Levi 19:13 - Tshwa Bible

¹³ U nga tsimbeketi wakelene na wena, ni ku phanga a zilo zakwe. U nga hlweli ni hakhelo ya xitiri kala ku chikela manziko.

Levi 19:13 Mawu Ofanana

Joba 17:5

Loyi a nyikelako a maxaka yakwe a kuva ma phangiwa, A mahlo ya vana vakwe ma ta mbhela.

Joba 31:39

Loku nzi gile mihanzu ya gona na nzi nga gi xavangi, Ni loku nzi mahile a venyi va gona va lahlekelwa hi wutomi,

Joba 7:2

Khwatsi hi khumbi yi navelako a nzhuti, Ni xitiri xi xuvako hakhelo ya ntiro wa xona.

Eksodusi 20:15

U nga yivi.

Eksodusi 22:13

Loku xi delwe hi zivanza, i ta humesa lezi zi seleko, kasi ku maha wumboni; yena a nga ta rihela lexi xi delweko hi xivanza.

Eksodusi 22:15

Kasike loku a nwinyi wa xona a hi kona, a nga na ku xi riha; ntsena loku xi lombilwe hi hakhelo, i ta humesa yona hakhelo leyo.

Eksodusi 22:21

U nga xanisi muluveli, hambu ku mu tsimbeketa, hakuva nwinawu mu wa hi valuveli tikweni ga le Gipite. Levi 19:33; Deut. 24:17

Eksodusi 22:7

Loku a munhu a veka a mali yakwe kutani zibya zakwe ka munwani kasi ku zi hlayisa, zonake zi yibyiwa lomu ndlwini yakwe, loku a khamba gi kumiwa gi ta riha hi ku wuyeta kumbiri.

Mavingu 20:10

A tipimo timbiri ta kubinza ti hambeneko, ni tinwani tipimo ti hambeneko, ontlhe ti hi manyalataniso ka Jehova.

Mavingu 22:22

U nga phangi xisiwana, hilezi xi nga xisiwana; e hambu ku tsimbeketa loyi a hlokiswako laha nyangweni.

Mavingu 3:28

U nga wuli ka muakelane wa wena uku: Famba u ta wuya kambe, zi ta ku nyika manziko! Kasi lezo lexi a xi lavako ka wena xi kona. Deut. 24:14

Jeremia 22:13

Khombo ka munhu loyi a akako yindlu yakwe hi kungalulami, Ni tikwaruto ta yona hi kusoholoka, Loyi a tirisako munhu-kulobye handle ka hakhelo, A nga mu rihi; Levi 19:13; Deut. 24:14; Jak. 5:4

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Ezekieli 18:7

loyi a nga onhelangiko munhu, loyi a tlhelisileko a seve wa loyi a nga hi ni nanzu, loyi a nga wutliko nchumu, loyi a phamelako loyi a nga ni ndlala, a hanzulela loyi a nga ni wuna; Ekso. 22:26; Deut. 24:10; Mat. 25:35

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Ezekieli 22:29

A vanhu va tiko legi vatsimbeketi ni vaphangi; ina, va xanisa a zisiwana ni vavumali, va tsimbeketa a vamatiko ahandle ka fanelo.

Levi 25:14

Loku mu xavisa zilo ka muakelani wa wena, ni loku mu xava zilo ka waakelene na wena, mu nga kalavelani.

Levi 25:17

Ngha a nga hi kona loyi a kalavelako a muakelani wakwe; kanilezi chava Nungungulu wa wena; hakuva hi mina Jehova, Nungungulu wa nwina.

Levi 6:3

kutani i thumbile a xilo xi lahlekileko, a ala naxo, zo kala a hlambanya mawunwa ka zilo zo maha lezo, kani hi xihi xilo lexi a munhu xi mu onhisako;

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mateu 20:8

Laha gi nga hlwile, a nwinyi wa xivina aku ka nekwa yakwe: Vitana zitiri, u va nyika hakhelo yabye; sangula hi ka vo gumesa kala ka va kuranga.

Marku 10:19

Wa yi tiva milayo leyi yi nge ngalo: U nga dayi, U nga bhayi, U nga yivi, U nga mahi wukustumunyu ga mawunwa, U nga kalaveli, Chava raru wa wena ni nyine wa wena. Ekso. 20:12-16; Rom. 13:9

Luka 3:13

Aku ka vona: Mu nga hlengisi nchumu hi ku hunza lezi mu layilweko zona.

1 Va le Tesalonika 4:6

lezaku ku nga hi kona munhu a onhako makabye hi lexi xilo; hakuva Nungungulu hi muphoteli wa zontlhe lezo, kota lezi hi nga mu byela kale hi tiyisa ka nwina. Levi 19:11

1 Timote 5:18

Hakuva a mutsalo wu ngalo: U nga bohi a nomu wa homu laha yi hulako timbewu; niku: A xitiri xi fanelwe hi hakhelo ya xona. Deut. 24:14; 25:4; Lu. 10:7

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13