Levi 17:8 - Tshwa Bible

⁸ U ta va byela ku ngalo: Kani hi wihi munhu wa lixaka la ka Israeli, hambu muluveli loyi a akileko xikari kabye, a nyikelako a munyikelo wa kuhiswa, kutani muphahlo,

Levi 17:8 Mawu Ofanana

2 Samueli 24:25

Zonake Davida i lo aka a alati ga Jehova; a nyikela miphahlelo ya kuhiswa, ni miphahlelo ya kurula; hilezo Jehova i lo tsetselela a vanhu, zonake a ntungu wa khawula lomu ka Israeli.

Levi 17:10

Kani hi wihi munhu wa lixaka la ka Israeli, hambu loku a hi muluveli a akileko xikari kabye, a gako ni lihi lixaka la nkhata, nzi ta mu cuwukisa hi mahlo ya makayi, nzi mu susa ka va ka kabye. Deut. 12:16, 23; Miti. 15:20

Levi 17:4

na a nga yi nehi laha nyangweni ya tabemakeli ga mutlhangano, a kuva a yi nyikela ka Jehova mahlweni ka wutshamu ga kubasa ga Jehova, i tava ni nanzu wa nkhata: hakuva i halatile a nkhata: loye munhu i ta susiwa xikari ka vanhu va ka kabye.

Levi 17:7

Va nga ha nyikeli miphahlelo yabye ka madimoni, lawa va bhayako nawo. Lowu wu tava nayo wa pinzukelwa ka zontlhe zizukulwana zabye. Deut. 32:17; 1 Kor. 10:20

Levi 17:9

na a nga wu nehi laha nyangweni ya tabemakeli ga mutlhangano, kasi ku ta maha munyikelo ka Jehova, loye munhu i ta susiwa xikari ka va ka kabye.

Levi 3:7

Loku a nyikela yivana, a kuva muphahlo wakwe, i ta yi nyikela mahlweni ka Jehova.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Joxua 22:11

Zonake a vanana va ka Israeli va lozwa lezaku: Languta, a vanana va ka Rubeni, ni vanana va ka Gadi, ni khihlanya ga lixaka la ka Manasa va akile alati legi gi cuwukeneko ni tiko ga Kanani, hi le mbhirini ya Jordani, hi tlhelo ga vanana va ka Israeli.

Joxua 22:15

Na vona va lota ka vanana va ka Rubeni, ni ka vanana va ka Gadi, ni ka khihlanya ga lixaka la ka Manasa, le tikweni ga le Gileade, va lo ta wulawula zinwe navo, vaku:

Joxua 22:16

A tlhangano wontihe wa Jehova, wu ngalo: Xana kuhambuka ka kuyini loku mu ku mahileko mu vukela Nungungulu wa ka Israeli, lezi mu fularelako Jehova legi siku, mu ti akela a alati mu hluwuka Jehova legi siku ke?

Valamuli 6:26

U aka a alati ga Jehova Nungungulu wa wena hehla ka ribye lego, u gi aka khwatsi. U ta teka a honwana ya wumbiri u maha muphahlo wo hiswa hi tihunyi ta xifananiso lexi u nga xi tsemelela.

1 Samueli 10:8

Wena u ta ranga uya le Gilgali, zonake minawu nzi ta ku lanzela nzi ta maha munyikelo wa kuhiswa ni miphahlo ya kurula. U ta ya nzi rinzela leyo 7 wa masiku, kala nzi chikela; zonake nzi ta ta ku byela lezi u faneleko ku zi maha.

1 Samueli 16:2

Samueli aku: Nzi ta fambisa kuyini? Hakuva loku Saule a zizwa, i ta nzi daya. Jehova aku kakwe: U ta teka a thokazi u famba nago, u yaku: Nzi tela ku ta nyikela muphahlelo ka Jehova.

1 Samueli 7:9

Samueli i lo teka a xiyivana xa ha anwako, a xi nyikela xontlhe xi maha munyikelo wa kuhiswa ka Jehova. Zonake Samueli i lo khongelela va ka Israeli ka Jehova, na Jehova i lo mu hlamula.