Levi 19:12 - Tshwa Bible

¹² Mu nga hlambanyi mawunwa hi vito ga mina, hakuva lezo ku nyenyezisa a vito ga Nungungulu wa nwina. Hi mina Jehova. Deut. 5:11; Mat. 5:33; Jak. 5:12

Levi 19:12 Mawu Ofanana

Tisimu 15:4

Loyi a cuwukako a wakubiha hi mahlo ya kusola, Kanilezi a dzunza lava va chavako Jehova; Loyi a nga hunzuliko xifungo xakwe, hambu loku a lahlekelwa yena wutsumbu; Jox. 9:19; Mav. 29:27

Eksodusi 20:7

U nga hlakani hi vito ga Jehova, Nungungulu wa wena, hakuva Jehova a nga ta mu khoma kota munhu a nga hava nanzu, loyi a hlakanako hi vito gakwe.

Isaya 48:1

Ingisani lezi, nwina va yindlu ya Jakobe, Nwina lava mu vitanwako hi vito ga Israeli, Lava mu humelako marambyini ya ka Juda, Nwina lava mu hlambanyako hi vito ga Jehova, Mu dumisako a Nungungulu wa ka Israeli, Kanilezi na ku nga hi zinene ni kululama;

Jeremia 34:16

Kanilezi mu tlhelile nzhako, mu hanahanisa a vito ga mina, munwe ni munwani a wuyisa nanza gakwe ga xinuna ni ga xisati, lawo mu nga ma tlharihile ma ti fambela; mu ma khonele kambe a wukhumbi lezaku ma mu tirela.

Jeremia 4:2

Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17

Jeremia 5:2

Hambu lezi va nge ngalo: Jehova wa hanya; Vona va hlambanya hi mawunwa.

Jeremia 7:9

Xana ma ha ta yiva, mu daya, mu bhaya, mu hlambanya mawunwa, mu hisa miphahlo yo nuhela ka Baali, ni ku lanzela vanwani vanungungulu lavo mu nga va tiviko?

Levi 18:21

U nga nyikeli a vana va wena va mahiwa muphahlo ka Moloki. U nga nyenyezisi a vito ga Nungungulu wa wena. Hi mina Jehova.

Levi 20:3

Minawu nzi ta cuwukisa hi mahlo ya makayi loye munhu, nzi mu susa xikari ka vanhu va ka kabye, hakuva i nyikele a nʼwana wakwe a ku maha munyikelo ka Moloki, a nyenyezisa wutshamu ga mina ga kubasa, ni ku xanza a vito ga mina ga kubasa.

Levi 24:11

A nʼwana wa wasati wa muIsraeli i lo xanza ni ku rukatela a Vito ga Nungungulu; zonake va lo mu neha ka Mosi. A vito ga mamani wakwe i wa hi Xelomite, nʼwana wa Dibri, wa lixaka la ka Dani.

Levi 6:3

kutani i thumbile a xilo xi lahlekileko, a ala naxo, zo kala a hlambanya mawunwa ka zilo zo maha lezo, kani hi xihi xilo lexi a munhu xi mu onhisako;

Zakaria 5:3

Yona yiku ka mina: Lowu i nzhukano wu tako hehla ka tiko gontlhe; hakuva munwe ni munwani loyi a yivako i ta susiwa laha hi ntamu wa wona; munwe ni munwani a hlambanyako i ta susiwa laha hi ntamu wa wona.

Zakaria 5:4

Nzi wu humesile, ku wula Jehova wa tiyimpi, wu ta enghena lomu ndlwini ya khamba, ni lomu ndlwini ya loyi a hlambanyako mawunwa hi vito ga mina; wu ta tshama ndlwini yakwe, wu mbheta a timhanze ta yona ni maribye ya yona.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Deuteronome 5:11

U nga hlakani hi vito ga Jehova, Nungungulu wa wena, hakuva Jehova a nga ta mu khoma kota munhu a nga hava nanzu, loyi a hlakanako hi vito gakwe.

Jakobe 5:12

Nguvunguvu, vamakabye va mina, mu nga hlambanyi hi nchumu, hambu hi tilo, hambu ni misava, ge ni kwihi kuhlambanya; kanilezi ngha a Ina wa nwina a hi Ina, ni Ahihi wa nwina a hi Ahihi; kasi mu nga weli kulamulweni. Mat. 5:34