Levi 18:26 - Tshwa Bible

²⁶ Kasike nwina mu ta hlayisa milayo na mina ni zileletelo za mina, mu nga mahi ni xinwe xa lezi zinyenyeko, hambu loyi a nga xisumbulwa lomu tikweni, hambu muluveli loyi a nga xikari ka nwina.

Levi 18:26 Mawu Ofanana

1 Tihosi 14:24

Lomu tikweni ga ka Juda ku wa hi kona a vavanuna lava va nga wa hlawulelwe wubhayi. Va lo anzisa wontihe manyala ya matiko lawa Jehova a nga wa ma hlongole mahlweni ka vanana va ka Israeli. Deut. 18:9; 23:17

Levi 17:10

Kani hi wihi munhu wa lixaka la ka Israeli, hambu loku a hi muluveli a akileko xikari kabye, a gako ni lihi lixaka la nkhata, nzi ta mu cuwukisa hi mahlo ya makayi, nzi mu susa ka va ka kabye. Deut. 12:16, 23; Miti. 15:20

Levi 17:8

U ta va byela ku ngalo: Kani hi wihi munhu wa lixaka la ka Israeli, hambu muluveli loyi a akileko xikari kabye, a nyikelako a munyikelo wa kuhiswa, kutani muphahlo,

Levi 18:25

A tiko gi ti nyenyezisile; nzi lamulile kuonha ka gona; lezaku a misava yi hlatile vaaki va gona.

Levi 18:27

Hakuva wontihe laya manyala ma mahilwe hi vanhu lava va nga wa akile ka tiko lego, na mu nga se va kona nwina, hikwalaho a misava yi nyenyezisilwe.

Levi 18:30

Hikwalaho mu ta hlayisa milayo ya mina, kasi mu nga dzuki mu lanzela ni munwe wa mikhuwo leyi yo biha, leyi yi nga wa lanzelwa hi lava va nga wa hi kona na mu nga se va kona nwina; hikwalaho mu nga ti nyenyezisi ha yona. Hi mina Jehova, Nungungulu wa nwina.

Levi 18:5

Hikwalaho mu ta ingisa milayo ya mina ni zileletelo za mina; a munhu loye a zi mahako i ta hanya ha zona: hi mina Jehova. Ezek. 20:11; Rom. 10:5; Gal. 3:12

Luka 11:28

Kanilezi Jesu aku ngalo: Ina, ku katekile nguvunguvu lava va zwako a mhaka ya Nungungulu, va yi hlayisa. Mat. 7:21; Xip. 8:21; Jak. 1:25

Luka 8:15

Kanilezi leyi yi weleko misaveni yo saseka, hi vona lava na va zwile a mhaka, va yi hlayisa hi mbilu yi nene ni yi longamileko, va pswala mihanzu hi kutimisela.

Johani 14:15

Loku mu nzi ranza, mu ta hlayisa milayo ya mina. 1 Joh. 5:3

Johani 15:14

Nwina mu maxaka ya mina, loku mu maha lezi nzi mu leletelako. Mat. 12:50

Deuteronome 12:32

Zontlhe lezi nzi mu leleteleko mu ta zi hlayisa, mu zi maha. Mu nga engeteli nchumu, ge ni ku hungula nchumu.

Deuteronome 4:40

hlayisa milayo yakwe ni zileletelo zakwe lezi nzi ku leletelako nyamutlha, kasi u fela ku humelela, ni vanana va wena anzhako ka wena, niku kasi a masiku ya wena ma engetelwa laha misaveni leyi Jehova Nungungulu wa wena a ku nyikileko, a kuva ya wena kala kupinzuka.