va le Roma 12:14

Va katekiseni lava va mu xanisako; katekisani, mu nga rukateli. 1 Ped. 3:9

Va le Roma 14:13

Hikwalaho ngha hi nga ha lamulani. Kanilezi lamulani lezaku munhu a nga veki xikhunguvanyiso ndleleni ya makabye wakwe, kutani xilo xo mu wisa. 1 Kor. 8:9

1 Va le Korinte 10:32

Mu nga mahi xikhunguvanyiso ka vaJuda, hambu ka vaGreki, kutani bandleni ga Nungungulu;

Deuteronome 27:18

Khombo a give ka loyi a hambukisako xikhumu laha ndleleni ya xona! A vanhu vontlhe va ta hlamula, vaku: Amen!

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11

1 Pedro 2:17

Dzunzani vanhu vontlhe, mu ranza vamakabye; chavani Nungungulu, mu dzunza hosi ya tiko.

Kuvululelwa 2:14

Kanilezi nzi na ni zisolo zinwani ha wena, hakuva laho u na ni vanwani lava va namarelako a gonzo ya Balami, loyi a nga gonzisa Balaki a ku veka xikhunguvanyiso mahlweni ka vanana va Israeli, lezaku vaga zakuga lezi zi phahlelweko zifananisweni, ni ku bhaya. Mitse. 25:1; Miti. 15:29; 1 Kor. 8:9