Levi 18:3 - Tshwa Bible

³ Mu nga mahi lezi va mahako le tikweni ga le Gipite, leyo mu nga wa akile kona. Mu nga mahi lezi va mahako le tikweni ga le Kanani leyo nzi mu yisako kona; hambu ku lanzela mikhuwo yabye.

Levi 18:3 Mawu Ofanana

2 Tihosi 17:8

Va lo lanzela a mikhuwo ya matiko lawo Jehova a nga ma hlongola mahlweni ka vanana va ka Israeli, ni mikhuwo ya tihosi ta ka Israeli leyi ti yi mahileko.

Tisimu 106:35

Kanilezi va lo tlhangana ni vamatiko, Va gonza mahanyela yabye.

Eksodusi 23:24

U nga khizameli vanungungulu vabye, u nga va khozeli, u nga mahi mikhuwo yabye; kanilezi u ta va daya vontlhe, u khungumula zifananiso zabye zontlhe.

Ezekieli 23:8

Ni wuoswi legi a nga gi maha ni va le Gipite a nga gi tsikengi; lava va nga wa etlela naye wunhanyaneni gakwe, va pswhinyingetela a tihlofu ta wuswa gakwe; va chulula a wubhayi gabye hehla kakwe.

Levi 20:23

Mu nga lanzeli mikhuwo ya vanhu va tiko lego nzi va hlongolako mahlweni ka nwina, hakuva va mahile zontlhe lezi zilo, va nzi hlamukisa ha zona.

Va le Roma 12:2

Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko. Efe. 1:18; 1 Ped. 1:14; 1 Joh. 2:15

Deuteronome 12:4

Loku mu khozela Jehova Nungungulu wa nwina, mu nga ta maha kota vona.

Deuteronome 29:17

nwina mu wonile manyala yabye, ni zifananiso zabye za chaka za tisinya, ni maribye, ni siliva, ni nzalama, lezi zi nga xikari ka vona.

Deuteronome 9:4

Laha Jehova Nungungulu wa wena a ta ngava a hlongole valala va wena, u nga wuli mbilwini ya wena, uku: Jehova i nzi fumisile ka tiko legi hi kota ya kululama ka mina; hakuva Jehova i hlongola lawa matiko hi kota ya kubiha ka wona.