Levi 18:27 - Tshwa Bible

²⁷ Hakuva wontihe laya manyala ma mahilwe hi vanhu lava va nga wa akile ka tiko lego, na mu nga se va kona nwina, hikwalaho a misava yi nyenyezisilwe.

Levi 18:27 Mawu Ofanana

1 Tihosi 14:24

Lomu tikweni ga ka Juda ku wa hi kona a vavanuna lava va nga wa hlawulelwe wubhayi. Va lo anzisa wontihe manyala ya matiko lawa Jehova a nga wa ma hlongole mahlweni ka vanana va ka Israeli. Deut. 18:9; 23:17

2 Tihosi 16:3

I lo lanzela tindlela ta tihosi ta ka Israeli; i lo hisa a nʼwana wakwe laha nzilweni, a lanzela mahanyela ya vamatiko, lava Jehova a nga va hlongola mahlweni ka vanana va ka Israeli. Levi 18:21; Deut. 18:10

2 Tihosi 21:2

I lo maha lezi zi bihileko mahlweni ka Jehova, a lanzela a manyala ya matiko lawo Jehova a ma hlongoleko mahlweni ka vanana va ka Israeli.

2 Kronekele 36:14

Tlhatakumbiri a tihosana tontlhe ta vapristi, ni vanhu va tiko va lo anzisa nguvu kuhambunyeta kabye, va lanzela manyala wontihe ya vamatiko, va nyenyezisa a yindlu ya Jehova leyi a nga wa yi basisile a kuva yakwe le Jerusalema.

Ezekieli 16:50

Va wa ti kulisa, va maha manyalataniso mahlweni ka mina; hikwalaho loku nzi zi wonile nzi lo va susa. Gen. 18:20

Ezekieli 22:11

Ku mahiwa manyala ni sati wa muakelane, a vanwani va maha kubiha ni vakatamwane, a ka wena va wisa tingana a vamakabye va xisati, a vanhwana vo belekwa hi vararu vabye.

Hosea 9:10

Nzi thumbile Israeli khwatsi mauva ya lomu xiwuleni; nzi wonile a vadadani va nwina khwatsi mihanzu yo sangula ya nkuwu wa ha tewulako. Kanilezi vona va lota le Baal-peora, va ti nyikela ka nungungulu wa tingana, vave manyalataniso ku fanana ni loyi va nga mu ranza. Mitse. 25:3; Jer. 3:24

Levi 18:24

Mu nga ti nyenyezisi hi xinwe xa lezi zilo, hakuva a matiko laya nzi ma hlongoleko mahlweni ka nwina, ma ti nyenyezisile hi zontlhe lezo zilo.

Levi 18:26

Kasike nwina mu ta hlayisa milayo na mina ni zileletelo za mina, mu nga mahi ni xinwe xa lezi zinyenyeko, hambu loyi a nga xisumbulwa lomu tikweni, hambu muluveli loyi a nga xikari ka nwina.

Levi 18:28

Ti woneleni, a tiko gi nga mu hlata, loku mu gi nyenyezisa; kota lezi gi hlatileko a vanhu lava va nga wa hi kona na mu nga se va kona nwina.

Deuteronome 20:18

Kasi ku fela ku kala va nga mu gonzisi a ku maha wontihe manyala lawa vona va mahelako vanungungulu vabye, nwinawu mu onha ka Jehova Nungungulu wa nwina.

Deuteronome 23:18

U nga nehi lomu ndlwini ka Jehova Nungungulu wa wena a hakhelo ya xibhayi, hambu ni kurihwa ka mbyana, a ku rihela xifungo xa kuhlambanya; hakuva lezo zilo manyala ka Jehova Nungungulu wa wena.

Deuteronome 25:16

Hakuva loye a mahako lezi zilo, ni loyi a kanganyisako, xinyenyeko ka Jehova Nungungulu wa wena.

Deuteronome 27:15

Khombo a give ka munhu loyi a mahako xifananiso xi vatlilweko, hambu lexi xi nyekisilweko, xi nga manyala ka Jehova, a ntiro wa mandla ya vanhu, a xi yimisa wutshanwini gi fihleleko! A vanhu vontlhe va ta hlamula, vaku: Amen!